Ətefɨ̂aʼ 3:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ə ghàyn nə̀yn nyi, ə shîŋə̀kè tə pəyn, ə Pɛ̂pɛ zɨnə təm ghaynghe. Ə̀ nyì fumə ashìŋə̀ ə È tə tomə vɛ ə kɨmne ndə̂m, mə nyi Njisə̀s, vɛ È chɔʼ ndə̂m sê ghàyn.

Ətefɨ̂aʼ 3:20 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 24:3

Njisə̀s ə kɔʼɔ ə pfɨ̀ynə̀ Sèolìfs ə tsɨsə̂ ə chi. Chùmtè èpàm sə vəynse ə nyaʼtə̂ pə̂ se Vəyn ə pîə nə, “Tsàyn sê ghàs shîŋə̀ kɛ ə ghɛ ghɨ̀nə tə kyânə̀ ətəyn.” “Ə̀ tə nə̂ ə nyi chwìə èkè nə Ò pə̀ ndò è kɨsè nə mbi mîə ndò ə.”

Ŋwàʼlè ə̀ Mâk 13:26

Fumə ashìŋə̀, əghɨ fe kə Va Wùə tso pə̂ əfètə̂ sèmbàʼ, è tyaʼa ə kayntəke, è pomsêzè.

Tom èchùŋ kè kə Lûk tè nyaʼ 19:11

Ghɨ tè pa zɨtə̂ kə èwâmnè ə Njisə̀s nə zɛ, è və mɛ̀ ngàyn sê ghənə kûmə̀ nə è tè se paʼsə̂ ndùə ə Njèlusalɛ̀m, ghənə tè kwâʼtə̀ kə nə Zhə̀fè nə̂ zhə̂tə̀ se saʼ efɔ̂yn ə fəynfe kè sə ashìŋə̀ nə kɛ.

Tom èchùŋ kè kə Lûk tè nyaʼ 21:27

Ə nyi epàm ətəyn, ə ghənə fe Va Wùə, ə è və tso pə̀ əfètə̂ mbàʼ, kyi àtyaʼ eghaʼâkè è pomsêzè.

Ətefɨ̂aʼ 17:31

Kûmə̀ nə Zhə̀fè tè nyi mə Fe ə ndə̀m tuʼ fɛ ə Fe tə saʼa ghɨghe əkɨ̂m ətəyn fà mbi, ke chichi. Fe tə nə, ə wùə vɛ ə è chɔʼ ndəm saʼ ghɨ nə ghɨyn sê vəyn. Fe tyə̀yn chwìə nə zɨnə̀ se nâʼà pîndè mə È ndwisə̀ wùə nə vɛ ekwu.”

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ətefɨ̂aʼ 3:21

È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

2 Tèsàlonikà 2:2

kə ghàyn nə za nə ghɨə fəʼ tu kaynke ezhoghɛ ə ghənə pîə nə tuʼ fɛ ə Pɛ̂pɛ nyi se pə̀yn ətəyn se nyi mə fə kàynè kwəyn. Ghɨə kaʼa kwaʼtə̀ nə ghàs tè pì zɨnə ashìŋə̀ kɛ ə ghàs tè tsâ ghɛ ghɛ Zhə̀fè tyə̀yn sê ghàs, pi ashìŋə̀ kɛ ə ghàs tè ndàʼa tom ə̀ Fèzhə̀, è kɨsè nə ə̀ kàʼa nyi mə ghàs tè nyaʼ zəynze ə ŋwàʼlè.

2 Tèsàlonikà 2:8

Ə tsɨ̂sè wùə nə vɨnə endom, ə wùə ə̀təm ə pi nə vɨnə pfɨ̀ŋə̀ fɨ ə ndayn. Pîza shîŋə̀ kɛ ə Pɛ̂pɛ Njisə̀s Klâys tə kɛsə pə̂, è tə pî nə ə tyəmse ghɛ ə vəynghe nəghe, ə tyəmse kendò, tɔynə̂ endom vɛ ə Klâys tə nə̂ ə è və panə nyaynə̂ ətəyn, ə è nəyn ə è və kyi va tyaʼ kyîke.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.