Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ətefɨ̂aʼ 26:18 - Ŋwàʼlè ə̀ Fèzhə̀ Mkâyn Mə̂ Fèm

18 Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

အခန်းကိုကြည့်ပါ။ ကော်ပီ




Ətefɨ̂aʼ 26:18
90 ပူးပေါင်းရင်းမြစ်များ  

Njisə̀s ə pə̀ynsə̀ nə, “Kɛse ə mi epàm ə Satàyn. Ŋwàʼlè ə̀ Fèzhə̀ pi nə, ‹Ngɨmne Pɛ̂pɛ Zhə̀ fɛfe ə fɨaʼà kə sê Fəynfe.›”


Ghɨ ghɛ ə ghe ndamə alɨm ə fe payn eghaʼazè; Ghɨ ghɛ ə ghe nyi ke echo èkwu ə kyî sɔzaze.”


fo ètɔf nə ghɨ və sɔse, chwîtə̂ sê ghənə nə ə lɛ̀sè fo pise ə ghənə̂sè.


È kyiŋə se nə fo epayn sê ghɨ ghɛ ə ghe tsɨs ə fɨtə̂ àlɨm, nyɨ̂ŋsè ekwuke e paʼsə̂ sê ghənə, se fɨnə tyəyn endom epɔynəve sê ghâsènì.”


Sɔ̂sè nə zɨnə mə tə nə ə ze ə nyi epayn zɛ e tyə̂nə̀ paynsə̂ ndôm vɛve sê ghɨ ghɛ ə̀ va əghɨ ə Njûsghè, fo èpomsê sê ghɨə Isìlâyghè, əghɨ ghɛ.”


È və wàmne za e paynsə̂ mɨ̂sè etu ghənə kə ghənə zɨ ke əghɛ ghɛ ə ghe nyi ə Ŋwàʼlè Fèzhə̀,


ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.


“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,


Nə̀yn nə ghənə zo kwəynə̂ tɔynə̂ səmɔʼ Zɛ̂zè. Kyə̀ Zɛze nyi səmɔʼ.


Ə̀ nyi nyiə kə Zhə̀fè tə tsɛsə̀ saʼa Vəynze: paynze ə nji ə mbi, pîza ghɨghe kɔ̂ŋɔ̀ kə àlɨm tsɨ̂ətsɛ̂ kə kɔ̂ŋə̀ paynze kûmə̀ sèpi sə ghənə̂sè.


Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”


Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”


Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”


Njisə̀s ə ke pì sê vəyn nə, “M pəyn fâ mbi se saʼ əghɨ, se nə̀yn nə ghɨ ghɛ fe va ə fe, ə ghɛ ə ghe fe, ə ghe fof.”


Kè kə M nyi ə mbi, M nyi epayn sê mbi.”


Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”


Ghɛ zɛ ə Zhə̀fè tè tsayn nə Zhi tə nə̂, ‹Mə nə̀yn nə o nyi èpayn sê ghɨ ghɛ ə̀ vachi ə̀ghɨ ə Njûsghè, kə nâʼà ə̀ghɨ ə̀kɨ̂m ə mbi fi sɔzaze kûmə̀ ghò.›”


Fe paʼà tyə̀yn sə nɨŋ sê ghâsènì è ghənə. Fe ə lɛ̀sè fo pisə ghənə̂sè kûmə̀ nə ghənə ə pomə̂.


Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.


Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.


Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.


Fɔ̀yn Àngɨ̀lipà “Epàm ə zɨnə mə, m tè paʼà tə se nə̀yn eghɛ zɛ ə payn ekwùtwəyn ətəyn tè pi nə m nəyn.


Ghənə tè pi nə vɛ ə chɔʼ ndə̂m kyi se fe ə ngəʼ, sə nyi wùə shi se zômə̀ ekwu. È tə ndaʼa se ghɨ ətəynghe nə paynze panə sê ghɨə Njûsə̀, panə kəpî sê ghɨ ghɛ ə vachi ə̀ghɨ ə Njûsghè.”


M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.


Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.


Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.


M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.


Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.


Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.


Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.


Kə ghàyn ə nə kɨŋnə ghɛ ghâyn ghə̀ ghɨ ghɛ ə ghe keva Zhə̀fè. Ghàyn ke nə chichi kiva ghɛze se nə̀yn yî pi, paynze e kiva ghɛze se nə̀yn yî lɨma.


kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.


Klâys tè nə̂ nyî kə pɔsêzè zɛ ə Zhə̀fè tè tsɨ̀ne sê Aplàghâm pɔŋ ndu sê ghɨ ghɛ ə ghe tè va ə ghɨ ə Njûsghè tɔynə̂ ə Klâys Njisə̀s. È tè nəyn nyi kə tɔynə̂ ə ghâsènì ekyî epomə̂zè, ə ghâsènì kyî Zuʼ sɛ ə Zhə̀fè tè tsɨ̀ne.


Ghàyn tsayn ghɛe se mi. Ghàyn tsayn se mi nə̂, ghàyn tè kyi Sezuʼ sə Fezhə̀sè kûmə̀ kə ghàyn ndə̀mə̀ Laŋà mə ghàyn tè kyi kûmə̀ nə ghàyn zɨ tom èchùŋ ə pomə ə?


Fe ə chɔʼ ghâsènì nə ə nyi ə̀ghɨ Vəynghe tɔynə̂ ə Njisə̀s Klâys kè eghɨ kə fe tè pɨaʼte ndəm tsɔ̀fə kə Fe pom mbi. Nâʼàpî ghè kyànə̀ kə endom vɛ ə Zhə̀fè kyiŋə nə zə kyânə̀ ətəyn.


ə nyi chwìə se tyə̀yn nə tuʼfe tə kɔʼɔ kwənə, ə ghâsènì kyi fɨa kɛ ə Zhə̀fè tsɨ̀nə̀ endom nə vɨ̂yn, ə ghɨghə tsîtə̀ Fèzhə̀ kûmə̀ èpomsê ə vəynze.


M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,


Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.


Zhə̀fè sɔ̀zâ ghàyn tɔynə̂ ekyî epomə̂ zaynze kûmə̀ àfùʼ kɛ ə Fe kyi. Ghàyn pâʼà fɨ̂aʼ fɨ̂aʼ kyîke sə ghàyn ə ngɨŋ kə Zhə̀fè ndaʼ è sɔza nə zɨ̂nə̀. Ə̀ nyi ke èfo ə Fezhə̀zè. E za tyə̀nə̀ nə wùə vayn kàʼa è pfɨyn fètwɔ̀ʼ nə zhi ə fɨ̂aʼ fɨake tsɔ̀fə kə ndaʼ è sɔza nə zɨ̂nə̀.


Ghənə zɨə kê va ghɛ, ke va ghɛ kûmə̀ èndam ə Fèzhə̀ kûmə̀ àngo ə ghənə̂kè mə ə̀ pə̀yn atu ə tɛ kɛ ə ghənə kyi.


Kə ghàyn nji endam apɨəyn əfɨma, mə ghɛ echûŋzè vayn kàʼa ze fɨ ətəyn. Ghàyn e pɨlə fɨsə pə ə̀ghɛ nə ghɨnə ə ndayn.


E nyi nyî kûmə̀ nə ə̀ nə̀ èpayn nə nâʼàpî ghè payn ə ndayn. Ə̀ za nyi eghɛ zɛ ə ze tè nəyn wùə vîvè ə pìə nə: “Zə̀mə ə sèmbɨəyn ə wùə vɨ̂yn. Zòmə kə Klâys fo payn sê ghò.”


Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.


Ghàyn nəyn nyi kûmə̀ nə ghâsènì nô va ghɨghe. Ghâsènì pɨlə nô sèzu se pi sɛ ə se tàyntə̀ tsɛ̂ ekwùtwəyn è twɔʼ vɛ ə ve saʼa mbi zɨ̀yn nâʼà èkɨ̂m è zhə̀ mə mbimè.


Ə ghənə ke kɛsə pə̀yn ə ghənə etɔf, ə tə fɨ atam kɛ ə ndə̂plè nyi mə è və ko ghənə ətəyn, ə nə̀ nə ghənə ə nə̂ èghɛ zɛ ə è kɔ̀ŋə̀.


Kûmə̀ nə Njisə̀s Klâys ə tə nə̀yn ghɛ zɛ ə Zhə̀fè tè kyiŋə nə è nəyn, ze ə nə̀yn nə ghâsènì ə zo ə ghɛ ə pighe, tɔynə̂ efo zɛ ə è tè fo wiyn ə vəynve kè shîŋə̀ze mɔ̀ʼ.


È tè fo ngɨŋ ə vəyn shîŋə̀ze emɔ̀ʼ se efo ze ə nə̀ nə ghɨ ghɛ ə Zhə̀fè nə̀yn nə ə nyi ə̀ghɨ yîghe ə kwəynə̂ mɨ̂sə̀ sə teshìŋə̀ tèkɨ̂m.


Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.


Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.


Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.


ə fɨyn kyi èghaʼ ekwùtwəyn kə Zhə̀fè ndə̀m mə ze vayn kàʼa ə ze fi, mə ze vayn kàʼa ə ze pof, mə ze vayn kàʼa ə ze chaʼ.


kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.


Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.


Ə ghâsènì kyi komə̂ ewìynze kûmə̀ sèpi sə ghasènìse, ə Zhə̀fè lɛse fo sepi sə təynse, ə È shu zose ghâsènì nâʼàpî ə ghe vɛ e va chichi ə ghâsènì endam ə Vəyn əshi. È nə̀ nə̂ nyiəmə kûmə̀ nə È pìə pi nə ghɛ, È və nə̀ kə zamə.


M nyâʼà ə̀ghɛ nə ghɨ̂yn sê ghàyn ə ghɔyn ghɨmə kûmə̀ nə Zhə̀fè ə lɛ̀sè fo pi saynse kûmə̀ èzə ə Njisə̀s Klâyszè.


Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.


Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.


Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.


Pîza fɨake tə njiə va əfètə̂ tɔ̂ŋ èghaʼâ nə zɨ̂yn, mə ke zo va. Wùə vɛ è nə̂ ghɛ eliŋə kɨ̀sə wùə àkaŋ tə njiə va ətəyn. Ə̀ tə njiə kə ə̀ghɨ ghɛ ə nyâʼ zə ə ghənə̂ghè ə ŋwàʼlè èndamə ə̀ Va Ndzè famə ə tɔ̂ŋ èghaʼâ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ