Ətefɨ̂aʼ 27:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.

Ətefɨ̂aʼ 27:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 8:22

Ə tè nyi tuʼfîfe, Njisə̀s ə njiə ə ngwùʼ èghaʼâ yî chùmtè èpàm sə vəynse ə piə sê ghənə nə, “Ə ghâsènì tyaŋ ndu engyinə̂ enjwì vîə.” Ghənə ndò sè ndùə.

Ətefɨ̂aʼ 16:17

È ve chûmtə̀ Pɔ̂l è ghàs, pɨa pîə nə, “Ghɨ ghɨ̀nə nyi ə ghɨə fɨaʼa Fezhə̀ fɛ ə Fe ngaŋtə kwəynə. Ghənə ndaʼà se ghàyn ndom vɛ ə Zhə̀fè kàʼa ə fe sɔza ghàyn ətəyn.”

Ətefɨ̂aʼ 17:1

Pɔ̂l yî Silàs ə tə kwiə tɔynə̂ endaʼ ə Àmfipolìszè è Àpòlònyà ə pə̀ zaʼâ endaʼ ə Tèsàlonikàzè, elùʼ vɛ ə ndɛ àtsɨ̂ynte ə̀ghɨ ə Njûsə̀ tè nyi.

Ətefɨ̂aʼ 19:19

Tsɨ̀tsɨ̂ ə̀ghɨ ghɛ ə ghe tè kwîə nə̂ ə̀ghɛ ə fɨyntəghe ə fɨə pə̂ è ŋwàʼlè sɛ ə ghənə tè tɔŋɔ ghɛ ə fɨyntəghe ətəyn ə nyɔ̀ʼɔ ə ghɨghe əshi. Ŋwàʼlè nə sɛ tè tɛ èkɛve nâʼà sə ŋaŋ.

Ətefɨ̂aʼ 19:29

Pɨaytê nə zɨ̂nə̀ ə waŋa kə tə̀ʼ ekɨ̂m. Nɔ̂yn ətəynke ə shɨŋə kyîə Ngayùs yî Àlistakùs, ə̀ nyi ə̀ghɨ Màsèndonyà ghə pɛ̀ ghɛ ə tè kwìə tsɛ̂ yî ghə̀ Pɔ̂l, ə ndùə è ghənə sê tsɨynte ə tə̀ʼke.

Ətefɨ̂aʼ 2:9

Ghâsènì nyì fâyn, yîghe nyi mə ghe fɨ pə̂yn ə tèndâʼà tə Patyàtè, è Mendyà è Elàm; yîghe ghɛ ə ghe fɨ pə̂yn ə tèndâʼà tə Mèsòpòtemyàtè, è Njòndyâ, è Kàpàndoshyà; yîghe ghɛ ə ghe fɨ pə̂yn ə Pontùs è Esiyà,

Ətefɨ̂aʼ 21:5

Ə pə̀ kə shîŋə̀ ə ghasè ghənə̂kè mì, ghàs ə ndò ə ndùə èshike. Nâʼà ghənə əkɨ̂m paʼsə kə è zhwiə ghənə̂ghè è ghɔynghe ə fɨə ndûə endaʼ ə tiynsə̂ ghàs etipìə tsò, ghàs ə tɨmə ə̀ ndzɨs fumə ə tsə̀mə̀.

Ətefɨ̂aʼ 28:10

Ghɨ endaʼ nə ghɛ ə màʼtə̀ ghàs èfɨave ve tsɨ̂ə kə nyî. Ə pə̀ kə ghàs kyiŋə se ndò, ghənə ə ndə̀mə̀ efɨa èkɨ̂m vɛ ə ghàs tè kyiŋə ə ngwùʼ èghaʼâ kwəynə, kə ghàs ndùə kwîə ətəynze.

Ətefɨ̂aʼ 28:12

Ghàs ə kwìə ə pə̀ fɨə endaʼ ə Silakùszè. Ghàs tè ndamtə̂ fumə sə mtuʼ mta.

Ətefɨ̂aʼ 28:16

Ə tè nyi kə ghàs pə̀yn tâyn endaʼ ə Lûmzè, ə zà Pɔ̂l nə è və ndamə kə nâʼà sə və ngɨŋ ə fo sokə̀ʼ nə è və tsɨ̂ŋnə̀ vəyn.

Ətefɨ̂aʼ 28:2

Ghɨ endaʼ ətəyn ghɛ ə ghàs tè kote ə tsâmtə̀ ghàs. Gholze ə zhə̀tə̀ se tso, fofke e kwɨlə ghàs, nyiəmə, ghənə ə fɛtə̂ èwus nə ghàs zɨte, nə̀ pə̀yn achûŋ sê ghàs.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

Filemùyn 1:24

Ghɨ ghɨnə tomə kəpi ètɔŋtê sê ghò. Ə̀ nyi Mâk è Àlistakùs è Ndemàs è Lûk. Ə̀ nyi əghɨ ghɛ ə m fɨaʼà ghasè ghənə sə̂ ndaʼà tom èchùŋ.