Ətefɨ̂aʼ 5:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ndômnèghè è zənə setsɨ̀ ə tə pomə̂ se Pɛ̂pɛ, ə kwəynsə̂ anɔ̀yn ə ghɨə pomə nə kɛ, kɔ̂yn ə ghənə̂kè ə tsɨ̀ə nduə kə èshike.

Ətefɨ̂aʼ 5:14 ပူးပေါင်းရင်းမြစ်များ

Ətefɨ̂aʼ 11:24

Pànapàs vɛ ə tiynse fu tè nyì ke nâʼà wùə èchùŋ, fɛte kyi èpomə, mə è və lwiyn è Zuʼ se Ŋwaʼase. Ghɨghe ə pomə Fèzhə̀ kûmə̀ vəyn tsɨ̀ə kə nyi.

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 22:4

Mə tə nyàplè è ghɨ pomə ghɛ ə ghe tè chùmtə ndom vɨ̀yn ə ndə̀mə̀ ndûə kə ekwu. Mə tə ko zənə è ndômnèghè ndə̂mə̀ ghənə ə ndɛ ə̀chaʼ.

Ətefɨ̂aʼ 4:4

Pîza ghɨ tsɨə ghɛ ghe tè zɨ ghɛ ghɛ ə Pità yî Njɔyn tè zaʼlə, ə pomə, nɔ̂yn ə ghɨə poməke ə kɔʼɔ zaʼâ ndùə kam setâyn.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ətefɨ̂aʼ 8:12

Pîza, ə pə̀ kə ghənə pomə sê Filìp kûmə̀ tom èchùŋ efɔ̂yn ə Fezhə̀vè, è kɨsè kûmə̀ Njisə̀s Klâys, ə fo m̀mo sê ghənə, sê ndômnèghè è zəynghe.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

Ətefɨ̂aʼ 9:2

ə pìə sê vəyn nə è fo ŋwàʼlè ə zhi ndu tyəyn se ghɨ ghaʼâ ə səndɛ sə atsɨ̀ynte sə ghɨ Njûsghè ə Ndàmaskùs ə zhi kyite chùmtè sə Njisə̀sè nâʼà sèkɨ̂m ə zhi kɛse pəyn è səynse ə Njèlusalɛ̀m, kɨ̀sə ə̀ nyi pî ə̀ ndômnè, kɨ̀sə ə̀ nyi pi ə̀ zəyn.

Ətefɨ̂aʼ 9:31

Ə̀ nyì se zhə̀tè fumə ashìŋə̀ kə ghɨ ghɛ ə tè pomə Njisə̀s epɨ̀as endaʼ vekɨ̂m ə Njòndyâ è Ngalìlî è Sàmalyà tè kyi pɔ̂ynè. Ghənə tè nyiə kyi èfâyn ə Fezhə̀zè ə ghənə ə fètəyn, Zuʼse Ŋwaʼase nə̂ nə ghənə tɛ, kɔ̂yn ə ghənə̂kè e ndəmə̂.

Ətefɨ̂aʼ 9:35

Nâʼà ə̀ghɨ əkɨ̂m ghɛ ə ghe tè ndamə ə Lindà è Shalɔ̀yn, ə fe kə wùə ə̀təyn tè nyi mə è və tɛ, ghaynə̂ ka, ghənə ə pə̀ynsə̀ ətəm ə ghənə̂ghè ə zhə̀tə̀ se pomə sê Pɛ̂pɛ.

Ətefɨ̂aʼ 9:42

Saʼghe kûmə̀ èghɛ nə zɨ̂nə̀ ə waŋə kə tə̀ʼ ə Njopà èkɨ̂m, ghɨ tsɨəghe ə pomə sê Pɛ̂pɛ Njisə̀s.

2 Kolìŋ 6:15

E za nyi nə Klâys yî ndə̂plè vayn kàʼa pomə, kèpî kə wùə e pomə vayn kàʼa è və nə̂ tsɨ̂yntə̀ ə̀ghɛ yî wùə mə è pomə̂ va Zhə̀fè

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.