Ətefɨ̂aʼ 26:3 - Ŋwàʼlè ə̀ Fèzhə̀ Mkâyn Mə̂ Fèm

³ M pîə nyiəmə kûmə̀ nə ò nyîə fɛte ke tèndom tɛ ə ghɨ Njûsə̀ ndamə ətəyn tèkɨ̂m, è ndom tɛ ə sâʼnêtè pə̀ ətəyn. M chyatə̂ ndò ghò nə ò kyi zoynsê ewìynze se zɨtê eghɛ zɛ kə m pi.

Ətefɨ̂aʼ 26:3 ပူးပေါင်းရင်းမြစ်များ

Ətefɨ̂aʼ 21:21

Ə tsàyn sê ghənə nə ò zaʼlə̂ ə̀ghɨ Njûs ghɛ ə ghənə ndamə ə tendaʼ tə atumte nə kə ghənə ə ndə̂mə̀ tèsaʼ tɛ ə Mosîs tè pə̀yn è təynte, fɨnə tsâ kəpî nə ò piə nə kə ghənə ə se ə̀nam ə ghɔyn ə ghənə̂ghè, pî se ndam kə saʼ ə Njûszè tyə̀nə̀.

Ətefɨ̂aʼ 24:10

Tu apàs endaʼ nə kɛ ə fo èndom nə Pɔ̂l wamne, è və pìə nə, “M ke ndo nə ò saʼ ndaʼ zɨ̂nə̀ zôyn sə sepìŋ setsɨəse, m nyîə saŋnə̂ kə m tyəm əghò shi zôyn se wàmnè se tsàmtè ə ngɨŋ zɨ̂mè.

Ətefɨ̂aʼ 24:4

Endom se tàʼa tsɛ̀sè ashîŋə̀ kɛ ke, pîza m chyatə̂ ghò nə o kyi wəynsê ewìynze se zɨtê eghɛ zɛ ə ghàs kyiŋə se taŋə kɔʼɔ pə̀yn.

Ətefɨ̂aʼ 25:26

Pîza mə tàʼa kyîə pì atu eghɛke amɔ̀ʼ se nyàʼ se Kaysà kûmə̀ vəyn. Ə̀ za nyi eghɛ zɛ m pə̂yn è vəyn ə ghà shi ə̀kɨ̂m, paynpayn sê ghò ə Fɔ̀yn Àngɨ̀lipà kə m nə̂ nəyn m mə kyi èghɛ se nyàʼ ezhoghɛ ə ghâsènì fɛte zɨte kɔ̂ʼ pə̂yn ghɛ ghɛ ə è pì.

Ətefɨ̂aʼ 26:2

Ə pìə nə, “Fɔ̀yn Àngɨ̀lipà ə̀ nyi atu ə chûŋà sê mi sə̂ wàmnə̀ ə ghò əshi ndàyn se wàmnè se tsàmtè ə ngɨŋ zɨ̂mè, əghɛ ə̀kɨ̂m ghɛ ə ghɨə Njûs ghɨnə pì nə m nəyn pofsê ndò.

Ətefɨ̂aʼ 26:26

Fɔ̀yn Angɨlipà m kaʼa m wamne sê ghò è təm tɛ ghəkɨ̂m kûmə̀ nə ò nyiə ke ə̀ghɛ ghɨ̀yn. M nyiə ke nə o fɛtê ndəm ghəynghe ə ghò ekwâʼtè kûmə̀ nə ghɛ ghɨ̀nə tè paʼà kyàyn chi andə̀.

Ətefɨ̂aʼ 26:7

Ə zɨnə nyi etsɨnè zɛ ə tâŋ tə ghasènìte eghɨm njòse pɛ̀ kwâʼtə̀ se tə kyî kə ghənə tè ngɨmnə Zhə̀fè èchwì è kɨsè etuʼve. Ə̀ nyi kûmə̀ èkwaʼtè elɨmtə zɨ̀nə̀ ə fɔ̀yn Àngɨ̀lipà, ə ghɨə Njûsə̀ ndə̀m ghɛghə mìə tu.

Ətefɨ̂aʼ 28:17

Tuʼmè ə tsɛ̀ m̀ta, Pɔ̂l ə tɔŋɔ̂ àtsɨ̂ynte yighə̀ tu ə ghɨ̀ ə Njûs vɛ ə ve tè nyi ə Lûm. Kə ghənə ə pə̂yn, Pɔ̂l ə pìə sê ghənə nə, “Ghɔnyì ghɨm ghə Isìlâyghè, m tè paʼà nə̀yn pi zhîzè se ghɨ ghɨ̀nə̀, ə tàʼa nə pofsê eghɛ zhîze kûmə̀ ètsɨsə̂ endaʼ zɛ ə pɨ̀a ə ghâsènì ghəshiə tè zà sè ghâsènì. Pîza kə ghɨ ə ghasènìghe tè ko mi Njèlusalɛ̀m ə fo mi sê tu ə ghɨ̀ ə Lûmvè. Nyiəmə, ze tyə̂nə̀ nə m zo fa nyi kə wùə ndɛ ə̀chaʼ.

Ətefɨ̂aʼ 6:14

Ghàs ə tə zɨ kə è pìə nə Njisə̀s ə̀ Nazalɛ̀t nə vɨ̂yn tə pɨ̂sə̀ ndɛ̂ ètsə̀mə, ə È fɨyn kwiynê endam zɛ ə Mosîs tè zaʼle ghâsènì ətəyn.”

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.