Ətefɨ̂aʼ 5:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Tuə sesokə̀ʼ kɛ ə ke tè fɨ̀aʼa ndɛ̂ Fèzhə̀ ə zɨə zâ, yî ghɨ vəynghe ə ndùə njìə ə̀ghɨtom nə ghɛ. Ghənə tè paʼà ko ghənə sə atyaʼ kûmə̀ nə ghənə tè fànə nə ghɨ kaʼa ə ghe tɨmnə̂ ghənə è chighe.

Ətefɨ̂aʼ 5:26 ပူးပေါင်းရင်းမြစ်များ

Matyò 14:5

Ɛlɔ̀t tè kyiŋə se zhwiə Njɔyn pîza è tè nyiə fânə̀ ə̀ghɨ Njûsə̀, kûmə̀ nə ghɨə Njûsə̀ tè pomə ndô nə Njɔyn nyi fɨ̀aʼtè.

Matyò 21:26

mə ə ghâsènì pì nə, ‘Ə tè fo əghɨ tyaʼa sê vəyn,’ ghɨ kaʼa ghe mɔm ghɛ sê ghâsènì kûmə̀ nə ghənə əkɨ̂m tè ke ndô nə Njɔyn tè nyi fɨ̀aʼtè èghaʼâ.”

Matyò 26:5

Ghənə ə pìə nə, “Ghâsènì nə̀ nə̂ va zɨnə ashìŋə̀ efɨazhiə ezaʼa tsɛve, ə̀ puzâ ə ghɨə nə ndwise nôzè.”

Matyò 26:58

Kə tè njiə ndô ndûə è Njisə̀s, Pità tè chûmtə̂ ndûə Vəyn sə aghaf, se zaʼâ kə ndu fɨ ə Kayfàs etipìə àpɨəyn. Kə ghənə ndû fɨ fumə, Pità ə njiə fumə apɨəyn. Ə tsɨsə̂ fu yî ghə̀ ghɨ tsɨ̂ŋnə ndɛ ètsə̀məghe, se fe kə saʼà Njisə̀s nə̀ mîə.

Tom èchùŋ kè kə Lûk tè nyaʼ 20:19

Njisə̀s ə mɛ̀ mɨ̀sə̀ ngàyn nə̂ zɨ̂yn, tyə̀ynsè sə esaʼse yî ghə̀ ghɨ ekɔʼsə nə eshyə̀ ə ngaŋtəghe ə ke kyiə kə ndò nə è fè mɛ̂ zâ kûmə̀ kə ghənə tè se mɔ̂msə̀ se kyiə vəyn kè ashìŋə̀ nə kɛ ə fɨnə fânə̀ kə əshi ə ghɨ̀ə.

Tom èchùŋ kè kə Lûk tè nyaʼ 20:6

Pîza ə ghâsènì pi nə, ‘Ə̀ fo əghɨ è tyaʼa sê vəyn,’ ə ghɨghe əkɨ̂m tɨmne zhwi ghâsènì è chîə kûmə̀ nə ghənə ke nə Njɔyn tè nyi fɨ̀aʼtè.”

Tom èchùŋ kè kə Lûk tè nyaʼ 22:2

ghɨkɔʼsə nə eshyə̂ yî tyə̀ynsè sə alàŋsè e kyiŋə tèndom se nyaʼtə zhwiə Njisə̀s, kûmə̀ nə ghənə tè fànə ghɨə.

Tom èchùŋ kè kə Lûk tè nyaʼ 22:4

È və ndò ə ndùə fe ghɨkɔʼsə nə eshyə̀ Ndɛ Ètsə̀məghe, ə chisə èndom vɛ ə è kaʼa è pəʼle vəyn ətəyn sê ghənə.

Ətefɨ̂aʼ 4:21

Ghɨ ə ndɛ saʼ nə ghɛ ə fɨnə fo fɨ̀as sê ghənə nâʼà sə ŋaŋ. Ghənə ə ke zà nə ghənə ndo kûmə̀ nə ghənə tè paʼà fe ndomve se pɔynsə ghənə, kûmə̀ nə ghɨə tsɨəghe tè nyîə pɔmsə̂ Fèzhə̀ kûmə̀ ə̀ghɛ ghɛ ə ghe kyâyn.

Ətefɨ̂aʼ 5:13

Wùə vîvè tè paʼà mɔ̀msè se tsɨ̀yntè se ghənə, pî kə ghənə tè wàmnə̀ ghɛ kûmə̀ ə̀ ghɨətom ətəynghe ghe kɔʼnə̂ kə nyî.

Ətefɨ̂aʼ 5:22

Pîza ə pə̀ kə ghɨ ghɛ ə ghe tè tsɨ̀ŋnə ndɛ̂ Fèzhə̀ ndù zaʼâ, ə tàʼa fe ə ghɨətom nə ghɛ, ghənə kɛse pə̂ tsâ sê ghɨə ghɛ atsɨ̀ynte nə,

Ətefɨ̂aʼ 5:24

Ə pə̀ kə ghɨ kɔʼsə nə èshyə̀ ngaŋtəghe è tuə sokə̀ʼ kɛ ə ke tè fɨ̀aʼa ə ndɛ̂ ètsə̀mə zɨ zâ, sè kanə nə ə̀ kyàyn ghe sê ghɨətom ə Njisə̀s nə ghɛ.

Ətefɨ̂aʼ 5:25

Ke nyî, wùə ə njiə pə̂ ə pîə sê ghənə nə, “Ghɨ ghɛ ə ghàyn a fâ ə ndɛ̂ chaʼ za nyi ə ndɛ̂ ètsə̀mə, zaʼlə̂ ə̀ghɨ fu.”