Ətefɨ̂aʼ 6:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè nyi ə mtuʼ nə mɛ kə ghɨə poməghe tè tsɨ̀ə ndûə kə əshi, ghɛ ə ghe tè wàmnə̀ ewàmnè ə Nglêkzè ə səʼə̀ èzô yî ghə̀ ghɨ ghɛ ə ghe tè wàmnə̀ wâmnè endaʼa Njûszè. Ghɨ ghɛ ə ghe tè wàmnə̀ wâmnè ə Nglêkzè tè piə nə, zhwiə kwuə ghənə̂ghè fiə zaʼâ va kɔ̂yn ekɛ kɛ ə fo sê zhwiə kwuə.

Ətefɨ̂aʼ 6:1 ပူးပေါင်းရင်းမြစ်များ

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Ətefɨ̂aʼ 11:20

Pîza ghɨə pomə əmɔ̀ʼɔghe ə fɨə pə̂ endaʼ Sàypulòsè èndaʼa Silènzè ndûə kəpi ə Antyòk sè pɔŋɔ ndâʼà tom èchùŋ sê ghɨə Nglêkghè kûmə̀ Pɛ̂pɛ Njisə̀s.

Ətefɨ̂aʼ 11:26

Ə̂ pə̀ kə è kyiŋ fe vəyn, è və njiə ndûə è vəyn ə Antyòk. È və ke ndam yî vəyn fu sə pîŋ èfɨ̀plè, ghənə əpɛ̀ e tsɨ̂yntə̀ yighə̀ ghɨ ndɛ ə̀ Fezhə̀ghe. Ghənə ə zaʼlə̂ ə̀ghɨ pomə fu ghe tsɨ̂ə kə nyi. Ə tè nyi Antyòk kə tè zhə̀te se tɔŋtə sechùmtè sə Njisə̀s sè nə əghɨ ə Klâysghè.

Ətefɨ̂aʼ 11:29

Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

Ətefɨ̂aʼ 2:45

Ghənə tè pəʼlə èfɨa ə ghənə̂vè, chyâtə̀ èkɛ ətəynve, fo kə se wùə kè kə è tè làʼà.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 4:35

fo se ghɨətomə Njisə̀sghè, ghənə e chyâtə̀ sê ghɨ poməghe, nâʼà pîndè e fiə kə kɛ è làʼà.

Ətefɨ̂aʼ 4:4

Pîza ghɨ tsɨə ghɛ ghe tè zɨ ghɛ ghɛ ə Pità yî Njɔyn tè zaʼlə, ə pomə, nɔ̂yn ə ghɨə poməke ə kɔʼɔ zaʼâ ndùə kam setâyn.

Ətefɨ̂aʼ 5:14

Ndômnèghè è zənə setsɨ̀ ə tə pomə̂ se Pɛ̂pɛ, ə kwəynsə̂ anɔ̀yn ə ghɨə pomə nə kɛ, kɔ̂yn ə ghənə̂kè ə tsɨ̀ə nduə kə èshike.

Ətefɨ̂aʼ 5:28

“Ghàs ə tə tsɛ̀sè lâŋkè nə kə ghàyn fɨyn zaʼlê ə̀ghɨ è ghɛ ghɛ ə Njisə̀s tè pi nə ghàyn ə zaʼlə̂. Ghàyn ə fe ghɛ zɛ ə ghàyn nə̀yn ə? Ghàyn kyiŋə nə ghɨghe ə ghâmə̀ ghàs pîə nə ə̀ tè nə̀yn ghàs nə ə zhwiə Njisə̀s mə?”

Ətefɨ̂aʼ 6:2

Ghɨətom ə Njisə̀s ghɛ njò sepɛ̀ ə tɔŋnə̂ əghɨ epomə̂ nə ghɨ̂yn nâʼà ə̀kɨ̂m nə ghe pəyn atsɨ̀ynte, ə pìə sê ghənə nə, “Ze tsɔ̂fə̀ va nə ghàs za sə̂ ndàʼà tom ə̀ Fèzhə̀ ə tsɨsə sə̂ chyâtə̀ èkɛ.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ətefɨ̂aʼ 9:29

È tè wàmnə̀ fɨnə saʼnə̂ ə̀ghɛ yî ghɨ Njûs ghɛ ə ghe tè wàmnə̀ wâmnè ə Nglêkzè. Ghənə zhə̀tə̀ sè fɨasə se zhwiə vəyn.

Ətefɨ̂aʼ 9:39

Pità ə pɨaʼtə̂ ə ndùə yighə̀ ghənə, ə pə̀ kə è ndù tâyn fumə, ghənə ə njìə kɔʼɔ è vəyn ə lûm ə̀ ndɛ èkwùtwəyn. Zhwiə kwuə nâʼà ə̀kɨ̂m fu ə zùŋtə̀ ka ə və ngwùŋ, chîə tyə̂yntə̀ sendzɨs sə ghənə̂sè, è laf əmɔ̀ʼɔ vɛ ə Ndokàs tè tàsə sê ghənə kə è tè pa nyi ètwɔ.

Ətefɨ̂aʼ 9:41

Pità ə kyîə ndwisə̀ vəyn ə tɔŋnə̂ ə̀ghɨ poməghe è zhwiə kwu ghɛ ə ghe tè nyì fumə, ə tyə̀ynə̀ sê ghənə nə Tàpità nyi ètwɔ.

Ŋwàʼlè ə̀ Pɔ̂l sê ghɨə Lûmghè 12:7

Ə fo ə̀ Fezhə̀ se wùə nyi nə è fɨ̂aʼ, è və fɨaʼà. Wùə vɛ ə fo ə̀ Fèzhə̀ se vəyn nyi nə è və zaʼlə̂, è ve zaʼlə̂ ə̀ghɨ.

1 Kɔlìŋ 10:10

Ghâsènì kiva pî sə̂ shwinə̂ kə ghənə yîghe tè shwinə̂, ghɛ ətəynze ə nə̀, tsì ə̀ Fezhə̀ zɛ ə è pə̀ èkwuze ə zhwitə̂ ghənə.

2 Kolìŋ 11:22

Ghənə kɔʼsə̂ èwiyn pìə nə ghənə nyi əghɨ Ipilùghè. M nyi kepî wùə Ipilù. Ghənə pìə nə ghənə nyi ə ghɨə Isìlâyghè. M nyi kepî wùə Isìlây. Ghənə ghəmɔ̀ʼɔ pìə kəpi nə ghənə nyi əghɨ esas ə ndɛ Aplàghâmzè. M nyi kepî wùə èsas ə ndɛ ə Aplàghâmzè.

Filìpây 3:5

Ə tè se ə nam ghɨmə mə tuʼ mə tsɛ̀ m̀sɛ̀mbɛ kə piə mi. M nyi wùə ə̀ Isìlây mə m fɨ etàŋ ə Penjamə̀ynzè. Pɨ̀a vɨ̂mvè è nyì vɨ̂mvè tè nyi ndɨŋndɨŋ ə̀ghɨ ə Ipilùghè. M tè nyi wùə anɔ̀yn ə ghɨə Falàsîkè, ndə̀mə̀ elwɔ̂ŋ nâʼà sə ŋaŋ.

1 Timotì 5:3

Ghàyn e tɔ̂ʼnə̀ è zhwiə kwuə ghɛ ə ghe ndɨŋ kyi va.

1 Timotì 5:9

Ə zhwìə kwu kwəynə va pìŋsè m̀ghɨm mtufə, kə ò nji vəyn nə è tsɨynte nɔ̂yn ə zhwiə kwuke. Ə̀ kyi sə̂ nyi wùzhɔyn mə è tè fɨə kwîə va ə pɨəyn yighə̀ ndômnè əmɔ̀ʼɔghe

Ipilù 13:1

Ghàyn ndu ke èshike sə̂ kɔ̂ŋɔ̀ sèngɨŋ saynse kə ghɔ nyìə.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

Njə̂m 4:5

Ghàyn kwàʼtə̀ nə ŋwàʼlè ə Fèzhə̀ wamə ndò kə è pìə nə, “Zhə̀fè nyiə səmtə̂ nâʼà sə ŋaŋ nə zuʼ sɛ ə fe nyi mə fe ə ndə̀m ə ghâsènì ə fètəyn tsamte ghâsènì sə̂ kɔ̂ŋə̀ vəyn.”

Njə̂m 5:9

Kə ghàyn ə kwânə̀ sèngɨŋ saynse ə ghɔnyì ghɨmə kə Zhə̀fè tə tàʼa saʼ ghàyn. Zhə̀fè tyəm ke echò ndɛ nyi èpɨaʼtêzè se nji ə ndɛ.