Ətefɨ̂aʼ 4:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Ghɨ ə ndɛ saʼ nə ghɛ ə fɨnə fo fɨ̀as sê ghənə nâʼà sə ŋaŋ. Ghənə ə ke zà nə ghənə ndo kûmə̀ nə ghənə tè paʼà fe ndomve se pɔynsə ghənə, kûmə̀ nə ghɨə tsɨəghe tè nyîə pɔmsə̂ Fèzhə̀ kûmə̀ ə̀ghɛ ghɛ ə ghe kyâyn.

Ətefɨ̂aʼ 4:21 ပူးပေါင်းရင်းမြစ်များ

Matyò 15:31

Ghɨ ətəynghe tè nyi è kayn kə ghe fe kə kwùʼvè wâmnə̀, m̀ngə̂s e tɛ, èngɛchive e kwîə, fòfvè e kɛsə̂ fe tèluʼ. Zɨnə mə ə nə̀ ə̀ghɨ ghe tsîtə̀ Fèzhə̀ fə ghɨ̀ ə Isìlâyfè.

Matyò 21:46

Ghənə e kyiŋə èndom se kyîə vəyn pîza fânə̀ ànɔ̂yn kɛ ə ke tè nyì fu, kûmə̀ nə ghɨ anɔ̀yn ə təynghe tè fe Njisə̀s kə fɨ̀aʼtè.

Matyò 26:5

Ghənə ə pìə nə, “Ghâsènì nə̀ nə̂ va zɨnə ashìŋə̀ efɨazhiə ezaʼa tsɛve, ə̀ puzâ ə ghɨə nə ndwise nôzè.”

Matyò 9:33

Pîza, kè kə Njisə̀s chùm fɨse pamə̂ ə satàyn ətəynze, wùə ətəyn ə zhə̀tə̀ se wàmnè, nâʼà pîndè ə è tè nyì fu e nyi è kaynze piə nə, “Ghàs paʼà tyə̂m fe kyì eghɛ nyî fàyn endaʼ ə Isìlâyzè.”

Matyò 9:8

Ghɨghe ə fe za fâynzè ə ko ghənə. Ghənə ə zhə̀tə̀ se tsìtə Fèzhə̀ Fɛ ə Fe fo tyaʼa sê ghɨə nə ə nə̂ ə̀ ghɛ ghɨ̀yn.

Tom èchùŋ kè kə Lûk tè nyaʼ 13:17

Kə è wàmnè nyi ə ghomsə̂ sèpàyn sə vəynse. Tsɨ̀tsɨ̂ə ghɨ̀ fu tè nyiə saŋnə kûmə̀ əghɛ ə kayntə ghɛ ə̀kɨ̂m ə è tè nə̀yn.

Tom èchùŋ kè kə Lûk tè nyaʼ 20:19

Njisə̀s ə mɛ̀ mɨ̀sə̀ ngàyn nə̂ zɨ̂yn, tyə̀ynsè sə esaʼse yî ghə̀ ghɨ ekɔʼsə nə eshyə̀ ə ngaŋtəghe ə ke kyiə kə ndò nə è fè mɛ̂ zâ kûmə̀ kə ghənə tè se mɔ̂msə̀ se kyiə vəyn kè ashìŋə̀ nə kɛ ə fɨnə fânə̀ kə əshi ə ghɨ̀ə.

Tom èchùŋ kè kə Lûk tè nyaʼ 20:6

Pîza ə ghâsènì pi nə, ‘Ə̀ fo əghɨ è tyaʼa sê vəyn,’ ə ghɨghe əkɨ̂m tɨmne zhwi ghâsènì è chîə kûmə̀ nə ghənə ke nə Njɔyn tè nyi fɨ̀aʼtè.”

Tom èchùŋ kè kə Lûk tè nyaʼ 22:2

ghɨkɔʼsə nə eshyə̂ yî tyə̀ynsè sə alàŋsè e kyiŋə tèndom se nyaʼtə zhwiə Njisə̀s, kûmə̀ nə ghənə tè fànə ghɨə.

Tom èchùŋ kè kə Lûk tè nyaʼ 5:26

Ghənə e nyi è kayn, fâynzè ə ko ghənə, ghənə e sè tsîtə̀ Fèzhə̀ pîə nə, “Ghâsènì ə fe ghɛ əkayntə ghe ndàyn!”

Ətefɨ̂aʼ 4:17

Ə ghâsènì tɔŋɔ ghɨ ətəynghe, ə kayn nə kə ghənə fɨyn wâmnè èghɛ kûmə̀ Njisə̀s kə ghɨ tàʼa fɨnə zɨ eghɛ nə zɨ̂nə̀ se tsɨ̀.”

Ətefɨ̂aʼ 4:22

Wùə vɛ ə tè nə̀yn ghɛ ekayntə nə zɨ̂yn ə vəyn wìyn, è və tɛ tè nyiə tsɛ̂ pìŋ m̀ghɨm mkyàʼ.

Ətefɨ̂aʼ 5:13

Wùə vîvè tè paʼà mɔ̀msè se tsɨ̀yntè se ghənə, pî kə ghənə tè wàmnə̀ ghɛ kûmə̀ ə̀ ghɨətom ətəynghe ghe kɔʼnə̂ kə nyî.

Ətefɨ̂aʼ 5:26

Tuə sesokə̀ʼ kɛ ə ke tè fɨ̀aʼa ndɛ̂ Fèzhə̀ ə zɨə zâ, yî ghɨ vəynghe ə ndùə njìə ə̀ghɨtom nə ghɛ. Ghənə tè paʼà ko ghənə sə atyaʼ kûmə̀ nə ghənə tè fànə nə ghɨ kaʼa ə ghe tɨmnə̂ ghənə è chighe.

Ətefɨ̂aʼ 5:40

ə tɔŋɔ ə̀ghɨtom ə Njisə̀sghè nə ghe kɛse nji ə ndɛ. Ə pusə ghənə, ə fɨnə kànə̀ nə kə ghɨətom nə ghɛ nə fɨyn tɔŋtê èzə Njisə̀szè. Ə ke zà ghənə, ghənə ə ndò.