Ətefɨ̂aʼ 26:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ M tə sɔ̂zâ ghò əgho ə ghɨə Isìlâyghè ə m fɨyn sɔza gho əgho ghɨ̀ ghɛ ə̀ vachi ə̀ghɨ ə Njûs ghɛ ə m tomə ghò sê ghənə.

Ətefɨ̂aʼ 26:17 ပူးပေါင်းရင်းမြစ်များ

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 16:39

Ghənə ə ndùə fu ə fe Pɔ̂l yî Silàs ə chyatə̂ ghənə, ə fɨsə ghənə fu ndɛ̂ chaʼ, ə tsà nə ghənə ndu ə ghənə endaʼ.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 17:14

Kè sə ashìŋə̀ ghɨə poməghe ə tomə Pɔ̂l yî ghɨə mɔ̀ʼɔ nə ghənə tso ndu èndomve ə etipìə tsô èghaʼâ, pîza Silàs yî Timotì ə faŋa kə ə Pelyà.

Ətefɨ̂aʼ 18:10

kûmə̀ nə M nyi ghâsè ghò. Wùə vayn nə̀yn eghɛ sê ghò. Ò zaʼlə̂ kə ndò kûmə̀ nə ghɨ ghɨmə tsɨ̂ə kə fayn endaʼ nyi.”

Ətefɨ̂aʼ 25:3

nə è tiynse, ə nji pə̀yn è Pɔ̂l ə Njèlusalɛ̀m, kûmə̀ nə ə nyi mə nə̀yn pɨaʼtêzè se zhwiə vəyn endom.

Ətefɨ̂aʼ 28:28

Pɔ̂l tè wàmne ə piə è mɨ̂sə̀ ndò ə piə nə, “Ghàyn e ke nə, tom èsɔza zɛ ə Zhə̀fè tom, È və tom zə̂ynzè zôyn se ghɨ etumə, mə ghənə nə̀ zɨtə̂ zə̂ynzè.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ŋwàʼlè ə̀ Pɔ̂l sê ghɨə Lûmghè 11:13

Ghɛ zɛ m kyiŋə se pì zôyn nyì se ghàyn ghɨ ghɛ ə̀ vachi ə̀ghɨ ə Njûsghè. M nyi wùətom se ghɨ ghɛ ə̀ vachi ə̀ghɨ Njûsghè, nyiəmə ndə̂mə̀ àtu ə mì efɨaʼ nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.