Ətefɨ̂aʼ 3:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ətefɨ̂aʼ 3:19 ပူးပေါင်းရင်းမြစ်များ

Matyò 13:15

M pîə zɨnə kûmə̀ nə ghɨ ghɨ̀nə vayn kàʼa fɨyn zaʼlê nâʼà èghɛ mə ghənə kɨmtê tôŋne ə ghənəvè è shiə ghənə̂ghè. Mə ghənə vayn zɨ vayn kàʼa fe nâʼà àfɨa kyîke. Ə ze fə va zamə, mə ghənə nyi fe, ə fe kê. Ghənə tə zɨtə̂ è tôŋne ə ghənə̂vè, ə təmə ghənə̂ zɨ kê. Mə ə ghənə nə̂yn zɨnə mə, ə kə̀mnə̀ pə̂ sê Mi, ə m tsuʼ ghənə.›”

Matyò 18:3

ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Tom èchùŋ kè kə Lûk tè nyaʼ 1:16

È tə nə̂, ə ghɔ Isìlây ghe kɛse pəyn sê Pɛ̂pɛ Zhə̀ fə ghənə̂fè.

Tom èchùŋ kè kə Lûk tè nyaʼ 22:57

Pità ə toynə̂ ə piə nə, “Wùzhɔyn vɨ̂yn, m ke pi va vəyn.”

Ətefɨ̂aʼ 1:6

Tuʼve ə zo tuʼ fîfe, Njisə̀s yî ghɨətom ə Vəynghe e tsɨ̂yntè tsɨs luʼve emɔ̀ʼ, ghɨətom ə Vəynghe e sè pfɨfə sê Vəyn nə, “Pɛ̂pɛ, shîŋə̀kè ə kwəyn kə Ò nəyn, ə kɛse fo èfɔ̂yn sê ghɨə Isìlây ghə?”

Ətefɨ̂aʼ 11:18

Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”

Ətefɨ̂aʼ 11:21

Tyaʼa Pɛ̂pɛ ke tè nyîə nyi yighə̀ ghənə. Ghɨ tsɨəghe ə pomə ə fo ə̀təm ə ghənə̂ghè sê Pɛ̂pɛ.

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 17:26

Zhə̀fè tè pom ke wùə èmɔ̀ʼ sə shi, nâʼà ghɨ ndaʼà tèkɨ̂m ə fɨə ke sê wùə nə vɨ̂yn èmɔ̀ʼ ə nə̀ nə ghənə ə ndamə tɔynə̂ kə tâŋ tə mbi tekɨ̂m. Fe ə tə fɨ̀aʼnè shîŋə̀ kɛ kə ghɨ nə ghɨ̂yn ndam ə chi, è luʼ tɛ kə ghənə nə ndamə ətəyn.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 28:27

M piə nyiəmə kûmə̀ nə təm ə ghɨ nə ghɨ̂ynə mə nyîə tɛ, mə ghənə ə fɨ̀yntè tûŋne ə ghənə̂vè, ə fɨnə kɨmtə̂ ə̀shi. Ə zə fe va nyiəmə, mə shi ə ghənə̂ghè fe ndò, mə tûŋne ə ghənə̂vè zɨə ndò, təm ə ghənə̂ghè e zɨə kê kə ghənə kɛse pəyn sê Mi, ə M tsuʼ ghənə.›”

Ətefɨ̂aʼ 3:20

Ə ghàyn nə̀yn nyi, ə shîŋə̀kè tə pəyn, ə Pɛ̂pɛ zɨnə təm ghaynghe. Ə̀ nyì fumə ashìŋə̀ ə È tə tomə vɛ ə kɨmne ndə̂m, mə nyi Njisə̀s, vɛ È chɔʼ ndə̂m sê ghàyn.

Ətefɨ̂aʼ 3:21

È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

2 Tèsàlonikà 1:10

Etuʼ vɛ ə è tə pə̂, ə è fi pomsêzè sê ghɨə vəynghe è kɔʼsêzè sê ghɨə poməghe əkɨ̂m. Nâʼà ghàyn tə nə̂ ə pɔŋ nyi əfètəyn ə̀ ghɨ̀ nə ghɨ̂yn kûmə̀ nə ghàyn ə pomə ghɛ ghɛ ə ghàs tè tsâ sê ghàyn.

2 Tèsàlonikà 1:7

Fe tə nə̂, ə ghàyn ghɛ ə ghàyn fe tsôsvè zôyn ə kyi zɨ̂tèkè, ə ghàs kyî kəpî. Zhə̀fè tə nə̂ èghɛ nə zɨ̂nə̀ ashìŋə̀ kɛ Pɛ̂pɛ Njisə̀s chwìtè ngɨŋə̂ vəyn, tso pə̂ ekwùtwəyn yî tsì sə vəyn sə atyaʼse.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.

2 Pità 3:8

Pîza kə ghàyn lɛse ghɛ zɨ̀nə emɔ̀ʼ ə soyn sɨm sechûŋsè, sê Pɛ̂pɛ, tuʼ femɔ̀ʼ nyì ke kə sepìŋ kam, pìŋsè kam e nyi ke kə fetuʼ femɔ̀ʼ.

Etyə̂yn ə paynsêzè 21:4

Fe tə zə̂sə̀ m̀shi nâʼà m̀kɨ̂m ə ghənə shi. Kwuze tə pə̂ ə ze ə fɨyn va, tɨ̂l ətəmze e va, chîze va, fɨake nə fɨnə zafə va wùə kûmə̀ nə ghɛ ə mɨ ghə tsɛ̀.”