Ətefɨ̂aʼ 3:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Ghɛ zɛ ə Zhə̀fè tè pi tɔynə̂ ə se fɨ̀aʼtè tè nyì sê ghàyn, ghàyn e kyi kepî èghɛ əfètə̂ m̀kàyn mɛ ə Zhə̀fè tè zhi yî pɨ̀a ghayn ghəshiə. Zhə̀fè tè pi sê Aplàghâm nə, ‹M tə pɔsə̂ ə̀ghɨ ə̀kɨ̂m fa mbi tɔynə̂ əghò etɔ̀ŋ ə ndɛve.›

Ətefɨ̂aʼ 3:25 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:72

Fe nə̀yn əghɛ nə ghɨ̂yn se tyə̀yn esəyn ko ə vəynze sê pɨ̀a ə ghâsènì ghə shiə, se fɨnə tyə̀yn nə fe pa kwâʼtə̀ kə ndò tsɨ̂nè ə vəynze sê ghənə.

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 2:39

Tsɨ̂nè ə Fezhə̀ nə zɨ̂nə̀ pə̀ sê ghàyn è ghɔyn ghaynghe è ghɨghe əkɨ̂m ghɛ ə ghe nyi ə tendomte tyâtè. Ə̀ nyi əghɨ ghɛ ə Pɛ̂, Zhə̀fè ghâsènì Fe tɔŋɔ nə ghe pəyn sê Vəyn.”

Ŋwàʼlè ə̀ Pɔ̂l sê ghɨə Lûmghè 15:8

M tsâ se ghàyn nə Klâys tè pəyn sə wûə èfɨ̀aʼa sê ghɨ Njûsə̀ se tyə̀yn sê ghənə nə tsɨ̂nè ə Fezhə̀zè pfɨ̀ə tsɛ̂ va. È tè nəyn nyi se lwiynse etsɨnè zɛ ə Zhə̀fè tè nə̀yn sê pɨ̀a ə pɨ̀a ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 4:13

Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.

Ngàleshyà 3:16

Ke nə Zhə̀fè tè fo etsɨ̂nè sê Aplàghâm yî ghâŋfə vəynfe mɔ̀ʼ. Ŋwàʼlè ə Fèzhə̀ pâʼà pì nə, ‘Ghàŋə̀m’ ze tyə̂ nə ghɨə se tsɨ̀, è pɨl pî nə, ‘Ghâŋfè’ ze tyə̂nə̀ nə ə̀ nyì ke wùə èmɔ̀ʼ mə tɔŋtə̂ nə Klâys.

Ngàleshyà 3:29

Ə ghàyn nyi əghɨ Klâysə̀, ə ghàyn ə nyi əghɔyn sê Aplàghâm, ə ghàyn tə kyî àfɨa kɛ ə Zhə̀fè tè tsɨ̀ne sê ghɔyn ə vəynghe.

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Etyə̂yn ə paynsêzè 14:6

Mə ke fe tsì ə̀mɔʼɔ̂ è wulə̀ tsɛ̂ nâʼà ekwùtwəyn, kyi tom è chùŋ zɛ ə è tə ndamə faŋə se ndàʼa sê ghɨ ghɛ ə ghe nyi ə chi; È tè nyi se ndàʼà sê ghɨ tendaʼ tekɨ̂m, è ghɨə tetàŋ ghəkɨ̂m, wàmnə̀ kə tèwâmnè tèkɨ̂m, kyi ke tèkyì tekyàʼ tekɨ̂m.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.

Etyə̂yn ə paynsêzè 7:9

Epàm ətəyn, mə fe anɔ̂yn əghaʼâ əghɨ̀kè mə ə màʼ ndzɨse fɨfə̂sè, mə ə vayn kàʼa taŋ mɨsè, kyi ə̀kyì əghɨ̀ ghəkɨ̂m, mə ə fɨ pə̂yn ke tâŋ tekɨ̂m, ə fɨnə fɨə ndaʼa tèkɨ̂m, wàmnə̀ kə tewâmnè tèkɨ̂m. Ghənə tè nyi mə ə tyəm ashiə fèkyə̂ fə efɔ̀ynfè è kɨsè ə Va Ndzè əshi, kyi èchwɔ̂ ə ghənə ə gho,