Ətefɨ̂aʼ 26:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Pîza, ndwi tyəm è gholə. M fɨ ə ghò ekyàʼ se chɔʼɔ ghô sə wûə èfɨ̀aʼa vɨ̂mè. Ò nə̀ tsâ sê ghɨə mɔ̀ʼɔghe ghɛ ghɛ ə ò fe sè Mi ndâyn è ghɛ ghɛ M tə tyə̂nə̀ sê ghò mtuʼ me pə̂m.

Ətefɨ̂aʼ 26:16 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Ətefɨ̂aʼ 1:17

Njondàs vâ nyi wùə ə ghâsènì anɔ̀yn. Njisə̀s tè chɔʼ vəyn nə è və nə̂ èfɨaʼ zɨ̀yn kèpî kə È tè chɔʼ ghâsènì.”

Ətefɨ̂aʼ 1:25

nə è nji luʼə wùətom vɛve Njondàs kə è tè za ə ndùə elùʼ vɛ ə è kyi sə̂ nyi ətəyn.”

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 21:19

Pɔ̂l ə tɔŋtə̂ ghənə ə tsà nâʼà ə̀ghɛ ə̀kɨ̂m kə Zhə̀fè nə̀yn sê ghɨ ghɛ ə̀ vachi ə̀ghɨ ə Njûsghè tɔynə̂ ə vəyn efɨ̀aʼ.

Ətefɨ̂aʼ 22:10

Mə pfɨf sê vəyn nə, ‹M kwi zayn zôyn ə Pɛ̂pɛ?› È və pìə sê mi nə, ‹Ndwi ə nji ndùə əfètəyn endaʼ ə Ndàmaskùszè, kə ə tsayn ghɛ zɛ ə Zhə̀fè kyiŋə nə ò nəyn.›

Ətefɨ̂aʼ 23:11

Tuʼfe komtəfe ètuʼve, Pɛ̂pɛ ə tyəmə̂ ə Pɔ̂l ə ngwùŋ ə pìə nə, “Kə ò fayn! Kə ò nyi mə o wàmnè kûmə̀ Mi ə Njèlusalɛ̀m.”

Ətefɨ̂aʼ 26:15

Mə pfɨfə nə, ‹Ə̀ nyì ghô ndè, ə Pɛ̂pɛ?› Pɛ̂pɛ ə pə̀ynsə̀ nə, ‹Ə̀ nyi Mi Njisə̀s vɛ ə ò tsə̀fsə̀.

Ətefɨ̂aʼ 6:4

Ə nə̂yn nyiə mə, ə ghàs pɔŋ kyî àshîŋə̀ è ngɨŋ sas se, sə̂ tsə̂mə̀ fɨnə ndâʼà tom èchùŋ.”

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

2 Kolìŋ 5:18

Ghɛ nə ghɨnə əkɨ̂m nyi mə ə̀ nəyn Fèzhə̀ sê ghâsènì, ə vəyn vɛ ə è tsɨ̀yntè ghasènyìə ghə̀ vəyn tɔynə̂ ə Klâys. È və fo kepî ghàs èfɨaʼ ekɛsə njiə pə nə ghɨ̀zè sê vəyn.

Ngàleshyà 1:12

M tè pâʼà zɨ tom nə zɨ̂yn sê wùə m̀sɔŋ, pî nə wùə zaʼle zə̂ynzè se mi. Ə̀ tè tyə̀n paynsê Njisə̀s Klâys è zə̂ynzè se mi.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ɛfesùs 3:3

Ə̀ nyi eghɛ e ndətə zɛ ə Zhə̀fè tè pɨaʼte ndəm, ə̀ ke ke vəyn, tè tyə̀yn paynsê sê mi, kè eghɨ kə m se nyi mə mə səyne ə nyàʼà.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:25

Ə̀ nəyn Fezhə̀ nə mə nyi wùə èfɨaʼa sê ghɨ ghɛ ə ghe pomə se Klâys. È və tom mi nə m tɔʼ ndaʼà tom nə zɨnə mə se ghàyn achûŋ.

Kòlosè 1:7

Tom nə zɨnə mə sê ghàyn tè ndàʼa Èpafalàs, ə wùə àfɨaʼ ə̀ Njisə̀s Klâys. È nyi wùə vɛ ə ghasènyìə ghə̀ ghənə tè fɨ̀aʼa, ghàs e ngɨsə̂ kɔ̂ŋə̀ vəyn. È fɨ̀aʼà se Njisə̀s Klâys è təm ə vəynghe əkɨ̂m. Fɨ̂aʼ zɛ ə ghàs tè kyi se nə̀yn, ə̀ nyi zəynze ə è nə̀ zôyn kə è nyì ghâynghə̀ ghənə.

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

1 Timotì 1:12

M fo àzɔ̀ŋnè sê Pɛ̂pɛ ə ghâsènì Klâys Njisə̀s kə È fo tyaʼa nə mə nə̂ èfɨ̂aʼ nə zɨ̂nə̀, ə fɨnə fe mi kə wùə vɛ ə è kwənə, ə chɔʼɔ mi nə m nəyn fɨ̂aʼ ə vəynze,

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

2 Timotì 4:5

Pîza, ò kyi sə̂ chisə̂ ngɨŋ zɛ̂zè nâʼàpî ətə èghɛ èkè, kolə ə̀təm ezə ngəʼze, nə̀yn fɨaʼə wûə vɛ è ndàʼà tom èchùŋ, ə nə̀ èfɨaʼ zɛze ekɨ̂m kə wùə èfɨ̀aʼa ə̀ Fèzhə̀.