Ətefɨ̂aʼ 3:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Njisə̀s tè nyi wùə èŋwaʼa, fɨyn nyi wùə ə̀ chichi, pîza ghàyn ə kwiynsə̂ Vəyn ə chyatə̂ Paylɛ̀t nə è pɨl za wùə, mə è zhwiə ə̀ghɨ.

Ətefɨ̂aʼ 3:14 ပူးပေါင်းရင်းမြစ်များ

Matyò 27:20

Ghɨ èkɔʼsə nə eshyə̀ engaŋtə, è chəʼse ə chiyntə̂ ànɔ̂yn nə ke pi nə, Paylɛ̀t za fɨsê Pàlapàs ə è tsɛse saʼze nə zhwi Njisə̀s.

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Ŋwàʼlè ə̀ Mâk 15:11

Ghɨkɔʼsə nə eshyə̀ ə ngaŋtəghe ə chiyntə̂ ànɔ̂yn əghɨ̀ kɛ nə ke pi nə Paylɛ̀t fɨse Pàlapàs.

Ŋwàʼlè ə̀ Mâk 15:7

Ə̀ tè nyì fu ashìŋə̀, wùə vîve nyi ə ndɛ ə̀chaʼ, e tɔŋtə̂ nə Pàlapàs. È tè nyì yighə̀ ghɨ mə ghe tɛ ètuke sê ngômnàyn ə̀ Lûm, ə nò àngyə̀s ə zhwiə wùə.

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Njɔyn 16:10

Ə è tyəyn ndom tə chichite, kûmə̀ nə m sè ndùə ə Pɨ̀a vɨ̂mvè ə ngwùŋ, ə ghàyn tə tàʼa fɨnə fe mi nâʼà səkɔs.

Njɔyn 18:40

Ghənə pɨalə̂ pîə kə nə, “Ngâŋngaŋ, ə̀ vachi Vəyn! Fɨse Pàlapàs!” (Pàlapàs e nyi wùchɔŋɔ.)

Ətefɨ̂aʼ 13:28

Naʼapi kə ghɨ nə ghɨyn tè tyə̀nə̀ va ghɛ zɛ ə Njisə̀s pofse se kwu, ghənə tə chyate Paylɛ̀t nə è nəyn kə ə zhwi Njisə̀s.

Ətefɨ̂aʼ 2:27

Kûmə̀ nə ò tə zâ maʼà va mi endaʼ əghɨ kwuze. Ò tə zâ va pfɨyn ə wûə èfɨ̀aʼa vɛve èchùŋ nə ve fî eshyə̀.

Ətefɨ̂aʼ 22:14

È və pìə sê mi nə, ‹Zhə̀ fɛ ə pɨa ghasènìə tè kɔʼsə ə chɔʼ ghô nə ò nəyn kwâʼtè ə Veynze, ə ò fe wùə èfɨaʼa ə̀ Vəyn vɛ ə è nyi chichi, ə ò zɨ kə è wàmnə̀ è kyə̀ vəyn zə ngɨŋ.

Ətefɨ̂aʼ 4:27

Ə̀ za nyi eghɛ zɛ ə ze tè kyayn. Fɔ̀yn Ɛlɔ̀t yî Pontus Paylɛ̀t, è ghɨ atum əmɔ̀ʼɔ yî ghɨə chisə Isìlâyghè ə zùŋtə̀ ə pɨaʼtə se tam ə Njisə̀s, ə wùə èfɨ̀aʼa vê vɛ ə è nyi èŋwaʼe, ə vɛ ə Ò tè chɔʼ.

Ətefɨ̂aʼ 5:28

“Ghàs ə tə tsɛ̀sè lâŋkè nə kə ghàyn fɨyn zaʼlê ə̀ghɨ è ghɛ ghɛ ə Njisə̀s tè pi nə ghàyn ə zaʼlə̂. Ghàyn ə fe ghɛ zɛ ə ghàyn nə̀yn ə? Ghàyn kyiŋə nə ghɨghe ə ghâmə̀ ghàs pîə nə ə̀ tè nə̀yn ghàs nə ə zhwiə Njisə̀s mə?”

Ətefɨ̂aʼ 7:52

Ə̀ nyi fɨ̀aʼtè èkè ə ghə̀pɨ̀a ghayn ghəshiə tè tàʼa fo ngəʼ sê zə̂yn ə? Ghənə ə tə zhwitê ghɨətom ə Fezhə̀ nâʼà ə̀kɨ̂m etuʼ ə shi. Ə̀ nyi ghənə ə tè tsayn pə̂ ə wùə Chichi ə̀ Fèzhə̀zè. Ə̀ nyi Vəyn vɛ ə ghàyn pəʼle ə fɨnə zhwiə.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Njə̂m 5:6

Ghàyn ə nə̀yn nə ghɨə saʼa pi nə ghɨ ghɛ ə nyi ndɔ̀ʼɔ nəyn ghɛ epize nyi mə ə nə̀yn pi, ə vɛ zhwi ghənə mə ghənə paʼà ŋaʼsê cho ə ghənə̂ghè se pì eghɛ.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

1 Njɔyn 2:1

M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.