Ətefɨ̂aʼ 5:39 - Ŋwàʼlè ə̀ Fèzhə̀ Mkâyn Mə̂ Fèm

³⁹ Pîza ə nyi mə ə̀ fo Fèzhə̀ tyaʼke nə ghənə ə nə̂, ə ze ə pɔynə̂ va sê ghàyn se tɛ ghaʼa ghənə, ə ghàyn nə fe mə ze kyaʼà kə ghàyn nò Fèzhə̀!” Ghɨ saʼ nə ghɨ̂yn ə zɨə ètəftê zɛ ə Ngàmàlyâ fo,

Ətefɨ̂aʼ 5:39 ပူးပေါင်းရင်းမြစ်များ

Matyò 16:18

M pîə sê ghò Pità nə, ò nyi anayn, mə fa etûə anayn M nə̀ pɛ ndɛ àtsɨ̂ynte zɨ̂mzè. Mə pî àtyaʼ ekwuke vayn kaʼa ə ke nəʼse zə̂ynzè.

Tom èchùŋ kè kə Lûk tè nyaʼ 21:15

kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.

Ətefɨ̂aʼ 11:17

Mə ke fe səmɔʼ nə Zhə̀fè ə fo foze sê ghɨ ghɛ ə̀ vachi ə̀ghɨ ə Njûsghè kèpi kə fe tè fo sê ghâsènì kə ghâsènì tè pomə sê Pɛ̂pɛ Njisə̀s Klâys. M nyiə tè nyì nâʼà ndè se tàm eghɛ zɛ ə Zhə̀fè tè kyi se nə̀yn ə.”

Ətefɨ̂aʼ 23:9

Puʼ m̀pɔ̂ŋ ətəynze ə pɨlə kɔʼɔ mɨ̂sə̀ ndûə kə ekwùtwəyn, tyə̀ynsè sə alàŋ shîse ə se tè nyì anɔ̀yn əghɨ Falàsîkè ə ndwìə tyəmə̂ ə zɔ̀ nâʼà sə ŋaŋ pîə nə, “Ghàs paʼà fe ghɛ epi zhîze kûmə̀ wùə vɨnə̀! Zə kaʼa ə zə nyi zàyn ezhoghɛ ə̀ nyi mə ə̀ wàmne sezuʼ sê vəyn kɨ̀sə tsì.”

Ətefɨ̂aʼ 6:10

Ghənə ə saʼnə̂ ə̀ghɛ yighə̀ Shìtifɨ̀yn ə tânə̀ andiŋ kyîke sè fɨyn kyi va ghɛze se pì kûmə̀ nə Shìtifɨ̀yn tè wàmnə̀ è tɔf eghaʼâzè, mə ə̀ fo Sèzuʼse Ŋwaʼase.

Ətefɨ̂aʼ 7:51

Shìtifɨ̀yn ə wàmnə̀ nyi ə pìə nə, “Ghàyn tɛ è tuve. Ghàyn ə fɨ̀yntè tûŋneve sê kyə̀ Fèzhə̀, ə tɛsə̂ ə̀təm ghaynghe. Ghàyn nyì kepî èghɨ kə pɨ̀a ghayn ghəshiə. Ghàyn ə faŋ sè kwiynsə̂ kə nə ghàyn vayn kàʼa zɨte ghɛ zɛ ə Zuʼse Ŋwaʼase pîə.

Ətefɨ̂aʼ 9:5

Sɔ̂l ə pfɨfə nə, “Pɛ̂pɛ, Ə̀ nyì ghô ndè?” Kyə̀ ə̀təyn ə pə̀ynsə̀ nə, “Ə̀ nyi mi Njisə̀s, vɛ ə ò tsə̀fsə̀ vəyn za.

1 Kɔlìŋ 1:25

Kûmə̀ nə ghɛ ə Fezhə̀ zɛ ə ze nyi kə ango nyîə kyi ètɔf eghaʼâzè tsɨ̂ə tsɛ̂ ètɔf eghaʼâ ə wûə m̀sɔ̀ŋze, mə ghɛ zɛ ə ze kyaʼà kə ze kyi va tyaʼa se Zhə̀fè nyîə kyi àtyaʼ tsɛ̂ àtyaʼ ə wûə m̀sɔ̀ŋke.

1 Kɔlìŋ 10:22

Mə ghâsènì kyiŋə se nə̀yn nə Zhə̀fè ə nyɔʼsə̀ ètɔŋ sê ghâsènì ə? Ghâsènì kwàʼtə̀ nə ə tɛ tsɛ ndò Və ə?