Ətefɨ̂aʼ 27:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Pîza kə ghàs ndùə, ngwùʼ èghaʼâ kwəynə ə̀təyn ə ndùə pfɨ̂nə̀ etûə àtuŋ ashəshə kyîke etyə̂ m̀mò, shi ə ngwùʼke ə tsuʼə faŋə ə chi, ə tàʼa fɨnə ndù, tsò e nyiŋə pə kyìnə̀ èpam ə ngwùʼ èghaʼâ kwəynə ətəyn sə atyaʼ, sə atyaʼ, ze ə zhə̀tə̀ se sàʼtè.

Ətefɨ̂aʼ 27:41 ပူးပေါင်းရင်းမြစ်များ

Ətefɨ̂aʼ 27:17

Ə shìnə̀ ndzɨsə zə̂yn za ə fɛte kolə ngwùʼ èghaʼâ è kwɨ̀lse. Ghɨ ghɛ ə ghe tè kwâŋə ngwùʼ ə̀təyn e sè fânə̀ kə nə è kàʼa ə è ndu pfɨyn àtuŋ ashəshə ə etipì ə tso endaʼ ə Lipyàzè, ə fàfə tsosə̂ àpâŋ ə sendzɨs kɛ ə tè nyi mə ə kɔʼsê etûə ngwùʼ èghaʼâ kwəynə se nə̀yn nə kə ngwùʼ nə kwi sə ŋaŋ, ə zà nə ə chiynə kə àfof.

Ətefɨ̂aʼ 27:30

Ghɨə ghɛ ə ghənə tè shìnə ngwùʼ èghaʼâ kwəynə ə̀təyn e kyiŋə se tə ndò. Ghənə ə tsosə̂ ngwùʼ èghaʼâ zɛ ə tsô, kaŋkaŋə̂ nə̂ nə ndûə se tsosê afɨa kɛ ə ke kyiə ngwùʼ èghaʼâ kwəynə ashi ə ngwùʼke.

Ətefɨ̂aʼ 27:40

Ghənə ə təynte sèkwɨ̀l sə efɨa etɨlə vɛ ə ve tè kyi ngwùʼ èghaʼâ kwəynə, ə maʼà ndzɨsə̂ enjwì ə fengwaŋve. Kèpî fumə ashìŋə̀, ghənə ə zhə̀tə̀ sèkwɨ̀l ə tə èpɨ̂aŋ ə ngwùʼ vɛ ə nə̂ chisə̂ ngwùʼ ətəyn nə è ndu elùʼ vɛ ə kyiŋə. Ghənə ə zhə̀nə̀ èkɔyn ə sendzɨs eghaʼâvè ashi ə ngwùʼke ekwùtwəyn kə fofke nji chiyn ndo ndu è ngwùʼ ə̀təyn əshi sə atyaʼ. Ə̀ nyì fumə ə ghàs tè zhə̀te se ndù etipì ə tsô.

Ətefɨ̂aʼ 27:42

Sokə̀ʼ sɛ ə fe zâ sè pɨaʼtə se zhwitə əghɨ ndɛ̂ chaʼ ghɛ nâʼà ə̀kɨ̂m se nə̀yn nə kə nâʼà vîvè nə tàʼa samə ndù etipì ə tsò se tə ndò.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.