Ətefɨ̂aʼ 4:1 - Ŋwàʼlè ə̀ Fèzhə̀ Mkâyn Mə̂ Fèm

¹ Pità yî Njɔyn tè pa wâmnə̀ sê ghɨ, ghɨ kɔʼsə nə eshyə̀ Ndɛ̂ ètsə̀mə yîghe, è tuə se sokə̀ʼ kɛ ə ke tè fɨ̀aʼa ə ndɛ̂ Fèzhə̀, è ghɨ Sandùsî ə mɔ̀ʼɔghe, ə pə̀ elùʼ vɛ ə ghənə tè nyi ətəyn.

Ətefɨ̂aʼ 4:1 ပူးပေါင်းရင်းမြစ်များ

Matyò 16:12

Chùmtè èpàm sə vəynse ə se kê nə è fè paʼà wàmnè kûmə̀ fèsə̀ʼ fə apayn əkwaŋke pîza è tè pɨlə wâmnə̀ kûmə̀ èzaʼlê ə ghɨə Falàsîə è ghɨə Sandùsîə.

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

Matyò 27:20

Ghɨ èkɔʼsə nə eshyə̀ engaŋtə, è chəʼse ə chiyntə̂ ànɔ̂yn nə ke pi nə, Paylɛ̀t za fɨsê Pàlapàs ə è tsɛse saʼze nə zhwi Njisə̀s.

Matyò 27:41

Eghɨ kèpi famə endom, ghɨ èkɔʼsə nə eshyə̀ engaŋtəghe è tyə̀ynsè sə alàŋsè è chəʼse e nyə̂ʼsə̀ kəpî vəyn

Matyò 3:7

Ə pə̀ kə Njɔyn fe tsɨ̀tsɨ̂ ə̀ ghɨ̀ə Falàsîə è ghɨə Sandùsîə ghe pə̂ nə è fo môm sê ghənə, è və pìə sè ghənə nə, “Mbam sɨ̂nə̀! Ə̀ tɔfse nde ghàynə, kə ghànə mɔ̂msə̀ se tə epɔynsê zɛ ə Zhə̀fè nyi se tom sê ghàyn ə?

Tom èchùŋ kè kə Lûk tè nyaʼ 20:1

Tuʼ fîfe, Njisə̀s e sè zaʼlə̂ əghɨ ə Ndɛ Ètsə̀mə, ndàʼà tom èchùŋ sê ghənə. Ghɨə kɔʼsə nə eshyə̀ engaŋtəghe yî tyə̀ynsè sə alàŋsè, paʼsə̂ è chəʼse ə fɨə pə̂

Tom èchùŋ kè kə Lûk tè nyaʼ 22:4

È və ndò ə ndùə fe ghɨkɔʼsə nə eshyə̀ Ndɛ Ètsə̀məghe, ə chisə èndom vɛ ə è kaʼa è pəʼle vəyn ətəyn sê ghənə.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 18:3

Njondàs ə ndùə fumə afùʼ mə è və njì nɔ̂yn ə sesokə̀ʼ ə Lûmkè, è ghɨə tsɨ̂ŋnə nə Ndɛ Ètsə̀mə əmɔ̀ʼɔ mə tom əghɨə kɔʼsə nə eshyə̀ ə ngaŋtəghe è ghɨə Falàsîə. Ghənə tè nyi mə ə pɨ̀aʼtè lâmsè, keytə̂ m̀wus ə njìə efɨa eghɔ̀ŋve.

Ətefɨ̂aʼ 4:6

Anàs ə wùə èkɔʼsə nə èshyə̀ engaŋtə kwəynə, è Kayfàs, è Njɔyn, è Àlɛ̀ksandà kèpi è ghɨə mɔ̀ʼɔ etɔ̀ŋ ə ndɛ̂ ə̀ wùə èkɔʼsə nə tè shyə̀ engaŋtə kwəynə tè nyì fumə.

Ətefɨ̂aʼ 5:17

Wùə èkɔʼsə nə èshyə̀ èngaŋtə kwəynə yî pamə tə vəynte tekɨ̂m, mə nyi atsɨ̂ynte ə ghɨə Sandùsîkè, ə zhə̀tə̀ àghə̀ʼ ə kwəmnəke se ghɨətom ə Njisə̀sghè, sè fɨasə nə ghənə nə̀ fe èghɛ.

Ətefɨ̂aʼ 5:24

Ə pə̀ kə ghɨ kɔʼsə nə èshyə̀ ngaŋtəghe è tuə sokə̀ʼ kɛ ə ke tè fɨ̀aʼa ə ndɛ̂ ètsə̀mə zɨ zâ, sè kanə nə ə̀ kyàyn ghe sê ghɨətom ə Njisə̀s nə ghɛ.

Ətefɨ̂aʼ 5:26

Tuə sesokə̀ʼ kɛ ə ke tè fɨ̀aʼa ndɛ̂ Fèzhə̀ ə zɨə zâ, yî ghɨ vəynghe ə ndùə njìə ə̀ghɨtom nə ghɛ. Ghənə tè paʼà ko ghənə sə atyaʼ kûmə̀ nə ghənə tè fànə nə ghɨ kaʼa ə ghe tɨmnə̂ ghənə è chighe.

Ətefɨ̂aʼ 6:12

Ghənə pìə za kè sə ashìŋə̀ ə chiyntə̂ ə̀ghɨ, è chəʼse, è tyə̀ynsè sə esaʼse, ə pə̀ kyîə Shìtifɨ̀yn ə ndùə è vəyn sê ghɨə sesaʼa.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.