Ətefɨ̂aʼ 27:12 - Ŋwàʼlè ə̀ Fèzhə̀ Mkâyn Mə̂ Fèm

¹² Luʼ vɛ ə ngwùʼ èghaʼâ kwəynə tè tyə̂m ətəyn tè vachi eluʼ echûŋvè se ndam ətəyn, kûmə̀ nə fofke tè nyîə nyi tsɛ̂sè. Ghɨ tsɨəghe e kɔ̂ŋɔ̀ nə ə ndùə kə shi əfètəyn ènjwì ə fengwaŋve, kə ndû tayn ə Fonìs ə tyəmte fu. Fonìs tè nyi eluʼ vɛ ə ngwùʼse ghaʼa kwəynəse tè ndùə tyəmə ətəyn apàs endaʼ ə Klitkè, ve kyaʼà kɔʼsə̂, kyaʼà tsosə̂. Ə nyì fumə kə ghənə tè nyi se zaʼâ kə shîŋə̀ kɛ ə fofke tè nyì tsɛsè ətəyn mi.

Ətefɨ̂aʼ 27:12 ပူးပေါင်းရင်းမြစ်များ

Ətefɨ̂aʼ 2:11

Əfètə̂ ghɨ̀ nə ghɨ̂yn, ghəmɔ̀ʼɔ nyi əghɨ ə Njûsə̀, ghə mɔ̀ʼɔ ghe nyi ə̀ghɨ atumə mə ghe chûmtə̀ èpomə̂ əghɨ̀ ə Njûsə̀. Ghâsènì ghə mɔ̀ʼɔ fɨ pə̂yn endaʼ ə Klitzè, è kɨsè Àlepyà. Pîza ghâsènì əkɨ̂m e zɨə, ghənə e wàmnə̀ kə tèwâmnè tə tendaʼ tə ghasènìte, pîə ə̀ghɛ kayntə ghɛ ə Zhə̀fè nə̀yn

Ətefɨ̂aʼ 27:13

Foffə̀ fe pɔfe ə nyaʼâ se tsɛ̀ mə fe ndo kɔʼ pə̂yn apàs etyə̀ke. Ghɨ ətəynghe ə fe za ə njiə kə nə kwâʼtè ə ghənə̂zè kàʼa ə ze kwəyn. Ghənə ə shìnə̀ kɔʼsə̂ afɨa kɛ ə ke kyiə tyəmsə ngwùʼ luʼve mɔ̀ʼ, ə pàmtə̀ tsɛ etipì ə tso apàs endaʼ ə Klitkè.

Ətefɨ̂aʼ 27:21

Ə nə̀ nə̂ ə̀ nyi epàm kə ghɨ ətəynghe fɨ̂aʼ nâʼà sə aghaf ndɔ̀ʼɔ ghənə zhi fɨake, Pɔ̂l ə ndwìə tyəmə̂ ə ghənə əshi ə pìə nə, “Ghɔnyì ghɨmə, ə fə nyi nə ghàyn zɨ ghɛ zɛ ə m pî, ə ghâsènì tàʼa ndò se ndù ə Klît mə ghâsènì pâʼà pofse fɨave ə tàʼa kyi ekyì ə anjìsè kɨ̂nə̀.

Ətefɨ̂aʼ 27:7

Se ndò famə, ngwùʼ èghaʼâ kwəynə ə kwìə kə è ghàs sechə sechə sə mtuʼ me tsɨ̀əmè tsɔ̀fə kə ghàs ndu fɨ ə tɔ̂ŋ ə Sìnindùs. Kə fo ə tɛke tè tsɛ endomve ə ghàs əshi, ghàs ə tàʼa ndù eshike. Nyiəmə ghàs ə pàmtə̀ tsɛ̂ kə etipì ə tso ndûə endomve elùʼ vɛ ə fofke tè tsɛ̂ va sə ŋaŋ. Ghàs ə tsɛ̀ tɔynə̂ èndomve ə Kɛ̀p Saymòn ə ndùə fɨ apàs endaʼ ə Klîtkè mə ə kyìŋ nga ke m̀mo.

Ətefɨ̂aʼ 27:8

Ghàs tè kwiə kə ə tetitepìte tsɛ̂ tɔynə̂ əghɛ tɛ, ə kwìə ə pə̀ tânə̀ elùʼ e tɔŋtə nə, “Sɛf Ambòs.” Luʼ nə vɨnə mə tè va sə tyà sê tɔ̂ŋ ə̀ Lasiyà.

Taytùs 1:12

Wùə ə̀ ghənə̂ vîvè ə Klìlît mə nyi wùə èghaʼâ ə ŋwàʼlè ə tə pì ghɛ kûmə̀ ghənə nə, “Ghɨ Klìlit ghəkɨ̂m nyi əghɨ akaŋghe, ndamə kə kə senyam sə mbvɨynse pise, zɔlə̂, zhiə tsɛ̂sə̀.”

Taytùs 1:5

M tè zà ghô ə klìlit nə ò chise ghɛ ghɛ ə ghe tè nduə va achûŋ fumə, ə ò chɔʼte kepî sèchəʼ ə se ndɛ̂ sə Fezhə̀sè nâʼà pi ə tɔ̂ŋ èkè, kè endom vɛ ə m tè pì sê ghò.