Ətefɨ̂aʼ 4:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Ətefɨ̂aʼ 4:13 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 26:71

Kə è wàmnè mɨ̂sè zâ, ə ndò fɨə ndùə endom fumə echo àpɨəyn ə saʼke. Vâyn èzhɔyn èfɨaʼa ə̀mɔ̀ʼɔ̂ ə fɨnə fe vəyn ə pìə sê ghɨ ghɛ ə ghe tè nyì fu nə, “Wùə vɨ̀nə tè nyì yî Njisə̀s vɛ ə è ndò endaʼa Nazalɛ̀tzè.”

Matyò 26:73

Ə fɨnə môtə̀ ke nyi, ghɨ ghɛ ə ghe tè tyəm fu ə pə̀ sê Pità ə pìə nə ò lote nyi wùə èmɔ̀ʼ əfètə̂ ə̀ghɨ̀ ghɛ ə chûmtə̀ wùə vɛ. “Epàm ə ghɛ ətəynghe əkɨ̂m, ndom vɛ ò wàmnə̀ ətəyn tyəynə̀ ndò nə ò nyi wùə mə ò ndò pə̂yn apàs endaʼa Ngalìlîkè.”

Tom èchùŋ kè kə Lûk tè nyaʼ 22:8

Njisə̀s ə tomə pità yî Njɔyn ə piə nə, “Ghàyn ndu fetê efɨazhiə ezaʼa tsɛve kə ghâsènì zhi.”

Njɔyn 19:26

Njisə̀s ə fe nyìə Vəyn è chùmtè èpàm ə̀ Vəyn vɛ ə è tè kɔ̂ŋɔ̀ è tyəm fumə, È və pìə se nyì nə, “Nyì Vɨ̂mè, ə̀ vɨ̀nə nyi vayn vɛ̂vè.”

Njɔyn 7:15

Ghɨ ghaʼâ Njûsə̀ tè nyi èkaynze ə pìə nə, “Wùə vɨ̀nə kwì zayn sə ngəsê ke ə̀ghɛ ghɨ̀yn mə è paʼà tyəmə ndùə ə ndɛ ŋwàʼlè àlâŋ ə?”

Njɔyn 7:49

Nɔ̂yn kɨ̀nə keva lâŋ ə Mosîskè, e za nyi nə ghənə nyi ə Zhə̀fè etyə̂ ndi.”

Ətefɨ̂aʼ 4:14

Ghənə tè fɨyn kyi va ghɛze se pì kûmə̀ nə wùə vɛ Pità yî Njɔyn tè nəyn è və tɛ tè pa tyəm paʼsə̂ kə ghənə ə ngwùŋ.

Ətefɨ̂aʼ 4:19

Pità yî Njɔyn ə pə̀ynsə̀ sê ghənə nə, “Ghàyn kwaʼte ghɛ zɛ ə ze tsɔ̂fə̀ ə Zhə̀fè əshi sə ghàyn ə ngɨŋ, nə ghàs zɨ sê Zhə̀fè mə, mə ghàs zɨ sê ghàyn ə?

Ətefɨ̂aʼ 4:29

Zôyn nyi, ə Pɛ̂pɛ, kwaʼte fâynsè zɨnə ə ghənə fâynsə̀ ghàs ə fo kwəynsə atyaʼ sê ghàs, ghɨ əfɨaʼa ghɛghe, ə ghàs ə ndâʼà tom zɛ, fânə̀ va fɨa.

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 9:27

Pànapàs ə pə̀ kyîə ekɔyn ə vəyn ə njìə ndùə è vəyn sê ghɨətom. È və tsà paynsə̂ sê ghənə nə Sɔ̂l ə tə fe Pɛ̂pɛ ə telaynəlayn endom kə è ndùə ə Ndàmaskùs, è ghɛ zɛ ə Pɛ̂pɛ tè tsàyn se vəyn. Pànapàs ə fɨnə pîə nə Sɔ̂l ə tsàyn tom èchùŋ ə Ndàmaskùs kûmə̀ Njisə̀s mə è fànə̀ va.

Ətefɨ̂aʼ 9:28

Sɔ̂l ə faŋa sè ndamə kɔʼɔ kə yî ghɨətomə, kwiə ka kə Njèlusalɛ̀m èkɨ̂m, ndàʼà tom èchùŋ ezə Pɛ̂pɛze, fanə̀ va.

1 Kɔlìŋ 1:27

Pîza Zhə̀fè ə chɔʼ ghɛ ghɛ ghɨ mbiə fe nə ə̀ nyi ango se nə̀yn nə ghɨ tɔfə ghomə, ə fɨnə chɔʼɔ ə̀ghɛ ghɛ əghɨ ə mbi ghɨnəghe njîə nə ghe va eghɛ se nə̀yn nə ghɨ atyaʼa ghomə.

1 Kɔlìŋ 14:25

kûmə̀ nə tom ə Fezhə̀ ə nə̀yn ghɨghe ə kê ə̀ghɛ ghɛ ə ghənə tè nyi mə ə ndə̀tè ə ghənə ə fèteyn ə̀təm. Nyiəmə, ghənə tə tɨmə ə̀ ndzɨs ə ngɨmnə̂ Fèzhə̀ pîə nə, “Zhə̀fè nyîə ndɨŋ nyi ə ghàyn ə fètəyn.”

2 Kolìŋ 3:12

Kûmə̀ nə ghàs kyi ndô kwaʼtè nə zɨnə mə, ə̀ za nyi eghɛ zɛ ə ghàs ngɛse kyi ə̀təm.