Ətefɨ̂aʼ 5:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Wùə vîvè tè paʼà mɔ̀msè se tsɨ̀yntè se ghənə, pî kə ghənə tè wàmnə̀ ghɛ kûmə̀ ə̀ ghɨətom ətəynghe ghe kɔʼnə̂ kə nyî.

Ətefɨ̂aʼ 5:13 ပူးပေါင်းရင်းမြစ်များ

Tom èchùŋ kè kə Lûk tè nyaʼ 19:48

pîza ə tàʼa fe eghɛ zɛ ə kə ghənə tsɛ̀ epam ətəyn se ko vəyn kûmə̀ nə ghɨ tè zɨə kə eghɛ zɛ ə è pi.

Njɔyn 12:42

Nâʼà pîza, ghɨ ə chisə è ghɨ Njûs yîghe ə pomə sê Njisə̀s, tsɨ̀ə kə nyi, pîza ə tàʼa fɨ ə ndayn kûmə̀ nə ghənə tè fànə nə ə fɨ, ə ghɨə Falàsîə chum ghənə ə ndɛ̂ atsɨ̀ynte.

Njɔyn 19:38

Ə pə̀ kə zɨnə tsɛ̂, Njosɛ̀f vɛ è ndò ə tɔ̂ŋ ə̀ Àlimàtiyà ə pìə sê Paylɛ̀t nə è fo zhi è tyaʼa kə zhi nji pfɨnə Njisə̀sè ə zhi pfɨ̂mə. Njosɛ̀f tè nyì kepî chùmtè epàm ə̀ Njisə̀s, pîza mə è nyaʼtə̂ chumtə̀ kə ndò kûmə̀ nə è tè fànə əghɨ ə Njûsə̀. Paylɛ̀t ə pomə̂, è və ke nduə njiə ndò è pfɨyn ətəynze.

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Ətefɨ̂aʼ 19:17

Ghɨ Njûsə̀ è ghɨ ghɛ ə̀ tè vachi ə̀ghɨ ə Njûsghè əkɨ̂m ghɛ ə ghe tè nyi ə Ɛfesùs ə zɨə èghɛ zɛ ə ze kyâyn, fâynzè ə ko ghənə, ghənə e kɔʼsə̂ èzə Pɛ̂pɛ Njisə̀szè.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 4:21

Ghɨ ə ndɛ saʼ nə ghɛ ə fɨnə fo fɨ̀as sê ghənə nâʼà sə ŋaŋ. Ghənə ə ke zà nə ghənə ndo kûmə̀ nə ghənə tè paʼà fe ndomve se pɔynsə ghənə, kûmə̀ nə ghɨə tsɨəghe tè nyîə pɔmsə̂ Fèzhə̀ kûmə̀ ə̀ghɛ ghɛ ə ghe kyâyn.

Ətefɨ̂aʼ 5:26

Tuə sesokə̀ʼ kɛ ə ke tè fɨ̀aʼa ndɛ̂ Fèzhə̀ ə zɨə zâ, yî ghɨ vəynghe ə ndùə njìə ə̀ghɨtom nə ghɛ. Ghənə tè paʼà ko ghənə sə atyaʼ kûmə̀ nə ghənə tè fànə nə ghɨ kaʼa ə ghe tɨmnə̂ ghənə è chighe.

Ətefɨ̂aʼ 5:5

Ànàniyàs ə zɨə èghɛ nə zɨ̂nə̀ kè sə ashìŋə̀ ə pfɨə ə chi ə kwuə. Fâyn ekayntəze ə ko ə̀ghɨ ə̀kɨ̂m ghɛ ə ghənə tè zɨ ghɛ nə zɨ̂nə̀.

2 Kolìŋ 10:15

Ghàs pâʼà nə̀yn pofsê ghɛze kə epfɨ̂yn angàŋtèzè kûmə̀ èfɨaʼ mə ghàs paʼà nə̀yn. Ghɛ zɛ ə ghàs lotə kyiŋə nyi nə ghàyn ə ndəmə̂ ə ghàyn epomə̂, kə fɨ̂aʼ zɛ ə ghàs nə̂ ə ghàyn əfètəyn pɔŋ zham nâʼà sə ŋaŋ.