Ətefɨ̂aʼ 27:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Fof nə kɛ ə faŋa tsɛ kə ndò sə atyaʼ sə atyaʼ. Kə tuʼve zo, ghənə ə komtə̂ fɨsə èfɨa əmɔ̀ʼɔ vɛ ə ve tè nyi ə ngwùʼ èghaʼâ kwəynə, maʼà tsosə̂ ə tsô.

Ətefɨ̂aʼ 27:18 ပူးပေါင်းရင်းမြစ်များ

Matyò 16:26

Wùə kàʼa è kyi mâʼte èkwə̀ ezhoghɛ è kyi ghaʼze ekɨ̂m ə mbi pîza ə njìsə̀ ngɨŋə̂ vəyn ə? Mə wùə kàʼa è fo nâʼà ghè se kɛsə̂ kyiə endam ə vəynze ə?

Tom èchùŋ kè kə Lûk tè nyaʼ 12:23

Kûmə̀ nə ndam ə wùəe tsɛ̂ ndò fɨazhiəve, wiyn ə wûəvè e tsɛ̂ sendzɨs.

Tom èchùŋ kè kə Lûk tè nyaʼ 16:8

Pɛ̀ èfɨ̀aʼ ə fe eghɛ zɛ ə wùfɨ̀aʼ è wamə nə vɛ nə̀yn ə tsìtə̀ endom etɔf vɛ ə è fè fɛte ghɛ vəynze ətəyn.” Njisə̀s ə wàmnə̀ za, ə ke pi nə, “Ghɨə mbiə nə̂ tɔfə ə tendom tɛ ə ghənə fɛtə̂ ghɛ ə ghənə ətəyn tsɛ̂ ə̀ghɔyn epanə.

Ətefɨ̂aʼ 27:19

Tuʼve ə pîə ve fɨnə zo ndò etuʼ ekomtəve, ghənə e sè chɔʼtə̂ èfɨa ə ngwùʼ èghaʼâ kwəynə maʼà ə tsosə̂ ə tsô. Ə̀ tè lote mâʼlè tsose ke nâʼà ghənə è fɨa ətəynve sə ghənə ngɨŋ.

Ətefɨ̂aʼ 27:38

Ə tè nyi kə nâʼà pîndè zhi kwəyn kə è kyiŋə, ghənə ə fɨsə sèsɔ̀f sɛ ə se tè nyi ə ngwùʼ èghaʼâ kwəynə ə màʼà enjwì ə fengwaŋve kə ngwùʼ zaŋse.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.