Ətefɨ̂aʼ 26:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ə̀ zɨnə̀ e nyi èghɛ zɛ m tè nə̀yn ə Njèlusalɛ̀m. M tè fi atyaʼ sê ghɨə kɔʼsə nə eshyə̀ engaŋtəghe ə ndə̀mə̀ ə̀ghɨ Fezhə̀ ə tsɨəghe ə ndɛ ə̀chaʼ, ə pə̀ kə tsɛsè saʼze nə ə zhwi ghənə, mə pɔŋɔ tɔ̂ʼɔ̀ èghɛ ətəynze.

Ətefɨ̂aʼ 26:10 ပူးပေါင်းရင်းမြစ်များ

Ətefɨ̂aʼ 7:58

Ghənə ə shinə̀ fɨə è vəyn fu ə tə̀ʼ ə zhə̀tə̀ se tɨmnə̂ vəyn è chighe. Ə̀ tè nyi za mə ghɨ ghɛ ə ghe tè tyəm kə setsɛ̀ èsaʼ ə chɔʼte ndzɨsə ghənə̂sè ə ndə̀mə̀ sê kwuŋ vîve, zə vəynze e nyi Sɔ̂l.

Ətefɨ̂aʼ 8:1

Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

Ətefɨ̂aʼ 9:21

Nâʼà ə̀ghɨ əkɨ̂m ghɛ ə ghe tè zɨ kə Sɔ̂l ndàʼà tom ə̀ Fèzhə̀ tè nyi èkaynze. Ghənə e pfɨfə nə, “Ə̀ vɨ̂nə va wùə vɛ ə è tè zhwitə ghɨghə Njèlusalɛ̀m kûmə̀ nə ghənə tɔŋtə̂ èzə ə Njisə̀s zə? Piə è pə̀yn kepî fayn kûmə̀ eghɛ nə zɨ̂yn se kyitə̂ əghɨ pomə se kɛse ndùə fo sê ghɨ ngɨmnə nə eshyə̀ ngaŋtə ghə?”

Ətefɨ̂aʼ 9:26

Sɔ̂l ə ndùə ə Njèlusalɛ̀m. Kə è ndù zaʼâ fumə, è və mɔ̀msə̀ se tsɨ̀yntè yîghə̀ ghɨ ghɛ ghe pomə se Njisə̀s, pîza ghənə əkɨ̂m e fânə̀ vəyn kûmə̀ nə ghənə tè pomə va nə è nyi mə è və pomə sê Njisə̀s.

Ətefɨ̂aʼ 9:32

Kə Pità tè kwiə ka tsɛ̂ ə telùʼ ə telùʼ ə fètəyn èndaʼ, è və ndùə se mòtè əghɨ ə Fezhə̀ ghɛ ə ghe tè ndamə endaʼ ə Lindàzè.

Ətefɨ̂aʼ 9:41

Pità ə kyîə ndwisə̀ vəyn ə tɔŋnə̂ ə̀ghɨ poməghe è zhwiə kwu ghɛ ə ghe tè nyì fumə, ə tyə̀ynə̀ sê ghənə nə Tàpità nyi ètwɔ.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

Ngàleshyà 1:13

Ə tsàyn se ghàyn kə ndam zɨme tè nyi kə m tè kɔʼsə Zhə̀fè endom vɛ ə ghɨə Njûsə̀ kɔʼsə, kə m tè tsə̀fsə ndɛ, mə nyi zə Fèzhə̀ mə m kyi va kosê esəynze, ə mɔ̀msə̀ tèndom tèkɨ̂m se sàʼtə zə̂ynzè.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Etyə̂yn ə paynsêzè 17:6

Mə fe mə wùzhɔyn ətəyn ə mɨ ndə̂mè, m̀ mə ko vəyn sə mlɨ̂. Ə mɨ̂nə̀ tè nyi mndəm mə ghɨ Fezhə̀ghè è kɨsè ghɨ ghɛ ə tè zhwi kûmə̀ nə ghənə tè tyəm è təm ə ghənə̂ghè əkɨ̂m sê Njisə̀s. Ə pə̀ kə m fe wùzhɔyn ə̀təyn, nyi èkaynze nâʼà sə ŋaŋ.