Ətefɨ̂aʼ 5:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Nɔ̂yn əghɨ̀vè ə ndò pə̂ ə setɔ̂ŋ sɛ ə se tè nyì paʼsê ə Njèlusalɛ̀m. Ghənə e njîə pə̂ è ghɨə zafə è ghɛ zuʼse pise tè fo ngəʼ sê ghənə, ə tsuʼə nâʼà ghənə əkɨ̂m.

Ətefɨ̂aʼ 5:16 ပူးပေါင်းရင်းမြစ်များ

Matyò 2:16

Kə Ɛlɔ̀t tè kote nə ghɨe etɔŋə nə mlì ghɛ ə lesê vəyn, è ve tsɨəfə. È və tsɛ̀sə̀ alâŋ nə ə zhwite ghɔyn endômnè ghəkɨ̂m ə Petlɛ̀ghêm è tə̀ʼtə̂m mə Pɛtlɛ̀ghêmə̀m. È və pìə nə ə zhwite mɨ̂ətə̀m se zhə̀tè ə sepìŋ sèpɛ̀ se tso pə ghɔ pɔ ghɛ ə kwûʼ piə. È tè nəyn zɨ̂yn mə è fɨ̀aʼnə̀ àshîŋə̀ kɛ ə ghɨe etɔŋə nə mlì ghɛ tè tsàyn nə lî fɛ tè fɨ ətəyn.

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Matyò 8:16

Kə zhwikwɨləve tè kwəyn, ghɨghe ə pə̀ è ghɨə sê Njisə̀s, ghe tsɨ̀ə kə nyi, kyi tèpamə̂ tə satàyntè. Njisə̀s ə chûmə̀ fɨsə̂ sè zuʼse pisə təynse mə È pì ke èghɛ ə tsuʼə nâʼà ə̀ghɨ ghɛ ə tè zafə əkɨ̂m.

Tom èchùŋ kè kə Lûk tè nyaʼ 5:17

Ə̀ tè nyi tuʼfîfe kèpi əshɨŋ nə ghɛ, Njisə̀s e zaʼlə̂ elùʼ, ghɨ Falàsîə è tyə̀ynsè sə alàŋsè e tsɨs kepî fu, mə fɨ pə̀yn ke tɔ̂ŋ sekɨ̂m ə Ngalìlî è Njòndyâ naʼapi è Njèlusalɛ̀m. Ə tè nyi za, tyaʼ ə Pɛ̂kè e nyi sê Njisə̀s, è tsuʼə tèzaf.

Tom èchùŋ kè kə Lûk tè nyaʼ 6:18

Ghɨ ətəynghe tè nyi mə ghe fɨ pə̀yn ke ə̀kɨ̂m kè se zɨtə̂ ezaʼlê ə Njisə̀szè nə è fɨyn tsuʼ tèzaf tə ghənə̂tè. Naʼapi ghɛ ghe tè zafə kûmə̀ sèzuʼ se pise.

Tom èchùŋ kè kə Lûk tè nyaʼ 9:11

Ghɨghe ə kê naʼapi ashìŋə̀ àkè nə ə nyi elùʼ vɛ ə è nyi ətəyn, ə chùmtə̀ ndùə vəyn fu. Njisə̀s ə fiə ghənə nâʼà àchûŋ ə wàmnə̀ sê ghənə kûmə̀ èfɔ̂yn ə Fezhə̀e ə fɨnə tsuʼə ghɛ ə ghənə tè kyi zafte.

Njɔyn 14:12

M pîə sê ghàyn səmɔʼ nə, ghɨ ghɛ ə pomə sê Mi nə̀ nə̂ ə̀ghɛ ghɛ M nə̂. Ə nə̂ piə ə̀ghɛ ghe tsɨ̂ə tsɛ ghɛ m nə̂ kûmə̀ nə M ndûə se pɨ̀a

Ətefɨ̂aʼ 4:30

Tyə̀yn tyaʼ kɛke ò tsuʼə ə̀ghɨ. Tsàmte ghàs nə ghàs ə nə̂ sèchwìə è ghɛ kayntəghe tɔynə̂ ezə Njisə̀szè, ə wùə èfɨ̀aʼa vɛ ve èŋwaʼa.”

Ətefɨ̂aʼ 5:15

Ghɨghe ə fe ə̀ghɛ ə kayntə nə ghɛ ə ghɨətomə Njisə̀sghè tè nə, ze ə nə̀ ghənə e sè pɨaʼà ə̀ghɨ zafə mkwì è ghàmə̀m, fɨə ndə̂mə̀ kə ə tetitepì tendomte. Ghənə tè nə za è kwâʼtèzè nə Pità nə̂ piə è tsɛ̀ ndò, ə nyɨ̂ŋsè ə vəynke kom ghɨ ətəynghe.

Ətefɨ̂aʼ 5:17

Wùə èkɔʼsə nə èshyə̀ èngaŋtə kwəynə yî pamə tə vəynte tekɨ̂m, mə nyi atsɨ̂ynte ə ghɨə Sandùsîkè, ə zhə̀tə̀ àghə̀ʼ ə kwəmnəke se ghɨətom ə Njisə̀sghè, sè fɨasə nə ghənə nə̀ fe èghɛ.

1 Kɔlìŋ 12:9

Ə̀ nyì ke sèzuʼ sɨ̂nə̀ ə se fo sê wùə vîvè pomə̂ etɛze, sê wùə mɔʼɔ, sə fo àtyaʼ nə è və ke se tsuʼə tezaf.

Njə̂m 5:16

Nyiəmə, ghàyn e tsâ sèpi saynse sê ngɨŋ saynse, tsə̂mə̀ sê ngɨŋ saynse kə Zhə̀fè ə tsuʼə ghàyn. Tsə̂m ə wûə ə̀ chichize nyîə kyi kàyntè àtyaʼ, nə̂ ghɛ ə kayntəghe e kyânə̀.