Ətefɨ̂aʼ 26:22 - Ŋwàʼlè ə̀ Fèzhə̀ Mkâyn Mə̂ Fèm

²² Pîza Zhə̀fè ə tsâmtə̀ mi se kɔʼɔ zaʼâ ndàyn, m tyəm fâyn tsâ èghɛ zɛ ə m tè fe mə ze nyi səmɔʼ. Kɨ̀sə ə̀ nyi əghɨ eshɨ̀ŋə̀ kɨ̀sə ə̀ va əghɨ eshɨ̀ŋghè. Ghɛ zɛ m pîə nyì kepî èghɨ kə fɨ̀aʼtèsè è Mosîs tè pi nə ze tə kyanə̀.

Ətefɨ̂aʼ 26:22 ပူးပေါင်းရင်းမြစ်များ

Matyò 26:24

Vâ wùə nə̀ kwuə kè eghɨ kə nyi mə ə nyàʼ ə ŋwàʼlè ə̀ Fèzhə̀ pîza ngəʼ èghaʼâ nyì sê wùə vɛ ə è nə̀ pəʼlə Vâ wùə! E fe tsɔ̀fə nə ə nyi mə tè paʼà piə wùə ə̀təyn.”

Tom èchùŋ kè kə Lûk tè nyaʼ 16:28

ə è ndù təfte ə̀ ghɔnyì ghɨmə kûmə̀ eghɛ zɨ̂yn, kə ghənə tə pɔŋɔ nji ə ngəʼ nə̂ zɨ̂yn. Ghənə pa nyi etwɔ, ə̀ tayn.’

Tom èchùŋ kè kə Lûk tè nyaʼ 24:27

È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Tom èchùŋ kè kə Lûk tè nyaʼ 24:46

ə fɨnə pîə sê ghənə nə, “Ə tè nyàʼ nə, Klâys kyi se fe ngəʼ nə ə nyi mtuʼ mta, e zomə e kwu,

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 1:45

Filìp ə fe Nàtanyèl ə pìə sê vəyn nə, “Ghàs ə fe wùə vɛ Mosîs tè nyaʼ kûmə̀ vəyn ə ŋwàʼlè àlâŋ nə, ə̀ nyi kepî vɛ ə fɨ̀aʼtèsè tè nyaʼ kûmə̀ vəyn. È nyi Njisə̀s vɛ ə è ndò pə̂yn endaʼ ə Nazalɛ̀tzè, mə nyi vâ Njosɛ̀f.”

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Njɔyn 5:46

Ə ghàyn tè pomə sê Mosîs mə ghàyn ə pomə sê Mi kûmə̀ nə è və tə nyàʼ kûmə̀ Mi.

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Ətefɨ̂aʼ 13:29

Ə pə̀ kə ghənə nə̀yn mɨ̂sè nâʼà ghɛ əkɨ̂m ghɛ ə tè nyàʼ ə Ŋwàʼlè ə̀ Fèzhə̀ kûmə̀ vəyn, chùmtè èpàm sə vəyn shîse ə tsosə̂ èpfɨyn ə vəyn ə awâmnè ə ndùə nyɨŋsə̀ əfètəyn èshyə̀ eghaʼâzè.

Ətefɨ̂aʼ 24:14

Pîza m pomə̂ ndò nə m nyîə ngɨmnə̂ Fèzhə̀ fə ghə̀pɨ̀a əshi fasfe, chumtə̀ èndom nə vɨnə mə, ghənə e pîə nə ə̀ nyi endom akaŋve. Pîza m pomə̂ kəpi ndò nâʼà pi èghɛ èkè zɛ ə nyi mə ə nyàʼ ə Mosîs alàŋ è ŋwàʼlè sə se fɨ̀aʼtèsè.

Ətefɨ̂aʼ 26:17

M tə sɔ̂zâ ghò əgho ə ghɨə Isìlâyghè ə m fɨyn sɔza gho əgho ghɨ̀ ghɛ ə̀ vachi ə̀ghɨ ə Njûs ghɛ ə m tomə ghò sê ghənə.

Ətefɨ̂aʼ 26:6

Zôyn m sè tyəm fayn nə ə saʼ mi kûmə̀ èkwaʼtè elɨmtə zɛ m kyi sê tsɨnè zɛ ə Zhə̀fè tè tsɨ̀ne sê pɨ̀a ə ghâsènì ghəshiə

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ŋwàʼlè ə̀ Pɔ̂l sê ghɨə Lûmghè 3:21

Pîza, zôyn Zhə̀fè nyi mə Fə tyə̀yn ndom vɛ ə ghɨ kaʼa nyi chichi ə vəyn əshi. Ndom nə vɛ mə kiva ghɛ zhîze se nə̀yn è lâŋ ə Mosîskè. Lwɔ̂ŋ nə vɛ mə è fɨ̀aʼtèsè ə tə pì ghɛze kûmə̀ èndom nə vɛ mə sə shi.

1 Kɔlìŋ 15:3

M tsɛsə̀ fo pə̂ se ghàyn ghɛ zɛ ə tè fo sê mi, mə ə̀ lote nyi kàyntè èghɛ, mə ze nyi nə Klâys tè kwu kûmə̀ sèpi sə ghasènìse kè kə nyi mə ə nyàʼ ə ŋwàʼlè ə̀ Fə̀zhə̀ nə,

1 Kɔlìŋ 15:4

ə tə pfɨ̀mə̀ Vəyn, È və kɛsə̂ zômə̀ epàmə m̀tuʼ mta kè kə ə nyi mə ə nyàʼ ə ŋwàʼlè ə̀ Fèzhə̀ nə,

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.

Etyə̂yn ə paynsêzè 11:18

Ghɨə Nglêkghè nyîə zafsə̂ ètɔŋ nâʼà sə ŋaŋ kûmə̀ nə shîŋə̀ kɛke ezafsə nə etɔŋke ə kwəyn, ashîŋə̀ kə saʼ ghɨ kwughe. Shîŋə̀kè ə kwəyn kə ò maʼte ghɨə ə fɨaʼa ghɛghe mə za nyi sèfɨ̀aʼtè sɛse, è ghɨ ghɛ ghe ə̀kɨ̂m ə ghe ngɨmnə zə zɛze, ə ghe ghaʼlə̂, è ghe tətə̂ghè. Shîŋə̀kè ə kwəyn kə ə pofse ghɨ ghɛ ə ghe pofsə mbi.”

Etyə̂yn ə paynsêzè 15:3

zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!

Etyə̂yn ə paynsêzè 20:12

Mə fɨnə fe əghɨ mə ə tə kwutê, yîghe nyi əghɨ ə ghaʼlə̂ghè, yîghe nyi əghɨ ə tətə̂ghè, ghənə e tyəm fu ashi fekyə̀ fə efɔ̀ynfè. Ə ŋaʼsə̂ se ŋwàʼlè ə fɨnə ŋaʼsə̂ ŋwàʼlè zhîzè, ə nyi ŋwàʼlè ə̀ghɨ ə ndaməghe, e sè naynə̂ sè ŋwàʼlè sətəynse, saʼa kə ghənə əghɛ ghɛ ə ghənə tè nə̂ kè kə tè nyàʼ fumə ə seŋwàʼlè.