Ətefɨ̂aʼ 3:21 - Ŋwàʼlè ə̀ Fèzhə̀ Mkâyn Mə̂ Fèm

²¹ È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

Ətefɨ̂aʼ 3:21 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:70

Kè kə fe tè wàmne tɔynê ə sèfɨ̀aʼtè seghaʼâ sə vəynse etuʼ əshi.

Ətefɨ̂aʼ 1:11

Ndômnè nə ghɨ̂nə̀ ə̀pɛ̀ ə ke ə pfɨf sê chùmtè èpàm nə sɛ nə, “Kûmə̀ ghè ə ghàyn tyəm naynə̂ kɔʼsə̂ è kwùtwəyn nyi ə ghɨ Ngalìlîə? Njisə̀s vɨ̂yn, ə nji ə ghàyn əfètəyn È ve È kɔʼ ekwùtwəyn, tə kɛsə̂ pə̀ kə endom vɛ ə ghàyn fe È ndùə ətəyn.”

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ətefɨ̂aʼ 3:20

Ə ghàyn nə̀yn nyi, ə shîŋə̀kè tə pəyn, ə Pɛ̂pɛ zɨnə təm ghaynghe. Ə̀ nyì fumə ashìŋə̀ ə È tə tomə vɛ ə kɨmne ndə̂m, mə nyi Njisə̀s, vɛ È chɔʼ ndə̂m sê ghàyn.

Ŋwàʼlè ə̀ Pɔ̂l sê ghɨə Lûmghè 8:21

zhi nə̀ fɨsə̂ èfɨa nə vɨnə mə etyə̂ àtyaʼ kɛ ə ke nə̂ nə fɨave ə fîə, ə ghənə ə kyi kepî èndom se fiə kəpì epomsê zɛ ə Zhə̀fè nyi mə Fe ə fo sê ghɔ Vəynghe.

Ipilù 1:1

Ə̀ tè nyi sə mɨ, Zhə̀fè e wàmnə̀ sê ghə̀pɨ̀a ghasènìghe tɔynə̂ ə sèfɨ̀aʼtè. Fe tè wàmnə̀ kə ə tendom ə tendom, kə teshìŋə̀ teshìŋə̀.

2 Pità 1:21

E nyi nyî kûmə̀ nə nâʼàpî èghɛ èkè zɛ ə fɨ̀aʼtèsè tè nyaʼ tè pâʼà ndò pəyn eghɛ zɛ ə ghɨ msɔ̀ŋghe tè kyiŋə, pîza Zuʼse Ŋwaʼase tè nyîə chisə̂ ə̀ghɨ kə ghənə tè ndàʼa tom zɛ ə è ndò pə̂yn sê Zhə̀fè.

2 Pità 3:2

M kyiŋə nə ghàyn kɛse kwâʼtè ə̀ghɛ ghɛ ə fɨ̀aʼtè sə eŋwaʼase tè pì nâʼà sə mɨ, è ghɛ zɛ ə Pɛ̂pɛ sɔ̀zà tè pi sê ghàyn tɔynə̂ əghɨtom ghaynghe.

Etyə̂yn ə paynsêzè 18:20

“Ghàyn ghɛ ə ghàyn ndamə ekwùtwəyn, ghàyn e saŋnə̂. Ghàyn e saŋnə̂ ə ghɨə Fezhə̀ è ghɨətomə, è fɨ̀aʼtèsè kûmə̀ nə Zhə̀fè ə kà saʼ ə̀ Papilɔ̀yn pɔynsə̂ vəyn əghɛ ghɛ ə è tè nə̀yn sê ghàyn!”

Etyə̂yn ə paynsêzè 22:6

Tsì ə̀təyn ə ke pì sê mi nə, “Ghɛ ghɨ̀nə̀ nyì səmɔʼ, nyi kə samse ghəynghe. Pɛ̂pɛ Zhə̀ fɛ ə fe fo Zuʼsə vəynse sê fɨ̀aʼtèsè, ə tom tsì ə̀ vəyn nə è tyəyn sê ghɨə vəynghe fɨaʼa ghe ghɛ zɛ ə ze kyi se kwùʼə kyàyn.”