Ətefɨ̂aʼ 24:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghàs ə tè fe nə wùə vɨ̀nə nyi wùə ə̀ ngəʼ, səʼə̀ ngəʼ əghɨə Njûs ghə fètəyn kè mbi èkɨ̂m. Ə̀ nyi vəyn ètuke se nɔ̂yn əghɨ̀ ə Nazalɛ̀tkè

Ətefɨ̂aʼ 24:5 ပူးပေါင်းရင်းမြစ်များ

Matyò 10:25

E tyə̂nə̀ nə wùə ezaʼlə kyi va sə̂ kyiŋə èkɔʼsê ze tsɨə tsɛ zə wûə vɛ è zaʼlə vəyn. Wùə vɛ è fɨ̀aʼà kyi kepî va sə̂ kyiŋə èkɔʼsê ze tsɨ̂ə tsɛ zə wûə vɛ ə è fɨ̀aʼà se vəyn. Ə tɔŋtə tu esas ə ndɛke nə Peelzepùl, ə tɔŋtə̂ ə̀ ghɨə vəynghe sas ə ndɛghe tsɨ̂ə tsɛ̂ za mə.

Matyò 2:23

È və ndùə sè ndamə ə tɔ̂ŋ zhîzè e tɔŋtə̂ nə Nazalɛ̀t. Ghɛ zɛ ə Zhə̀fè tè pi tɔynə̂ ə sèfɨ̀aʼtè nə: “Ə tə kê vəyn kə wùə ə Nazalɛ̀t ə pə̀ səmɔʼ.”

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Tom èchùŋ kè kə Lûk tè nyaʼ 23:19

Ə nyi za, mə ə tè ndɔm Pàlapàs nə e nji ə ndɛ ə̀chaʼ kûmə̀ nə e səʼ eno ə tə̀ʼ ə fɨnə zhwi wùə.

Tom èchùŋ kè kə Lûk tè nyaʼ 23:2

ə zhə̀tə̀ se kwânə̀ vəyn piə nə, “Ghàs ə ko wùə ə vɨ̂yn, e kwîə lesə̂ ə̀ghɨ ghâsènì ghe ndaʼa pîə nə, kə̂ ghənə nə maʼà ŋwàʼlè sê fɔ̀yn e ghaʼa ə Lûm, fɨyn nyi nə ə nyi ke nâʼà zhi vɛ ə chɔʼ ndəm, nə zhi ə nyi fɔ̀yn.”

Tom èchùŋ kè kə Lûk tè nyaʼ 23:5

Ghənə e sè kayntə̂ kə əghɛ piə nə, “Zaʼlə ə vəynze pə̂ eno zə əfètəyn endaʼ ə ghɨə Njûszè ke ekɨ̂m, È tè zhə̀te ə Ngalìlî, sè nyi zôyn mə è və pə̀yn fayn.

Ətefɨ̂aʼ 15:5

Pîza ghɨə pomə əmɔ̀ʼɔ̂ ghɛ ə̀ tè nyi əghɨ anɔ̀yn ə Falàsîghè ə ndwìə tyəmə̂ ə pìə nə, “Ə kyi ke se se ənam əghɨ̀ ghɛ ə̀ vachi ə̀ghɨ ə Njûs ghɛ ə nyi mə ə pomə̂ se Njisə̀s, ə tsayn kepî se ghənə nə ghənə kyi se chùmtè alâŋ ə Mosîskè.”

Ətefɨ̂aʼ 21:28

sè pɨa piə nə, “Ghɨə Isìlâyghè, ghàyn tsamte ghàs! Ə̀ vɨ̂nə nyi wùə vɛ ə è tè kwiə zaʼlə̂ ə̀ghɛ epi ghɛ kûmə̀ ə̀ghɨə Isìlâyghè è Saʼ ə Mosîszè è kɨ̂sè ndɛ̂ ètsə̀mə zɨ̂yn. Nâʼà pi zôyn, è və fɨyn nji ghɨatumə ə njiə è ghənə ə ndɛ̂ ètsə̀mə, pofsə̂ tèluʼ, nə̂ nə kə ə tə nyi è zoze.”

Ətefɨ̂aʼ 22:22

Nɔ̂yn ətəynke ə zɨtə̂ se Pɔ̂l se kɔʼɔ zaʼâ andiŋ kyîke, ghənə e puʼə m̀pɔ̂ŋ è kyə̀ se tɛse pîə nə, “Ghàyn ndo è vəyn! Ghàyn zhwi vəyn! È kwəynə̂ va se ndam.”

Ətefɨ̂aʼ 24:14

Pîza m pomə̂ ndò nə m nyîə ngɨmnə̂ Fèzhə̀ fə ghə̀pɨ̀a əshi fasfe, chumtə̀ èndom nə vɨnə mə, ghənə e pîə nə ə̀ nyi endom akaŋve. Pîza m pomə̂ kəpi ndò nâʼà pi èghɛ èkè zɛ ə nyi mə ə nyàʼ ə Mosîs alàŋ è ŋwàʼlè sə se fɨ̀aʼtèsè.

Ətefɨ̂aʼ 24:4

Endom se tàʼa tsɛ̀sè ashîŋə̀ kɛ ke, pîza m chyatə̂ ghò nə o kyi wəynsê ewìynze se zɨtê eghɛ zɛ ə ghàs kyiŋə se taŋə kɔʼɔ pə̀yn.

Ətefɨ̂aʼ 25:7

Ə pə̀ kə ghənə pə̂yn è Pɔ̂l, ghɨ ə Njûs ghɛ ə ghe tè ndò Njèlusalɛ̀m ə tyəmə̂ ə vəyn etipì, ə zhə̀tə̀ se pì əghɛ ə pighe kûmə̀ vəyn mə ghənə vayn kaʼa tyən nə ghe nyi səmɔʼ.

Ətefɨ̂aʼ 26:5

Ghənə tè kɨte kê ndò mi, mə ə ghənə kɔ̂ŋɔ̀ se tsàyn, ə ghənə tsayn nə sə shi, m tè lote nyi wùə vɛ m tè ndə̀mə ndomtə Fezhə̀tè nâʼà àchûŋ. M ndəmə̀ təynte kə nâʼà pì ndè anɔ̀yn ə ghɨ̀ ə Falàsîkè ndə̀mə̀.

Ətefɨ̂aʼ 28:22

Pîza, ghàs nyiə kyiŋə se zɨ ekwâʼtè zɛze kûmə̀ nə ghàs tsɛ̂ nâʼàpî ghayn, zɨə kə ghɨ wàmnə̀ ghɛ ghe tsɔ̂fə̀ va kûmə̀ èkyî anɔ̀yn kɨ̂nə̀ ə ò nyi ətəyn nyi.”

Ətefɨ̂aʼ 5:17

Wùə èkɔʼsə nə èshyə̀ èngaŋtə kwəynə yî pamə tə vəynte tekɨ̂m, mə nyi atsɨ̂ynte ə ghɨə Sandùsîkè, ə zhə̀tə̀ àghə̀ʼ ə kwəmnəke se ghɨətom ə Njisə̀sghè, sè fɨasə nə ghənə nə̀ fe èghɛ.

Ətefɨ̂aʼ 6:13

Kə ndû za, ə njìə ghɨə mɔ̀ʼɔ nə ghe nji pə̀yn wam àkaŋ ə̂ Shìtifɨ̀yn ətu. Ghənə njiə pə̂ ə pìə nə, “Wùə vɨ̀nə faŋə tsɛ̂ va sə̂ wàmnə̀ ə̀ghɛ ə piə kûmə̀ ndɛ̂ ètsə̀mə zɛ ə è nyi èŋwaʼze, è kɨsè elwɔ̂ŋ vɛ ə Zhə̀fè tè fo sê ghâsènì.

1 Kɔlìŋ 11:19

E kayntə̂ va ndô mi, chyâsè kyi ke sə̂ nyi ə ghàyn əfètəyn, kə ə fɛte fe kê ghàyn ghɛ ə lote nyi ə̀ghɨ ə Fezhə̀ghè.

1 Kɔlìŋ 4:13

Ghɨ pofsə̂ èzə zasze pîza ghàse wamnə̀ kə è kyə̀ è pɔynə̂. Se zaʼâ zôyn, ghɨə njîə ghàs se efɨa e maʼave ə mbi fɨnə njîə kə nâʼà ghàs sə eliŋ.

1 Pità 2:19

Ghàyn e nə̂ nyiəmə kûmə̀ nə Zhə̀fè nyiə pɔsə̂ wùə vɛ ə è kolə təmghe əfètəyn èfe ngəʼze mə è paʼà nə̀yn pofsê. È nə̀ nyiəmə kûmə̀ nə è ke ndô nə ə̀ nyi eghɛ zɛ ə Zhə̀fè kyiŋə.