Ətefɨ̂aʼ 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè nyi tuʼ fîfe, Pità yî Njɔyn ə ndùə ə ndɛ̂ ètsə̀mə ə sechwìə sèta mə zhwize ə pɔ, ashìŋə̀ kɛ ə ghɨ tsə̂mə̀ tsɛ̂ ətəyn.

Ətefɨ̂aʼ 3:1 ပူးပေါင်းရင်းမြစ်များ

Matyò 17:1

Epàm ə mtuʼ mtufə, Njisə̀s ə njiə Pità è Njə̂m yî ànyìə vəyn Njɔyn ə kɔʼɔ è ghənə etûə pfɨ̀yn è ngaŋtə kə nyi, mə nyì ke ghənə fu.

Matyò 26:37

È və njìə Pità yî ghɔ Zepɛndì ghə pɛ̀. Kə è ndùə tsôsvè, è kosê esəynze ə lwinə ə vəyn ə təm.

Matyò 27:45

Ə fètə̂yn èchwì, lɨmke ə kɨlə èndaʼ èkɨ̂m, se zaʼâ ə sechwìə sèta.

Tom èchùŋ kè kə Lûk tè nyaʼ 1:10

Shîŋə̀kè ə nə̀ kwənə, è və njìə se nyɔ̀ʼ, ghɨghe ə tsɨsə kə̂ əpɨəyn nâʼà əkɨ̂m sè tsə̀mə̀.

Tom èchùŋ kè kə Lûk tè nyaʼ 18:10

“Ghɨ yîghe tè kɔʼ ndùə nji ə Ndɛ Ètsə̀mə, ə̀ pɛ̀ se tsə̀m, emɔ̀ʼ e nyi wùə ə̀ Falàsî, vəmɔ̀ʼɔ̂ e tənə sètâks.

Tom èchùŋ kè kə Lûk tè nyaʼ 22:8

Njisə̀s ə tomə pità yî Njɔyn ə piə nə, “Ghàyn ndu fetê efɨazhiə ezaʼa tsɛve kə ghâsènì zhi.”

Tom èchùŋ kè kə Lûk tè nyaʼ 24:53

ə ke nduə faŋə kə ə Ndɛ Ètsə̀mə sè zɨsə̂ fo kə àzɔ̀ŋnè se Zhə̀fè.

Njɔyn 21:7

Chùmtè èpàm ə̀ Njisə̀s zɛ ə È tè ngəsə̂ kɔ̂ŋɔ̀ zâ, ə pìə sê Pità nə, “Wùə vîə nyì zâ, ə̀ nyi Pɛ̂pɛ!” Ə pə̀ kə Shimuyn Pità zɨ zâ, ə njìə fèpfɨ̂ fə vəynfe ə màʼa ə vəyn ewìyn, (kûmə̀ nə, è tè nyi mə è və chɔʼ ndəm), ə tânə̀ ə tsô.

Ətefɨ̂aʼ 10:3

Ə tè nyi tuʼ fîfe, ə sechwìə sèta mə chwi ə pɔ, è və fe ətelaynəlayn, fumə ə telaynəlayn è və fe paynsə̂ tsì ə̀ Fèzhə̀. E zə tɔŋɔ̂ vəyn nə, “Kɔ̀nilùs.”

Ətefɨ̂aʼ 10:30

Kɔ̀nilùs ə pìə nə, “Ə̀ tsɛ̀ ke m̀tuʼ mta zôyn kə m ma tsə̂mə̀ fâ mìə ndɛ ashìŋə̀ ə sechwìə sèta èchwì, ə pfɨ̀ŋə̀ fe wùə kə è tyəm ə mì əshi mə è və màʼ ndzɨse, se fɨfə nyaynə̂ kə nyî,

Ətefɨ̂aʼ 2:46

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.

Ətefɨ̂aʼ 3:3

Kèngɛchi nə kɨ̂yn ə fe kə Pità yî Njɔyn njiə ndûə ə ndɛ̂ Fèzhə̀ sè ndɔnə èkɛ sê ghənə.

Ətefɨ̂aʼ 3:4

Ghənə ə naynə̂ ndùə vəyn kè ekyàʼ, Pità ə pìə sê vəyn nə, “Nayne pə̀yn ghàs nyî.”

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Ətefɨ̂aʼ 5:25

Ke nyî, wùə ə njiə pə̂ ə pîə sê ghənə nə, “Ghɨ ghɛ ə ghàyn a fâ ə ndɛ̂ chaʼ za nyi ə ndɛ̂ ètsə̀mə, zaʼlə̂ ə̀ghɨ fu.”

Ətefɨ̂aʼ 8:14

Ə pə̀ kə ghɨətom ə Njisə̀sghè ə Njèlusalɛ̀m zɨə nə ghɨ Sàmalyà ghə pomə tom ə̀ Fèzhə̀, ghənə ə tomə Pità yî Njɔyn sê ghənə.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.