Ətefɨ̂aʼ 5:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Fâyn e ghaʼâzè ə ko ə̀ghɨ ndɛ ə̀ Fèzhə̀ əkɨ̂m è ghɨghə kɨ̂m ghɛ ə tè zɨ ghɛ zɛ ə ze tè kyâyn.

Ətefɨ̂aʼ 5:11 ပူးပေါင်းရင်းမြစ်များ

Ətefɨ̂aʼ 19:17

Ghɨ Njûsə̀ è ghɨ ghɛ ə̀ tè vachi ə̀ghɨ ə Njûsghè əkɨ̂m ghɛ ə ghe tè nyi ə Ɛfesùs ə zɨə èghɛ zɛ ə ze kyâyn, fâynzè ə ko ghənə, ghənə e kɔʼsə̂ èzə Pɛ̂pɛ Njisə̀szè.

Ətefɨ̂aʼ 2:43

Ghɨətomə tè nə̂ ə̀ghɛ kayntə è chwìə se tsɨəse. Ghɨghe əkɨ̂m ə fe, nyi èkaynze.

Ətefɨ̂aʼ 5:5

Ànàniyàs ə zɨə èghɛ nə zɨ̂nə̀ kè sə ashìŋə̀ ə pfɨə ə chi ə kwuə. Fâyn ekayntəze ə ko ə̀ghɨ ə̀kɨ̂m ghɛ ə ghənə tè zɨ ghɛ nə zɨ̂nə̀.

Ətefɨ̂aʼ 9:31

Ə̀ nyì se zhə̀tè fumə ashìŋə̀ kə ghɨ ghɛ ə tè pomə Njisə̀s epɨ̀as endaʼ vekɨ̂m ə Njòndyâ è Ngalìlî è Sàmalyà tè kyi pɔ̂ynè. Ghənə tè nyiə kyi èfâyn ə Fezhə̀zè ə ghənə ə fètəyn, Zuʼse Ŋwaʼase nə̂ nə ghənə tɛ, kɔ̂yn ə ghənə̂kè e ndəmə̂.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

Ipilù 12:15

Ghàyn tɔʼne, kə wùə nə kwiynse àfùʼ kɛ ə Zhə̀fè tyə̀nə̀ sê vəyn. Ghàyn e fɨnə tɔ̂ʼnə̀, kə wùə tsɛ̂ fɨ ə ghàyn əfètəyn, ə è və nyi kə awə̂yn ə njwiəke ə ke ndəmə kɔʼɔ, ke ə pə̀yn è tsôstè tsɨəte è lɨf ə kəynke.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

1 Pità 1:17

Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.

Etyə̂yn ə paynsêzè 15:4

Ə̀ tə fânə̀ va nde ghô ə Pɛ̂, ə̀ tə faŋə ndè se pomsê ezə zɛ zə? Ə̀ nyi ke ghò, ghô nɨŋ ə ò nyi eŋwaʼze. Ghɨə mə fɨ ndaʼ tekɨ̂m tə pə̂ ngɨmnə̂ ghò, kûmə̀ nə o chwìtè sê nâʼàpî ndè nə ò saʼa ə̀ghɨ ə̀kɨ̂m chichi.”