Ətefɨ̂aʼ 5:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Wùə èkɔʼsə nə èshyə̀ èngaŋtə kwəynə yî pamə tə vəynte tekɨ̂m, mə nyi atsɨ̂ynte ə ghɨə Sandùsîkè, ə zhə̀tə̀ àghə̀ʼ ə kwəmnəke se ghɨətom ə Njisə̀sghè, sè fɨasə nə ghənə nə̀ fe èghɛ.

Ətefɨ̂aʼ 5:17 ပူးပေါင်းရင်းမြစ်များ

Matyò 27:18

È tè nyîə fɛte ke nə ghɨ atyaʼa Njûsə̀ fo tsɛsè Njisə̀s sê vəyn kè kûmə̀ àghə̀ʼ.

Matyò 3:7

Ə pə̀ kə Njɔyn fe tsɨ̀tsɨ̂ ə̀ ghɨ̀ə Falàsîə è ghɨə Sandùsîə ghe pə̂ nə è fo môm sê ghənə, è və pìə sè ghənə nə, “Mbam sɨ̂nə̀! Ə̀ tɔfse nde ghàynə, kə ghànə mɔ̂msə̀ se tə epɔynsê zɛ ə Zhə̀fè nyi se tom sê ghàyn ə?

Njɔyn 12:10

Ghɨ kɔʼsə nə eshyə̀ ə ngaŋtəghe e sè nə̂ epɨaʼtê se zhwiə Lazalùs,

Njɔyn 12:19

Ghɨə Falàsîghè e sè pîə kə sê wùə èmɔ̀ʼ emɔ̀ʼ nə, “E za tyə̀nə̀ nə ghɛ zhîze fɨyn va kə ghâsènì nəyn. Fe kə mbi èkɨ̂m sè ndûə kə ə vəyn epàm ə!”

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

Ətefɨ̂aʼ 15:5

Pîza ghɨə pomə əmɔ̀ʼɔ̂ ghɛ ə̀ tè nyi əghɨ anɔ̀yn ə Falàsîghè ə ndwìə tyəmə̂ ə pìə nə, “Ə kyi ke se se ənam əghɨ̀ ghɛ ə̀ vachi ə̀ghɨ ə Njûs ghɛ ə nyi mə ə pomə̂ se Njisə̀s, ə tsayn kepî se ghənə nə ghənə kyi se chùmtè alâŋ ə Mosîskè.”

Ətefɨ̂aʼ 17:5

Pîza ghɨ Njûs yîghe ə zhə̀tə̀ àghə̀ʼ kə ghɨ tsɨ̂yntè ə Pɔ̂l yî Silàs anɔ̂yn, ə zùŋtə̀ ànɔ̂yn ə mmɨ̂əmê pîəm kyîke, ke ə zhə̀tə̀ sè kwiə zɔ̂fə̀ tsɛ̂ endaʼ, ə ndùə kəmtə̂ ə̀cho se ndɛ ə Njesɨ̀ynə̀, nə ghənə kyiŋə Pɔ̂l yî Silàs se kyiə pə̀yn è ghənə ə ghɨghe əshi.

Ətefɨ̂aʼ 4:26

Fɔ̂yn tə mbite pɨaʼtə sèngɨŋ sə ghənə̂sè, ghɨ ghɛ ə ghe chisə ghɨ endaʼghe kwîə zûŋtə̀, pɨaʼtə kəpi se nò Pɛ̂ Zhə̀fè è Wùə vɛ ə È tè chɔʼ ndə̂m.’

Ətefɨ̂aʼ 4:6

Anàs ə wùə èkɔʼsə nə èshyə̀ engaŋtə kwəynə, è Kayfàs, è Njɔyn, è Àlɛ̀ksandà kèpi è ghɨə mɔ̀ʼɔ etɔ̀ŋ ə ndɛ̂ ə̀ wùə èkɔʼsə nə tè shyə̀ engaŋtə kwəynə tè nyì fumə.

Ətefɨ̂aʼ 5:16

Nɔ̂yn əghɨ̀vè ə ndò pə̂ ə setɔ̂ŋ sɛ ə se tè nyì paʼsê ə Njèlusalɛ̀m. Ghənə e njîə pə̂ è ghɨə zafə è ghɛ zuʼse pise tè fo ngəʼ sê ghənə, ə tsuʼə nâʼà ghənə əkɨ̂m.

Ətefɨ̂aʼ 7:9

Ghɔ ə Njàkɔ̂p ghe ndômnə̀ e kyi àghə̀ʼ sê ànyìə ghənə̂ Njosɛ̀f ə pəʼlə̂ vəyn sə akɔ̀s. Ghɨ ghɛ ə tè zhɔyn vəyn, ə njìə ndûə è vəyn endaʼa Enjìpzè. Pîza Zhə̀fè ə tɔ̂ʼnə̀ è vəyn,

Ngàleshyà 5:21

kɔ̂ŋə̀ sə kyi àfɨa kɛ ə ghɨə mɔ̀ʼɔghe kyi, mɨə m̀lɨ m̀ ko, zhiə, mɨə tsɛsə̀. Nə̂ ə̀ghɛ ə mɔ̀ʼɔ kèpî kə ghɨ̂yn. M fo fɨ̀as sê ghàyn zôyn kèpî kə m tè fo sə shi nə, “Ghɨ ghɛ ə ghe nə̂ ghɛ nə ghɨ̂yn tə kyiə va kyəfè elùʼ efɔ̂yn ə Fezhə̀vè.”

Njə̂m 4:5

Ghàyn kwàʼtə̀ nə ŋwàʼlè ə Fèzhə̀ wamə ndò kə è pìə nə, “Zhə̀fè nyiə səmtə̂ nâʼà sə ŋaŋ nə zuʼ sɛ ə fe nyi mə fe ə ndə̀m ə ghâsènì ə fètəyn tsamte ghâsènì sə̂ kɔ̂ŋə̀ vəyn.”

1 Pità 2:1

Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.