Ətefɨ̂aʼ 27:23 - Ŋwàʼlè ə̀ Fèzhə̀ Mkâyn Mə̂ Fèm

²³ M piə nyi kûmə̀ nə ə̀ va nyi ètuʼve ndâyn, tsì ə̀ Fèzhə̀ Fɛ ə Fe kyi mi, m ngɨmnə̂ Fəynfe ə vâ pə̀yn sê mi.

Ətefɨ̂aʼ 27:23 ပူးပေါင်းရင်းမြစ်များ

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Ətefɨ̂aʼ 12:23

Kè sə ashìŋə̀ tsì ə̀ Pɛ̂pɛ ə tɨmə ezaf ə Ɛlɔ̀t ewìyn kûmə̀ nə è tè fo va kɔʼsêzè sê Zhə̀fè. Ghɔ̂ŋghɔ̀ŋɔtə vəyn te ndwɔ̀tè ə kwɨlə vəyn ə və fètəyn è və kwuə.

Ətefɨ̂aʼ 16:17

È ve chûmtə̀ Pɔ̂l è ghàs, pɨa pîə nə, “Ghɨ ghɨ̀nə nyi ə ghɨə fɨaʼa Fezhə̀ fɛ ə Fe ngaŋtə kwəynə. Ghənə ndaʼà se ghàyn ndom vɛ ə Zhə̀fè kàʼa ə fe sɔza ghàyn ətəyn.”

Ətefɨ̂aʼ 18:9

Ə tè nyi ètuʼve tuʼ fîfe, Pɔ̂l ə fe ə̀ghɛ ətelaynəlayn, Pɛ̂pɛ ə pìə sê vəyn nə, “Kə ò fayn ghɨ ghɨ̀yn, ò wâmnə̀ kə ndò sê ghənə,

Ətefɨ̂aʼ 23:11

Tuʼfe komtəfe ètuʼve, Pɛ̂pɛ ə tyəmə̂ ə Pɔ̂l ə ngwùŋ ə pìə nə, “Kə ò fayn! Kə ò nyi mə o wàmnè kûmə̀ Mi ə Njèlusalɛ̀m.”

Ətefɨ̂aʼ 5:19

Pîza ə nə̀ nə̂ etuʼve, tsì ə̀ Pɛ̂pɛ ə pə̀ ə chɔʼɔ ècho ndɛ ə̀ chaʼ ətəyn, ə njìə fɨə è ghənə, ə pìə se ghənə nə,

Ətefɨ̂aʼ 8:26

Tuʼ fîfi, tsì ə̀ Pɛ̂pɛ ə pìə sê Filìp nə, “Pɨaʼte ngɨŋ zɛ̂zè ə ndò tso nduə endom vɛ ə ve ndô pə̂yn ə Njèlusalɛ̀m, tsɛ̂ tso ndûə ə Ngazà.” Ə nyi endom mə ə kɛsə̂ tsɛ va ətəyn.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

Ŋwàʼlè ə̀ Pɔ̂l sê ghɨə Lûmghè 6:22

Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.

1 Kɔlìŋ 6:20

Zhə̀fè se nyi mə Fə zhɔyn ghàyn ə ndàʼà. Ghàyn nji wiyn vaynve ə ghàyn ə kɔʼsə̂ Fèzhə̀ ətəyn nə̂ ə̀ghɛ ətəyn, ghe fo èpomsê sê Zhə̀fè.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.

2 Timotì 2:24

Ò ke nə wuə èfɨ̀aʼa ə̀ Fèzhə̀ kyi va sə̂ zɔ̂. È kyi sə̂ pɔynə̂ nâʼàpî se ndè fɨnə fɛtə zaʼlə ə̀ghɨ kè nâʼà àchûŋ, kyi èwəynsê,

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Etyə̂yn ə paynsêzè 22:16

“Mi Njisə̀s ə tom tsì zɨ̂mzè nə è ndaʼa ghɛ ghɨ̀nə sê ndɛ sə Fezhə̀sè. M nyi wùə ètɔ̀ŋ ə ndɛ ə Ndàfîtzè, nyi fèlî fe panə fə pɨ̂sə̀ pɨ̂sə̀fè.”