Ətefɨ̂aʼ 3:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Pîza Pità ə pìə sê vəyn nə, “M kyi va kɛve nâʼà səkɔs se fo sê ghò, pîza nyi se fo kə afɨa kɛ ə m kyi. M piə sê ghò ə Njisə̀s Klâys və Nazalɛ̀t ezə nə ò ndwi ə̂ ò kwi.”

Ətefɨ̂aʼ 3:6 ပူးပေါင်းရင်းမြစ်များ

Matyò 10:9

Kə ghàyn nə nji èkɛ.

Matyò 7:22

Shɨ̂ŋə̀ kɛ ə tuʼ ə saʼe tə pə̂, ghɨ etsɨghe tə pîə sê mi nə, “Pɛ̂pɛ, Pɛ̂pɛ! ə gho ezə ghàs ə tè wàmnè tom ə̀ Fèzhə̀, ə gho ezə ghàs ə tè chùm fɨsê pamə̂ tə satàyntè te tsɨ̀ə kə nyî ə nə̀ ə̀ghɛ ekayntəghe ghe tsɨ̂ə kə nyi.”

Ŋwàʼlè ə̀ Mâk 14:8

Wùzhɔyn vɨnə nə̀yn ke èghɛ zɛ ə è fè kàʼa ə è nəyn. È sɨ̂s mngwɨl me lɨ̀mtə̂m ə mì atu se pɨaʼtə e pfɨ̀mə̀ zɨmze tsɔ̀fə shîŋə̀kè kwənə.

Ŋwàʼlè ə̀ Mâk 16:17

Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Njɔyn 19:19

Paylɛ̀t ə nyàʼà apàŋ afɨake nə, “Njisə̀s və Nazalɛ̀t, ə fɔ̀yn ə̀ ghɨ̀ə Njûsə̀” ə payntə̂ àpâŋ afɨa ətəynke ə Vəyn etuə awâmnè.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 16:18

È və nə̀ zɨnə mə sə mtuʼlə̂, ə kɔʼɔ fɨə andiŋ kyîke, Pɔ̂l ə nyɔ̀ʼsə̀ ètɔŋ ə pìə se zuʼse pi nə sɛ ə se tè nyi ə ngɔ̀yn ə̀ vayn è zhɔyn nə vɛ ewìyn nə, “M kânə̀ sê ghò ezə Njisə̀s Klâyszè tsɛ fɨə ə vəyn ewìyn!” Zuʼse pi nə sɛ ə fɨə ə vəyn ewìyn kè sə ashìŋə̀ nə kɛ.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

Ətefɨ̂aʼ 3:16

Wùə vɨ̀nə ə ghàyn fe nyi, fɨyn fɛte ke, ə̀ nyi atyaʼ ezə Njisə̀szè è pomə̂ zɛ ə è kyi ezə təynze, nyi eghɛ zɛ ə ze fo tyaʼa sê kèngɛchi kɨ̀nə̀ ə nə̀ nə è tɛ. Ghàyn ghe fe sə ghàyn ə ngɨŋ.

Ətefɨ̂aʼ 3:5

È ve naynə̂ ndûə Pità yî Njɔyn, kwàʼtə̀ nə ghənə nə̀ fo àfɨa sê vəyn.

Ətefɨ̂aʼ 3:7

Pità ə kyiə ekɔyntwɔ ə vəyn ə tsàmtə̀ vəyn nə è ndwi tyə̂m. Fɨəyntə vəynte è kɨŋnete ə tɛnə̂ kə sə ashìŋə̀.

Ətefɨ̂aʼ 4:10

Ghàyn ghɨ Isìlâyghè, ghàyn e ke nə wùə vɨ̂yn ə è tyəm ə ghàyn əshi tɛ kûmə̀ àtyaʼ ezə ə Njisə̀s Klâys və Nazalɛ̀tkè. Ə̀ nyi Vəyn vɛ ə ghàyn tè paynte awâmnè, È və kwuə, pîza Zhə̀fè ə nə̂, È və zòmə̀.

Ətefɨ̂aʼ 4:7

Ə njìə pəyn è Pità yî Njɔyn ə piə nə ghənə tsɛ̀ tyəm ə ghɨghe əshi, ə pfɨfə sê ghənə nə, “Ghàyn kwì zayn se tsuʼ ə kèngɛchi kɨ̀nə? Ə nyi atyaʼ àkè è zə nde ze ə ghàyn tsuʼ vəyn ətə?”

Ətefɨ̂aʼ 9:34

Pità ə pìə sê vəyn nə, “Èneyàs, Njisə̀s Klâys nə̀ tsuʼə gho zôyn. Ndwi ə fɛtə̂ èkwî vɛve.” Èneyàs ə ndwìə kə sə ashìŋə̀.

1 Kɔlìŋ 4:11

Se tàyn zôyn, chɨ̀ŋ zafə ghàs, pfɨ̀ŋə̀ m̀mò e fɨnə zafə ghàs. Ghàs màʼà kə êshɔʼ ə sendzɨsve, e pusə ghàs, ghàs e kyîŋə̀, kiva luʼe ndaməve.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

2 Kolìŋ 8:12

Kûmə̀ nə ə ghàyn piə fo afɨa saŋnə̂ se fo kɛ ə ghàyn kyi, ə Zhə̀fè fi fo ətəynze kûmə̀ nə ə̀ nyi afɨa kɛ ə ò kyi, mə è kyiŋə va nə ò fo kɛ ə o kyi va.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.