Ətefɨ̂aʼ 6:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàs piə sê ghàyn ə ghɔnyìə ghasə nə, ghàyn chɔʼ ghɨghe əsɛ̀mbɛ̂ ə ghayn əfètəyn, ghɛ ə ghe kyi ndam èchùŋ, è tɔf eghaʼâzè è Zuʼse Ŋwaʼase e fɨnə chisə̂ ghənə kə ghàs fo fɨ̂aʼ zɨ̂nə̀ sê ghənə.

Ətefɨ̂aʼ 6:3 ပူးပေါင်းရင်းမြစ်များ

Matyò 23:8

Pîza kə ghàyn za nə ə tɔŋtə̂ ghàyn nə, ‘Setyə̀ynsè’ kûmə̀ nə ghàyn kyi ke tyə̀ynsè èmɔ̀ʼ, mə ghàyn əkɨ̂m nyi əghɔnyì ə Və.

Njɔyn 21:23

Ə̀ za nyi eghɛ zɛ ə ze tè nəyn, chùmtè èpàm sə Njisə̀sè e pîə nə, vɨnə mə tə kwuə va. Pîza, Njisə̀s tè paʼà pì nə è tə kwuə va. È tè pi nə, “Ə M za nə è nə ndamə kə ndò nâʼà kə M tə kɛsê pəyn, ə ngəʼ zɛ̂zè ə nyi ghè ətəyn ə?”

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 1:21

Pità ə tsâ nyi ə ke pì nə, “E za tyə̀nə̀ nə ghâsènì kyi se chɔʼɔ wùə èmɔ̀ʼ. Wùə nə vɨ̂yn kyi sə nyi wùə vɛ ə è tè nyì ghâsènì shîŋə̀ tekɨ̂m kə ghâsènì ghə̀ Pɛ̂pɛ Njisə̀s tè kwìə ndûə ə telùʼ ə telùʼ, se zhə̀tè ə shɨŋ zɛ ə Njɔyn tè fo môm se ghɨ se nduə tàyn ə shɨŋ zɛ ə Njisə̀s tè kɔʼ ekwùtwəyn. È kyi sə nyi wùə mə è kàʼa è tə tsayn èghɛ kûmə̀ èzomə̀ ə Njisə̀szè.”

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 15:23

Ə tomə ŋwàʼlè ènyàʼa sê ghənə pîə nə, “Ghàs ghɨətomə, è ghɨə chisəghe ə ndɛ ə̀ Fèzhə̀ mə nyi ə ghɔnyì ghaynghe tomə ètɔŋtê se ghàyn. Ə ghàyn ghɛ ə nyi ə ghɔnyì ghasə mə ghàyn vachi ə̀ghɨə Njûsə̀. Ə ghàyn ghɛ ə ghàyn ndamə endaʼ Antyòkzè, è pâs endaʼa Silyàkè, è Sìlisyà.

Ətefɨ̂aʼ 16:2

Ghɨə poməghe əkɨ̂m endaʼ ə Lisɨtɨ̀là è endaʼ Ìkonyùm tè wàmnə̀ kə àchûŋ kûmə̀ Timotì.

Ətefɨ̂aʼ 2:4

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Ətefɨ̂aʼ 22:12

Wùə vîvè tè nyîə nyi fumə endaʼ zə vəynze nyi Ànàniyàs, ə̀ nyi wùə Fèzhə̀ ndəmə̀ àlâŋ, nâʼà ə̀ghɨ ə Njûs ghɛ ə tè ndamə fumə e kɔʼsə̂ vəyn àchûŋ.

Ətefɨ̂aʼ 28:14

Kə ghàs nji ndû fumə ə kotə ə̀ghɨə pomə fu, ghənə ə chyatə̂ nə ghâsè ghə̀ ghənə ndamte sə ngâm, ghàs ə ke tsɛ ndù ə Lûm.

Ətefɨ̂aʼ 6:2

Ghɨətom ə Njisə̀s ghɛ njò sepɛ̀ ə tɔŋnə̂ əghɨ epomə̂ nə ghɨ̂yn nâʼà ə̀kɨ̂m nə ghe pəyn atsɨ̀ynte, ə pìə sê ghənə nə, “Ze tsɔ̂fə̀ va nə ghàs za sə̂ ndàʼà tom ə̀ Fèzhə̀ ə tsɨsə sə̂ chyâtə̀ èkɛ.

Ətefɨ̂aʼ 6:5

Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 6:6

Ghɨə pomə tè pəyn è ghənə sê ghɨətom ə Njisə̀sghè, ghənə ə ndə̀mə̀ ə̀gho əghɨ nə ghɨ̂yn ətu ə tsə̀mə̀ sê ghənə.

Ətefɨ̂aʼ 9:30

Ə pə̀ kə ghɨ pomə zɨ paynse nə ə kyiŋə se zhwiə Sɔ̂l, ghənə ə təsə̂ tsosə̂ vəyn endaʼa kàysalyàzè ə tiynsə̂ vəyn endaʼa Tasùszè.

1 Kɔlìŋ 12:8

Zuʼsə təynse fo se wùə vîvè tom mə è nyiə kyi ètɔf eghaʼâzè, sê wùə mɔʼɔ, se fo tom mə è nyiə kyi èkê.

1 Kɔlìŋ 16:3

Ə̀ tə nə̂ nyi ezhoghɛ m pə̂yn, m tə fo ŋwàʼlè sê ghɨ ghɛ ə ghàyn chɔʼte, ə m tom nə ghənə nji ndu è fɨa vɛ ə ghàyn tsɨte ə Njèlusalɛ̀m.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

3 Njɔyn 1:12

Ə̀ pə̀ pîndè wàmnə̀ kə achûŋ kûmə̀ Ndèmitiyùs. È nə̀ ə̀ghɛ ghɛ ə ghe nyi səmɔʼ, zɨnə mə echwîtə̀ nə è nyi wùə èchùŋ. Pî ghàs wàmnə̀ kə àchûŋ kûmə̀ vəyn. Ò nyi ə ke nə ghɛ zɛ ə ghàs pìə kûmə̀ vəyn nyi səmɔʼ.