Ətefɨ̂aʼ 4:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Pità yî Njɔyn ə pə̀ynsə̀ sê ghənə nə, “Ghàyn kwaʼte ghɛ zɛ ə ze tsɔ̂fə̀ ə Zhə̀fè əshi sə ghàyn ə ngɨŋ, nə ghàs zɨ sê Zhə̀fè mə, mə ghàs zɨ sê ghàyn ə?

Ətefɨ̂aʼ 4:19 ပူးပေါင်းရင်းမြစ်များ

Matyò 22:21

Ghənə ə pə̀ynsə̀ nə, “Ə̀ nyi zə Kaysàzè.” Njisə̀s ə ke pì sê ghənə nə, “Ghàyn fo sê Kaysà fɨa vɛ ə kyi Kaysà, ə fo sê Zhə̀fè fɨa vɛ ə kyi Fezhə̀.”

Tom èchùŋ kè kə Lûk tè nyaʼ 22:8

Njisə̀s ə tomə pità yî Njɔyn ə piə nə, “Ghàyn ndu fetê efɨazhiə ezaʼa tsɛve kə ghâsènì zhi.”

Njɔyn 7:24

Kə ghàyn ə saʼa ghɨ kè kûmə̀ ə̀ghɛ ghɛ ə ghàyn naynə ndûə fe əpɨəyn, Ghàyn e saʼa endom səmɔʼ.”

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Ətefɨ̂aʼ 5:28

“Ghàs ə tə tsɛ̀sè lâŋkè nə kə ghàyn fɨyn zaʼlê ə̀ghɨ è ghɛ ghɛ ə Njisə̀s tè pi nə ghàyn ə zaʼlə̂. Ghàyn ə fe ghɛ zɛ ə ghàyn nə̀yn ə? Ghàyn kyiŋə nə ghɨghe ə ghâmə̀ ghàs pîə nə ə̀ tè nə̀yn ghàs nə ə zhwiə Njisə̀s mə?”

Ətefɨ̂aʼ 5:29

Pità yî ghɨətom ə Njisə̀s ghəmɔ̀ʼɔ ə pə̀ynsə̀ nə, “Ghàs kyi sə̂ zɨə kə sê Zhə̀fè, ə̀ va chi sê ghɨghe.

1 Kɔlìŋ 10:15

M wâmnə̀ sê ghàyn kə ghɨ ghɛ ə ghe kyi tɔfe. Ghàyn kwaʼte kê nâʼà è ngɨŋ saynse nə ghɛ zɛ ə m nyâʼ nyì səmɔʼ mə ze va səmɔʼə.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

Ɛfesùs 6:1

mɨ̂ətə̀m, ghàyn e zɨə ə̀ pɨ̀a ghaynghe è nyì ghaynghe kûmə̀ nə ə̀ nyi eghɛ zɛ ə ze nyi chichi.

1 Timotì 2:3

Zɨnə mə nyîə tsɔ̂fə̀ nə̂ nə Zhə̀fè, mə za nyi sɔ̀zà ə ghâsènì, ə saŋnə̂.

Ipilù 11:23

Ə̀ tè nyi tɔynə ekyî epomə̂ zɛ ə pɨ̀a yî nyì ə̀ Mosîs tè kyi ə ze tè nəyn nə ghənə ndəte vəyn sə se njɔŋ se ta kə ə tè piə vəyn kûmə̀ nə ghənə tə fe nə è nyi vayn etsɔ̀fə ə tàʼa fayn se kyim esaʼ ə fɔ̀ynzè.

Njə̂m 2:4

piə zɨnə mə tyə̂nə̀ nə ghàyn nyîə kɔ̂ŋə̀ ə̀ghɨ əmɔ̀ʼɔghe ə ghàyn əfètəyn tsɛ̂ yîghe ə? mə ghɛ zɛ ə ze nə̂ nə ghàyn ə nə̂ nyiəmə nyi pi.