Ətefɨ̂aʼ 3:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Ətefɨ̂aʼ 3:26 ပူးပေါင်းရင်းမြစ်များ

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Matyò 15:24

Njisə̀s ə pə̀ynsə̀ nə, “Zhə̀fè tè tom Mi nə m pəyn tsâmtè ə̀ghɨə Isìlây ghɛ ə nyi kə sendzè senjisəse.”

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Njɔyn 4:22

Ghàyn ghɨ Sàmalyà paynse keva wùə vɛ ə ghàyn ngɨmnə, pîza ghàs ghɨə Njûsə̀ ke ndô wùə vɛ ə ghàs chùmtə̀, kûmə̀ nə ə nyì sê ghɨə Njûsghè kə sɔzaze tè pəyn.

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 2:24

Pîza Zhə̀fè ə nə̀, È və zômə̀, ə sɔ̀zâ Vəyn sê tyaʼ ekwuke kûmə̀ nə kwuze tè vayn kàʼa e kyi Vəyn kə wùə ndɛ̂ ə̀chaʼ.

Ətefɨ̂aʼ 2:32

Ghasə ə̀kɨ̂m nyi setsɛ̀ èsaʼ nə Zhə̀fè ə nə̀yn, Njisə̀s nə vɨ̂yn ve è zômə̀.

Ətefɨ̂aʼ 26:20

Se ndò famə, mə nyaʼâ se ndàʼà ə tom èchùŋ, se zhə̀tè endaʼ ə Ndàmaskùsè se nduə fɨ ə Njèlusalɛ̀m, ə fɨnə kəmnə̀ ndûə apàs endaʼ ə Isìlâykè akɨ̂m è pâs endaʼ ə ghɨ̀ gha ə̀ tè vachi ə̀ghɨ ə Njûsghè nâʼà àkɨ̂m.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ətefɨ̂aʼ 3:20

Ə ghàyn nə̀yn nyi, ə shîŋə̀kè tə pəyn, ə Pɛ̂pɛ zɨnə təm ghaynghe. Ə̀ nyì fumə ashìŋə̀ ə È tə tomə vɛ ə kɨmne ndə̂m, mə nyi Njisə̀s, vɛ È chɔʼ ndə̂m sê ghàyn.

Ətefɨ̂aʼ 3:22

Mosîs è ngɨŋə̂ vəyn tè pi nə, ‹Pɛ̂pɛ vɛ ə È nyi Vəyn Zhə̀ faynfe tə chɔʼɔ fɨ̀aʼtè ə ghàyn ə fètəyn kèpî kə È tè chɔʼ mi. Ghàyn kyi sə̂ nə̂ ə̀ghɛ ə̀kɨ̂m ghɛ ə è pì nə ghàyn ə nə̂.

Ətefɨ̂aʼ 3:25

Ghɛ zɛ ə Zhə̀fè tè pi tɔynə̂ ə se fɨ̀aʼtè tè nyì sê ghàyn, ghàyn e kyi kepî èghɛ əfètə̂ m̀kàyn mɛ ə Zhə̀fè tè zhi yî pɨ̀a ghayn ghəshiə. Zhə̀fè tè pi sê Aplàghâm nə, ‹M tə pɔsə̂ ə̀ghɨ ə̀kɨ̂m fa mbi tɔynə̂ əghò etɔ̀ŋ ə ndɛve.›

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 15:29

Shîŋə̀ kɛ ə m pə̂yn sê ghàyn, m ke ndô nə m tə pə̂ è kàyntè èpɔsê ə Klâyszè.

Ŋwàʼlè ə̀ Pɔ̂l sê ghɨə Lûmghè 15:8

M tsâ se ghàyn nə Klâys tè pəyn sə wûə èfɨ̀aʼa sê ghɨ Njûsə̀ se tyə̀yn sê ghənə nə tsɨ̂nè ə Fezhə̀zè pfɨ̀ə tsɛ̂ va. È tè nəyn nyi se lwiynse etsɨnè zɛ ə Zhə̀fè tè nə̀yn sê pɨ̀a ə pɨ̀a ə ghənə̂ghè.

Ɛfesùs 1:3

Ghâsènì e kɔʼsə Fèzhə̀, ə Pɨ̀a Pɛ̂pɛ ə̀ ghâsènì Njisə̀s Klâys. Fə pɔsê ghâsènì ə sezuʼ è fɨa e chûŋ vekɨ̂m vɛ ə ve nyi ekwùtwəyn tɔynə̂ ə Klâys.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

1 Pità 3:9

Ə̂ wùə nə̀yn pi sê ghò, kə ò nəyn pə̀ynsè, ə sòylə̀ ghò, kə ò soyle pə̀ynse. Ò kyi ke sə̂ pɨlə tsə̂mə̀ nə Zhə̀fè pɔse kyì ə wùə nə vɨ̂yn kûmə̀ nə ə̀ nyi epɔsê nə zɨ̂nə̀ ə fe tè tsɨ̂nè se fo sê ghò etuʼ vɛ ə fe tè chɔʼ ghô.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.