Ətefɨ̂aʼ 3:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ətefɨ̂aʼ 3:13 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 20:19

Ə nji fo vəyn sê tûm nə ve nyəʼse vəyn ə pus vəyn è wàynsè, ə fɨyn payntê vəyn ə awâmnè, epàmə̂ m̀tuʼ mtam ə Zhə̀fè zomse Vəyn.”

Matyò 22:32

‘M nyi Fezhə̀ fə Aplàghâmfè, nyi Fezhə̀ fə Azɨ̀kfè, nyi Fezhə̀ fə Njàkɔ̂pfè.’ Zhə̀fè nyi Fezhə̀ fə ghɨ̀ ghɛ ə pa ndamə, ə̀ va Fèzhə̀ fə ghɨə ghɛ ə nyi mə ə kwutê.”

Matyò 27:2

Ghənə ə ndzɨsə vəyn ə sechaʼ, ə pàʼlə̀ ndûə fo tsɛsə̀ vəyn ə Paylɛ̀t əgho ə wùə vɛ ə wùə eghaʼâ endaʼa Lûmzè tè ndəm nə è və chisə̂ ə̀ghɨ apàs endaʼa Njòndyâkè fumə ashìŋə̀.

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Ŋwàʼlè ə̀ Mâk 15:11

Ghɨkɔʼsə nə eshyə̀ ə ngaŋtəghe ə chiyntə̂ ànɔ̂yn əghɨ̀ kɛ nə ke pi nə Paylɛ̀t fɨse Pàlapàs.

Tom èchùŋ kè kə Lûk tè nyaʼ 22:57

Pità ə toynə̂ ə piə nə, “Wùzhɔyn vɨ̂yn, m ke pi va vəyn.”

Tom èchùŋ kè kə Lûk tè nyaʼ 23:4

Paylɛ̀t ə ke pì se ghɨkɔʼsə nə eshyə̀ ndɛ ètsə̀mə è nɔ̂yn ə ghɨ vɛ ə ve tè nyi fu nə, “M fe va nâʼà eghɛ epi zhize ə wùə vɨ̂nə nəyn.”

Tom èchùŋ kè kə Lûk tè nyaʼ 6:37

Kə ghàyn nə saʼa ghɨə, kə ə tə tàʼa saʼa ghàyn. Kə ghàyn nə pofsə̂ ghɨə, kə ə tə tàʼa pofse ə ghàyn. Ghàyn lɛ̂sə̀ fo ə̀ghɨ, kə ə tə lɛ̂sè fo ghàyn.

Njɔyn 12:16

Ə̀ tè nyì kə ghɛ nə ghɨyn kyàynə̀, chùmtè èpàm sə Njisə̀sè e fe kê va. Pîza kə Njisə̀s zòmə̀, ə kɛse ndùə elùʼ epomsə ə vəynve, ghənə ə ke Pɨ̀əytè nə ə̀ nyi əghɛ mə ə tə nyàʼ kûmə̀ vəyn nâʼà ə̀kɨ̂m, ghɨghe ə fɨnə nə̂ kə za sê vəyn.

Njɔyn 18:40

Ghənə pɨalə̂ pîə kə nə, “Ngâŋngaŋ, ə̀ vachi Vəyn! Fɨse Pàlapàs!” (Pàlapàs e nyi wùchɔŋɔ.)

Njɔyn 19:11

Njisə̀s ə pə̀ynsə̀ nə, “Ò kyi va tyaʼ kyîke ə Mì ə tu ə̀ tsɛ̂ kə va mə ə̀ fo Fezhə̀ kəynke sê ghò. Wùə vɛ ə è fo tsɛsè Mi se ghò ə nə̀yn kàyntè ə̀ pi.”

Njɔyn 19:12

Paylɛ̀t ə zɨə zâ, sè kyiŋə èndom se za Njisə̀s, pîza ghɨ Njûsə̀ ghə fɨnə pɨa pîə kə nə, “Ə ò zà wùə vɨ̂yn, è və ndò, ə nyi mə ò vachi so ə̀ Kaysà. Ə̀ pìə pi ndè nə e nyi fɔ̀yn, ə̀ nyi nə è vachi yî Kaysà.”

Njɔyn 19:15

Pîza ghənə ə pɨa pîə kə nə, “Zhwi Vəyn! Zhwi Vəyn! Paynte Vəyn awâmnè!” Paylɛ̀t ə pfɨfə sê ghənə nə, “Ghàyn kyiŋə nə m paynte fɔ̀yn vâyn və awâmnè ə?” Ghɨkɔʼsə nə eshyə̀ ə ngaŋtəghe ə pìə nə, “Ghàs kyi va fɔ̀yn vîvè, ə̀ tsɛ̂ kə va Kaysà.”

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Ətefɨ̂aʼ 22:14

È və pìə sê mi nə, ‹Zhə̀ fɛ ə pɨa ghasènìə tè kɔʼsə ə chɔʼ ghô nə ò nəyn kwâʼtè ə Veynze, ə ò fe wùə èfɨaʼa ə̀ Vəyn vɛ ə è nyi chichi, ə ò zɨ kə è wàmnə̀ è kyə̀ vəyn zə ngɨŋ.

Ətefɨ̂aʼ 24:14

Pîza m pomə̂ ndò nə m nyîə ngɨmnə̂ Fèzhə̀ fə ghə̀pɨ̀a əshi fasfe, chumtə̀ èndom nə vɨnə mə, ghənə e pîə nə ə̀ nyi endom akaŋve. Pîza m pomə̂ kəpi ndò nâʼà pi èghɛ èkè zɛ ə nyi mə ə nyàʼ ə Mosîs alàŋ è ŋwàʼlè sə se fɨ̀aʼtèsè.

Ətefɨ̂aʼ 3:12

Pità ə fe əghɨ nə ghɨ̂yn ə pfɨfə sê ghənə nə, “Ghɔnyì ghɨmghə Isìlâyghè, kûmə̀ ghè ə ghàyn nyi èkaynze ə? Ghàyn tùŋə̀ naynə̂ kə ghàs nyî sə ghe? Ghàyn kwàʼtə̀ nə ghàs nəyn nə wùə vɨ̂yn ndwi ə è və kwîə kûmə̀ àtyaʼ kas kə ngɨŋke mə, mə kûmə̀ nə ghàs tsɔ̀fə̀ nâʼà achûŋ ə Zhə̀fè əshi ə?

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Ətefɨ̂aʼ 4:27

Ə̀ za nyi eghɛ zɛ ə ze tè kyayn. Fɔ̀yn Ɛlɔ̀t yî Pontus Paylɛ̀t, è ghɨ atum əmɔ̀ʼɔ yî ghɨə chisə Isìlâyghè ə zùŋtə̀ ə pɨaʼtə se tam ə Njisə̀s, ə wùə èfɨ̀aʼa vê vɛ ə è nyi èŋwaʼe, ə vɛ ə Ò tè chɔʼ.

Ətefɨ̂aʼ 4:30

Tyə̀yn tyaʼ kɛke ò tsuʼə ə̀ghɨ. Tsàmte ghàs nə ghàs ə nə̂ sèchwìə è ghɛ kayntəghe tɔynə̂ ezə Njisə̀szè, ə wùə èfɨ̀aʼa vɛ ve èŋwaʼa.”

Ətefɨ̂aʼ 7:32

‹M nyi Fezhə̀ fə pɨ̀a ə pɨ̀a faynfe, ə Fezhə̀ fə Aplàghâmfè, è Azɨ̀k, è Njàkɔ̂p.› Mosîs ə zɨə zâ sè tsɨŋtə̂ fanə̀ ə tàʼa mɔ̀msè se naynê.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

Ipilù 2:9

Pîza ghâsènì fe Njisə̀s vɛ ə Zhə̀fè tè nə̀yn sə fendiŋə̀ nyì, è və kɛsə̂ sə wûə fɨnə ngaŋtə kwəynə va pî kə setsì sə vəynse, kə tɔynə̂ ə afùʼ ə Fezhə̀kè, ə è kwu, ə è sɔza ə̀ghɨ ə̀kɨ̂m. Kûmə̀ èkwu zɛ ə è tè tsɛ̀ tɔynê ətəyn, Zhə̀fè ə màʼtə̀ vəyn è pomsêzè, è kɨsè kɔʼsêzè.

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,