Ətefɨ̂aʼ 4:36 - Ŋwàʼlè ə̀ Fèzhə̀ Mkâyn Mə̂ Fèm

³⁶ Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)

Ətefɨ̂aʼ 4:36 ပူးပေါင်းရင်းမြစ်များ

Ŋwàʼlè ə̀ Mâk 3:17

è Njə̂m yî ànyìə vəyn Njɔyn, ə ghɔ Zepɛndì. (Njisə̀s ə tsɨ̀ ə kwəynsə̂ èzə zhîze sê ghənə nə Pòwananjìs, mə e za pìə nə ghɔyn eghole pɨaze).

Ətefɨ̂aʼ 11:30

Ə nyi zamə kə ghənə tè nəyn. Ə zùŋtə̀ èfɨa ətəyn ə tomə Pànapàs yî Sɔ̂l nə ghənə nji ndu fo sê chəʼsə ndɛ ə̀ Fèzhə̀sè fu.

Ətefɨ̂aʼ 12:25

Pànapàs yî Sɔ̂l ə mɨ̀sə̀ èfɨ̂aʼ ə ghənə̂zè ə Njèlusalɛ̀m, ə kɛsə pə̀ ə Antyòk yî ghə̀ Njɔ̀yn Mâk.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 13:15

Ghənə ə zɨ kə tɔŋɔ ghɛ andiŋ ə ŋwàʼlè Èsaʼ ə Mosîskè, è ŋwàʼlè sə sèfɨ̀aʼtè. Kə ghənə tɔŋɔ mɨsè, ghɨ ghɛ ə ghe chisə ghɛ ə ndɛ̂ atsɨ̀ynte ə tomə tom sê Pɔ̂l è Pànapàs pîə nə, “Ghɔnyîə, ə ghàyn kyi ghɛze se pì kə ze fo təm ətɛ sê ghɨ ghɨ̀yn, ghàyn ə piə.”

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 13:4

Zuʼ se Ŋwaʼase ə tiynsə̂ Pànapàs yî Sɔ̂l za, ghənə ə tso endaʼ ə Sèlusyà ə njiə ə ngwùʼ ə ndùə apàs endaʼ ə Sàypulòsè, ze nyi əfètə̂ tsò mə è zə kyɨ̀ŋ ka.

Ətefɨ̂aʼ 15:12

Nâʼà pîndè ə kɨmə̂ mɔŋ, zɨtə kə se Pànapàs è Pɔ̂l. Pànapàs yî Pɔ̂l e tsâ sèchwìə è ghɛ kayntə ghɛ ə Zhə̀fè nə̀yn əghɨ ghɛ ə̀ vachi ə̀ghɨ ə Njûsghè əfètəyn tɔynə̂ ə ghənə.

Ətefɨ̂aʼ 15:2

Pɔ̂l yî Pànapàs ə zhə̀tə̀ èsaʼnê ze kwûəmə̀ kə nyi yî ghɨ nə ghɛ kûmə̀ èzaʼlê nə zɨ̂yn. Ə ke saynê nə Pɔ̂l yî Pànapàs è ghɨ ə pomə əmɔ̀ʼɔghe ə Antyòk kɔʼ ndu ə Njèlusalɛ̀m ə fe ghɨətomə Njisə̀sghè è ghɨə chisəghe ə ndɛ ə̀ Fèzhə̀ kûmə̀ èghɛ nə zɨ̂nə̀.

Ətefɨ̂aʼ 15:37

Pànapàs e kyiŋə se njiə ndù è Njɔ̀yn Mâk yî ghə̀ ghənə,

Ətefɨ̂aʼ 15:39

Saʼnê etɛze ə ndwìə ə ghənə ə fètəyn, ghənə ə chàsə̀. Pànapàs ə njìə Njɔ̀yn Mâk, ə tyàŋə̀ ènjwî ə ndò ndûə endaʼ eghaʼazè ə Sàypulòs.

Ətefɨ̂aʼ 21:16

Chùmtè èpàm shîse ə Kàisalyà ə ndùə ghasè ghənə, ə njìə nduə è ghàs ə ndɛ zɛ ə ghàs tè nyì se ndam ətəyn, zə ə wûə təynze nyi Mnasɨ̀yn. È tè nyi wùə Sàypulòs, nyi wùə èmɔ̀ʼ əfètə̂ sechùmtè èpàm sə shise.

Ətefɨ̂aʼ 21:3

Ə kwìə ndûə zaʼâ elùʼ vɛ ə ghàs tè kàʼa fe ndûə Sàypulòs, ə tsɛ̀ apàs endaʼ ətəynke ə ndùə ə Silyà, ngwùʼ èghaʼâ kwəynə ə̀təyn ə ndùə tyəmə̂ ə endaʼ ə Tayàzè, elùʼ vɛ ə tè nyì se fɨse efɨa ətəyn.

Ətefɨ̂aʼ 27:4

Ghàs ə ke ndò fu, pîza kə fof etɛke tè tsɛ ə ghàs əshi, ghàs ə ndò ə pàmtə̀ tsɛ endomve apàs kɛ ə fofa tè tsɛ̀ va ətəyn etipì apàs endaʼ ə Sàypulòskè. Sàypulòs tè nyi eluʼ mə ə̀ kyìŋ kâ ke m̀mo.

Ətefɨ̂aʼ 9:27

Pànapàs ə pə̀ kyîə ekɔyn ə vəyn ə njìə ndùə è vəyn sê ghɨətom. È və tsà paynsə̂ sê ghənə nə Sɔ̂l ə tə fe Pɛ̂pɛ ə telaynəlayn endom kə è ndùə ə Ndàmaskùs, è ghɛ zɛ ə Pɛ̂pɛ tè tsàyn se vəyn. Pànapàs ə fɨnə pîə nə Sɔ̂l ə tsàyn tom èchùŋ ə Ndàmaskùs kûmə̀ Njisə̀s mə è fànə̀ va.

1 Kɔlìŋ 14:3

Pîza ghɨ ghɛ ə ghe tsâ tom ə̀ Fèzhə̀ wàmnə̀ se ghɨə, è ze tsâmtə̀ ghənə, fo ghənə è təm ə tɛ, è zɨ̀tèkè.

1 Kɔlìŋ 9:6

Mə ə̀ nyì ke ghasè Pànapàs ə kyi sə̂ fɨaʼà kə ndò tsɔ̀fə ə kyi kɛve mə?

Ngàleshyà 2:1

Ə̀ tè nyi epàm ə sèpìŋ njòse kyàʼ, mə fɨnə kɔʼɔ ə Njèlusalɛ̀m ghâsè Pànapàs. Mə tə njì kepî Taytùs.

Ngàleshyà 2:13

Ghɨ Njûs ə mɔ̀ʼɔghe e pɔŋɔ kaŋkaŋə̂ nə̂ ndùə kəpi ə̀ghɛ kə vəyn. Ghɛ ə ghənə ghe kaŋkaŋə nə nə ghɨnə ə kyìŋsə̀ kəpî Pànapàs.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.