Ətefɨ̂aʼ 4:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Zôyn nyi, ə Pɛ̂pɛ, kwaʼte fâynsè zɨnə ə ghənə fâynsə̀ ghàs ə fo kwəynsə atyaʼ sê ghàs, ghɨ əfɨaʼa ghɛghe, ə ghàs ə ndâʼà tom zɛ, fânə̀ va fɨa.

Ətefɨ̂aʼ 4:29 ပူးပေါင်းရင်းမြစ်များ

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 14:3

Pɔ̂l yî Pànapàs ə ndamə kɔʼɔ fumə nâʼà sə aghaf etyâkè, wàmnə̀ əghɛ ə chûŋ ghɛ ə Pɛ̂pɛ nyi mə è və nə̀yn se ghɨ fànə va nâʼà səkɔs. Pɛ̂pɛ Njisə̀s ə nə̀ ghənə ə tyə̀nə̀ chwìə, ə nə̀ ə̀ghɛ əkayntə ə tsɨəghe, se tyə̀yn nə ghɛ ghɛ ə chùmtè èpàm sə vəynse piə kûmə̀ èfo eghaʼ Vəynze nyi səmɔʼ.

Ətefɨ̂aʼ 19:8

Pɔ̂l ə ndùə ə ndɛ àtsɨ̂ynte, ə njìə sènjɔŋ seta wamnə̀ nâʼà è kyə̀ ètɛ yî ghə̀ ghɨ təynghe, kyiə èkâtè əghɛ yî ghə̀ ghənə mɔ̂msə̀ se tsa paynsê se ghənə kûmə̀ èfɔ̂yn ə Fezhə̀vè.

Ətefɨ̂aʼ 26:26

Fɔ̀yn Angɨlipà m kaʼa m wamne sê ghò è təm tɛ ghəkɨ̂m kûmə̀ nə ò nyiə ke ə̀ghɛ ghɨ̀yn. M nyiə ke nə o fɛtê ndəm ghəynghe ə ghò ekwâʼtè kûmə̀ nə ghɛ ghɨ̀nə tè paʼà kyàyn chi andə̀.

Ətefɨ̂aʼ 28:31

È tè ndàʼa tom ə̀ Fèzhə̀ kûmə̀ èfɔ̀yn ə Fezhə̀vè, zaʼlə̂ ə̀ghɨ kûmə̀ Pɛ̂pɛ Njisə̀s Klâys mə è ndə̀ʼə̀ fànə̀ va, wùə vîvè ə tàʼa mɔ̀msè se tàsə vəyn nə kə è wamne.”

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Ətefɨ̂aʼ 4:21

Ghɨ ə ndɛ saʼ nə ghɛ ə fɨnə fo fɨ̀as sê ghənə nâʼà sə ŋaŋ. Ghənə ə ke zà nə ghənə ndo kûmə̀ nə ghənə tè paʼà fe ndomve se pɔynsə ghənə, kûmə̀ nə ghɨə tsɨəghe tè nyîə pɔmsə̂ Fèzhə̀ kûmə̀ ə̀ghɛ ghɛ ə ghe kyâyn.

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 9:27

Pànapàs ə pə̀ kyîə ekɔyn ə vəyn ə njìə ndùə è vəyn sê ghɨətom. È və tsà paynsə̂ sê ghənə nə Sɔ̂l ə tə fe Pɛ̂pɛ ə telaynəlayn endom kə è ndùə ə Ndàmaskùs, è ghɛ zɛ ə Pɛ̂pɛ tè tsàyn se vəyn. Pànapàs ə fɨnə pîə nə Sɔ̂l ə tsàyn tom èchùŋ ə Ndàmaskùs kûmə̀ Njisə̀s mə è fànə̀ va.

Ətefɨ̂aʼ 9:28

Sɔ̂l ə faŋa sè ndamə kɔʼɔ kə yî ghɨətomə, kwiə ka kə Njèlusalɛ̀m èkɨ̂m, ndàʼà tom èchùŋ ezə Pɛ̂pɛze, fanə̀ va.

1 Kɔlìŋ 14:13

Nyiəmə, wùə vɛ ə è wàmnə̀ wâmnè tə ndôtè ndɔ̀ʼɔ è zaʼle kyi se tsə̀m nə Zhə̀fè fo vəyn èfoze kə è və ke se tsâyn əghɛ ghɛ ə wâmnè tə təynte pîə.

2 Kolìŋ 3:12

Kûmə̀ nə ghàs kyi ndô kwaʼtè nə zɨnə mə, ə̀ za nyi eghɛ zɛ ə ghàs ngɛse kyi ə̀təm.

Filìpây 1:14

Ndɛ chaʼ zɨ̂nə̀ ə m nyi ətəyn ə nə̀yn ghɨə pomə setsɨ̀ ghɛ ghe fɨyn fɛte fo təm ə ghənə̂ghè sê Pɛ̂pɛ kûmə̀ èghɛ zɛ ə ghənə fe kə è nə̀yn sê mi. Ghənə e sè ndaʼà tom ə̀ Fèzhə̀ zôyn è təm ə tɛ fɨnə fànə̀ va wùə.

1 Tèsàlonikà 2:2

Ghàyn e ke nə ə̀ tè nyi tsɔ̀fə kə ghàs pəyn ə Tèsàlonikà mə ghàs ə fe ngəʼ nâʼà sə ŋaŋ, ə nyâplə̀ è ghàs, ə sôylə̀ ghàs ə Filìpây. Nâʼàpî kə ghɨə tsɨəghe tè kɔ̀ŋə va nə ghàs ndaʼa tom ə̀təyn, Zhə̀fè ghasènìfe ə tə fo ghàs ètəm ə tɛ nə ghàs tsayn tom èchùŋ sê ghàyn mə è ndò pə̂yn sê vəyn, nâʼàpî kə ghɨ tsɨəghe tè kɔ̀ŋə va nə ghàs ndaʼa tom ə̀ Fèzhə̀.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.