Ətefɨ̂aʼ 6:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghàs ə tə zɨ kə è pìə nə Njisə̀s ə̀ Nazalɛ̀t nə vɨ̂yn tə pɨ̂sə̀ ndɛ̂ ètsə̀mə, ə È fɨyn kwiynê endam zɛ ə Mosîs tè zaʼle ghâsènì ətəyn.”

Ətefɨ̂aʼ 6:14 ပူးပေါင်းရင်းမြစ်များ

Matyò 26:61

ə pìə nə, “Wùə vɨ̀nə tè pi nə, ‘È nyi pɨ̀ytè ə Ndɛ Ètsə̀mə ə fètə̀m m̀tuʼ mta, ə è kɛse pɛ kɔʼsê zɨ̂ynzè.”

Ŋwàʼlè ə̀ Mâk 14:58

“Ghàs tè zɨ kə è pìə nə, ‘M nə̀ pɨ̂sə̀ Ndɛ Ètsə̀mə zɨ̂yn ə pɛ è gho nyî, ə m kɛse pɛ zə̂ndò ə mtuʼ mta, mə paʼà pɛ ègho.’”

Tom èchùŋ kè kə Lûk tè nyaʼ 21:24

Ə tə tsuʼlə̂ zhwitə̂ ghənə è nyîm, ə kote ghənə ə nji ndù ndəm sə ekɔ̀s ə epɨ̀as ə mbive ekɨ̂m. Ə̀ za nyi kè kə ghɨatumə tə kəʼsə̂ Njèlusalɛ̀m è gholə nyi ə nyâplə̀ è ghənə se zaʼâ kə shîŋə̀ ghənəà kɔʼ kwəyn.

Tom èchùŋ kè kə Lûk tè nyaʼ 21:6

“Ghàyn fe pɨəyn nə kɨnə̀ nyi, shîŋə̀kè paʼsə̂ pə̂ ndò kə ə pɨyte ndɛ sə ətəynse nâʼà nyiə ə chize ə fɨyn nyaʼ va etuə zhize.” (Matyò 24.3-14; Mâk 13.3-13.)

Njɔyn 2:19

Njisə̀s ə pə̀ynsə̀ sê ghənə nə, “Ghàyn pɨyte Ndɛ Ètsə̀mə zɨ̂yn, ə M kɛse pɛ zə̂yn sə m̀tuʼ mta.”

Njɔyn 4:21

Njisə̀s ə pìə sê vəyn nə, “Wùzhɔyn pomə ghɛ zɛ M tsâ sê ghò. Shîŋə̀kè tə pə̂ mə ghɨə tə ngɨmnə̂ va Pɨ̀a fa etûə pfɨ̀yn, pî ə Njèlusalɛ̀m.

Ətefɨ̂aʼ 15:1

Ghɨ yîghe ə ndò apàs endaʼ ə Njòndyâkè ə tso pə̂ ə Antyòk. Ghənə ə ə zhə̀tə̀ se zaʼlə̂ ə̀ghɨ pomə nə, “Ə tàʼa se ənam ghaynghe, kè eghɨ kə Saʼ ə Mosîszè tè tyə̂nə̀, ə ghàyn tə tàʼa kyi esɔzaze.”

Ətefɨ̂aʼ 21:21

Ə tsàyn sê ghənə nə ò zaʼlə̂ ə̀ghɨ Njûs ghɛ ə ghənə ndamə ə tendaʼ tə atumte nə kə ghənə ə ndə̂mə̀ tèsaʼ tɛ ə Mosîs tè pə̀yn è təynte, fɨnə tsâ kəpî nə ò piə nə kə ghənə ə se ə̀nam ə ghɔyn ə ghənə̂ghè, pî se ndam kə saʼ ə Njûszè tyə̀nə̀.

Ətefɨ̂aʼ 25:8

Pîza Pɔ̂l ə pìə nə ghɛ ghɛ ə ghənə pîə ə zhì ə tu nâʼà ə̀kɨ̂m nyi akaŋ. È və pì nə, “M pâʼà nə̀yn pofsê ghɛ zhîze se kyim esaʼ ə ghɨ̀ ə Njûszè, pi se kyim esaʼ ə ndɛ ètsə̀məze, pi zə Kasàzè ə Lûm.”

Ətefɨ̂aʼ 26:3

M pîə nyiəmə kûmə̀ nə ò nyîə fɛte ke tèndom tɛ ə ghɨ Njûsə̀ ndamə ətəyn tèkɨ̂m, è ndom tɛ ə sâʼnêtè pə̀ ətəyn. M chyatə̂ ndò ghò nə ò kyi zoynsê ewìynze se zɨtê eghɛ zɛ kə m pi.

Ətefɨ̂aʼ 28:17

Tuʼmè ə tsɛ̀ m̀ta, Pɔ̂l ə tɔŋɔ̂ àtsɨ̂ynte yighə̀ tu ə ghɨ̀ ə Njûs vɛ ə ve tè nyi ə Lûm. Kə ghənə ə pə̂yn, Pɔ̂l ə pìə sê ghənə nə, “Ghɔnyì ghɨm ghə Isìlâyghè, m tè paʼà nə̀yn pi zhîzè se ghɨ ghɨ̀nə̀, ə tàʼa nə pofsê eghɛ zhîze kûmə̀ ètsɨsə̂ endaʼ zɛ ə pɨ̀a ə ghâsènì ghəshiə tè zà sè ghâsènì. Pîza kə ghɨ ə ghasènìghe tè ko mi Njèlusalɛ̀m ə fo mi sê tu ə ghɨ̀ ə Lûmvè. Nyiəmə, ze tyə̂nə̀ nə m zo fa nyi kə wùə ndɛ ə̀chaʼ.

Ngàleshyà 3:19

Lâŋà tè nyì se gha ghe? Ə tè kwəynse Alâŋ etûə m̀kàyn kə wùə pfɨ̀ə, è və kê nə zhi ə nə̀yn pi. Lâŋkè kyi sə̂ nyi ke ndò se zaʼâ kə ghâŋfə Aplàghâmfè pəyn, ə fɛ ə Zhə̀fè tè nəyn tsɨ̂nè nə zɛ se fəynfe. Ə tè tom setsì è lâŋa ətəynke sê Mosîs nə è tsɛ̀se sê ghɨ.

Ngàleshyà 3:23

Ə̀ tè nyi tsɔ̀fə kə kyî epoməzè ə nyi, ghâsènì ghɨ Njûsə̀ e kwîə kə etyə̀ Alàŋ kə ghɨ ndɛ̂ chaʼa, se zaʼâ ashìŋə̀ kɛ ə Zhə̀fè tè tyəyn paynsê èkyî èpomə nə zɨ̂yn ə ze tè kyi se pə̀yn.