Ətefɨ̂aʼ 27:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ə shìnə̀ ndzɨsə zə̂yn za ə fɛte kolə ngwùʼ èghaʼâ è kwɨ̀lse. Ghɨ ghɛ ə ghe tè kwâŋə ngwùʼ ə̀təyn e sè fânə̀ kə nə è kàʼa ə è ndu pfɨyn àtuŋ ashəshə ə etipì ə tso endaʼ ə Lipyàzè, ə fàfə tsosə̂ àpâŋ ə sendzɨs kɛ ə tè nyi mə ə kɔʼsê etûə ngwùʼ èghaʼâ kwəynə se nə̀yn nə kə ngwùʼ nə kwi sə ŋaŋ, ə zà nə ə chiynə kə àfof.

Ətefɨ̂aʼ 27:17 ပူးပေါင်းရင်းမြစ်များ

Ətefɨ̂aʼ 27:29

Ghənə ə zhə̀tə̀ se fayn nə ngwùʼ èghaʼâ kwəynə nə̀ nduə tsɔsə̀ enyɔyn, ə njìə efɨa etɨleve ekwàʼ mə ə kolə ətə sèkwɨl ə maʼà ndzɨsə tsosə epàmə ngwùʼ èghaʼâ kwəynə ve ə kyîə tyəmsə ngwùʼ ətəyn, ghənə ə nyaʼâ se tsə̀m nə tuʼve zaŋse zo.

Ətefɨ̂aʼ 27:41

Pîza kə ghàs ndùə, ngwùʼ èghaʼâ kwəynə ə̀təyn ə ndùə pfɨ̂nə̀ etûə àtuŋ ashəshə kyîke etyə̂ m̀mò, shi ə ngwùʼke ə tsuʼə faŋə ə chi, ə tàʼa fɨnə ndù, tsò e nyiŋə pə kyìnə̀ èpam ə ngwùʼ èghaʼâ kwəynə ətəyn sə atyaʼ, sə atyaʼ, ze ə zhə̀tə̀ se sàʼtè.

Ətefɨ̂aʼ 27:26

Fofke kyi se tə chiynə fɨsə ghâsènì se ndə̀m etipì ə tsô endaʼ zhîze mə ə̀ kyìŋ nga ke m̀mo.”

Ətefɨ̂aʼ 27:16

Ghàs ə pàmtə̀ tsɛ̂ apàs etyə̀ke ə fendaʼlə̀ fîfe əfètəyn ə tsò, mə tɔŋtə nə Kondà, ə kyîə àzhəm se tsɛ̀ elùʼ vɛ ə fofke tè ngəsə va. Famə ghàs ə mɔ̀msə̀ nâʼà è tyaʼke se fɛtê ə ngwùʼ èghaʼâ zɛ ə tè shìnə pə̀ epàm nə kə è saʼte. Zɨnə mə tè pɔynə̂ va sè ghàs.

Ətefɨ̂aʼ 27:40

Ghənə ə təynte sèkwɨ̀l sə efɨa etɨlə vɛ ə ve tè kyi ngwùʼ èghaʼâ kwəynə, ə maʼà ndzɨsə̂ enjwì ə fengwaŋve. Kèpî fumə ashìŋə̀, ghənə ə zhə̀tə̀ sèkwɨ̀l ə tə èpɨ̂aŋ ə ngwùʼ vɛ ə nə̂ chisə̂ ngwùʼ ətəyn nə è ndu elùʼ vɛ ə kyiŋə. Ghənə ə zhə̀nə̀ èkɔyn ə sendzɨs eghaʼâvè ashi ə ngwùʼke ekwùtwəyn kə fofke nji chiyn ndo ndu è ngwùʼ ə̀təyn əshi sə atyaʼ. Ə̀ nyì fumə ə ghàs tè zhə̀te se ndù etipì ə tsô.