Ətefɨ̂aʼ 4:2 - Ŋwàʼlè ə̀ Fèzhə̀ Mkâyn Mə̂ Fèm

² Ghənə tè pə̀ zâ nyɔ̂ʼsə̀ ètɔŋ kûmə̀ nə Pità yî Njɔyn tè zaʼlə sê ghɨ nə Njisə̀s ə zòmə̀, ze tyə̂nə̀ nə ghɨə ghɛ ə nyi mə ə kwu tə zômə̀.

Ətefɨ̂aʼ 4:2 ပူးပေါင်းရင်းမြစ်များ

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ətefɨ̂aʼ 19:23

Ə̀ tè nyì famə ashìŋə̀ kə tsôs eghaʼavè tè nyi ə Ɛfesùs kûmə̀ èndom vɛ ə Pɛ̂ tè kyiŋə nə ghɨghe ə ndamə ətəyn.

Ətefɨ̂aʼ 24:21

Ə̀ tsɛ̂ kə va ghɛ zɨ̀nə̀ èmɔ̀ʼ m tè tɔŋte fɨsê kə m tè tyəm ashi ə se saʼa: ghàyn saʼa mi ndâyn kûmə̀ nə m pomə̂ nə ghɨə tə fɨnə zômə̀.”

Ətefɨ̂aʼ 26:23

Ghənə tè pi nə vɛ ə chɔʼ ndə̂m kyi se fe ə ngəʼ, sə nyi wùə shi se zômə̀ ekwu. È tə ndaʼa se ghɨ ətəynghe nə paynze panə sê ghɨə Njûsə̀, panə kəpî sê ghɨ ghɛ ə vachi ə̀ghɨ ə Njûsghè.”

Ətefɨ̂aʼ 26:8

Kûmə̀ ghè ə ze tɛ ghaʼa ghàyn ghɨ Njûsə̀ se pomə nə Zhə̀fè zòmsə̀ ndò ghɨ ghɛ ə ghe nyi mə ghə kwuə?

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ətefɨ̂aʼ 5:17

Wùə èkɔʼsə nə èshyə̀ èngaŋtə kwəynə yî pamə tə vəynte tekɨ̂m, mə nyi atsɨ̂ynte ə ghɨə Sandùsîkè, ə zhə̀tə̀ àghə̀ʼ ə kwəmnəke se ghɨətom ə Njisə̀sghè, sè fɨasə nə ghənə nə̀ fe èghɛ.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

1 Kɔlìŋ 15:23

Pîza nâʼàpî ndè tə zômə̀ kə vəyn ashìŋə̀, ə Klâys sə shi, ashìŋə̀ kɛ ə è pə̀yn, ə ghɨ ghɛ ə̀ nyi ghə Və zomə.