Ətefɨ̂aʼ 24:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Kûmə̀ zɨnə mə, m mɔ̂msə̀ se nə̀yn nə təm ghɨmghe ə saʼa va mi ə Zhə̀fè shi è kɨsè ə ghɨghe əshi.

Ətefɨ̂aʼ 24:16 ပူးပေါင်းရင်းမြစ်များ

Ətefɨ̂aʼ 23:1

Pɔ̂l ə naynə̂ ndùə ə̀ ghɨ ghɛ ə ghe tè nyì fumə atsɨ̀ynte chichi ə pìə sê ghənə nə, “Ghɔnyì ghɨmə, mə nə̀yn ghɛ zɛ ə m fe kàʼa m nəyn ə Zhə̀fè əshi, è kwaʼtè zɨmze chûŋzè se zaʼâ ndàyn.”

Ŋwàʼlè ə̀ Pɔ̂l sê ghɨə Lûmghè 2:15

Nə̀ynè ə ghənə̂kè tyə̀ nə ghɛ zɛ ə lâŋkè kyiŋə nyi mə ə nyàʼ ə ghənə əfètə̂ ə̀təm, ghənə e ke nə təm ə ghənə̂ghè tyə̀ ndò nə ə̀ nyi nyiə kə ze kyi sə̂ nyi. Ghənə e ke nə təm ə ghənə̂ghè tsà ndò se ghənə nə ze nyi səmɔʼ. Təm ə saʼa ghənə̂ghè tyə̀ ndò nə ghɛ zɛ ə ghənə nə̂ nyi eghɛ echûŋzè kɨ̀sə ze pize.

Ŋwàʼlè ə̀ Pɔ̂l sê ghɨə Lûmghè 9:1

M pîə səmɔʼ kə wùə vɛ ə È pomə sê Klâys mə m wamə chîəva ndô. Təm ghɨm ghɛ ə ghe nyi etyə̂ àtyaʼ ə Sezuʼ Eŋwaʼake tsâ kəpî ndò se mi nə m wamə va kaŋke.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 4:4

Təm ghɨmghe saʼa va mi, pîza ze tyə̂nə̀ va nə m paʼà nə̀yn pofsê. Ə̀ nyì ke Pɛ̂pɛ vɛ è kàʼa è saʼ mi.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

1 Tèsàlonikà 2:10

Ghàyn nyi setsɛ̀ èsaʼ sasse, Zhə̀fè e nyi kepî tsɛ̀ èsaʼ vâsvè nə, ghɛ ghàs ghe nəghe sê ghàyn ghɨ poməghe tè nyîə zo, nyi chichi, kyi va ləʼke.

1 Timotì 1:19

Fɛte kyi kyî epomə̂ zɛze achûŋ, ə kyîə èkwaʼtè zɛ ə ze saʼa va təm ghɛghe. Ghɨ mɔʼɔ ghə kwiynsê se zɨtê eghɛ zɛ ə ghənə ke nə ə̀ nyi eghɛ chichi. Kûmə̀ nyiəmə, ghənə fɨyn kyi va kyî epomə̂zè sê Klâys.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

1 Timotì 3:9

Ghənə kyi sə̂ tyəmə kə səmɔʼ zɛ ə tè tyə̀yn paynsê sê ghənə, ə̀ nyi səmɔʼ kûmə̀ èkyî epomə̂zè mə təm ə ghənə̂ghè saʼa va ghənə.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.

Taytùs 1:15

Ghɨ ghɛ ə təmə ghənə̂ghè zo, nâʼàpî àkè nyiə zo sê ghənə. Pîza ghɛ ə təm ə ghənə̂ghè zo va, è ghɛ ə nyi ndɔ̀ʼɔ pomə, fɨa kyîke va ə ke zo sê ghənə. E nyi nyî kûmə̀ nə kwâʼtè tə ghənə̂tè, è təm ə saʼa ə ghənə̂ghè nyi mə ə pofsê.

Ipilù 10:22

Kə ze nyi nyî, ə ghâsènì pəyn paʼsê ə Zhə̀fè ə ngwùŋ è təm ə səmɔʼghe, èkyî epomə̂ ə səmɔʼze, è təmghe mə ə shù zosê ə tə̂ ghɛ ghɛ ə ghe saʼa ghâsènì, è wîyn mə ghasènîəm mə ə shù ə mmò mə̂ èzomè.

Ipilù 13:18

Ghàyn e tsə̂mə̀ kə sê ghàs. Ghàs ke ndô nə təm ghasghe saʼa va ghàs, kûmə̀ nə ghàs kyiŋə kə sə̂ nə̂ eghɛ zɛ ə ze tsɔ̂fə̀ shîŋə̀ tekɨ̂m.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

1 Pità 2:19

Ghàyn e nə̂ nyiəmə kûmə̀ nə Zhə̀fè nyiə pɔsə̂ wùə vɛ ə è kolə təmghe əfètəyn èfe ngəʼze mə è paʼà nə̀yn pofsê. È nə̀ nyiəmə kûmə̀ nə è ke ndô nə ə̀ nyi eghɛ zɛ ə Zhə̀fè kyiŋə.

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.