Ətefɨ̂aʼ 24:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Pîza m pomə̂ ndò nə m nyîə ngɨmnə̂ Fèzhə̀ fə ghə̀pɨ̀a əshi fasfe, chumtə̀ èndom nə vɨnə mə, ghənə e pîə nə ə̀ nyi endom akaŋve. Pîza m pomə̂ kəpi ndò nâʼà pi èghɛ èkè zɛ ə nyi mə ə nyàʼ ə Mosîs alàŋ è ŋwàʼlè sə se fɨ̀aʼtèsè.

Ətefɨ̂aʼ 24:14 ပူးပေါင်းရင်းမြစ်များ

Ətefɨ̂aʼ 9:2

ə pìə sê vəyn nə è fo ŋwàʼlè ə zhi ndu tyəyn se ghɨ ghaʼâ ə səndɛ sə atsɨ̀ynte sə ghɨ Njûsghè ə Ndàmaskùs ə zhi kyite chùmtè sə Njisə̀sè nâʼà sèkɨ̂m ə zhi kɛse pəyn è səynse ə Njèlusalɛ̀m, kɨ̀sə ə̀ nyi pî ə̀ ndômnè, kɨ̀sə ə̀ nyi pi ə̀ zəyn.

Ŋwàʼlè ə̀ Pɔ̂l sê ghɨə Lûmghè 3:21

Pîza, zôyn Zhə̀fè nyi mə Fə tyə̀yn ndom vɛ ə ghɨ kaʼa nyi chichi ə vəyn əshi. Ndom nə vɛ mə kiva ghɛ zhîze se nə̀yn è lâŋ ə Mosîskè. Lwɔ̂ŋ nə vɛ mə è fɨ̀aʼtèsè ə tə pì ghɛze kûmə̀ èndom nə vɛ mə sə shi.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ətefɨ̂aʼ 26:22

Pîza Zhə̀fè ə tsâmtə̀ mi se kɔʼɔ zaʼâ ndàyn, m tyəm fâyn tsâ èghɛ zɛ ə m tè fe mə ze nyi səmɔʼ. Kɨ̀sə ə̀ nyi əghɨ eshɨ̀ŋə̀ kɨ̀sə ə̀ va əghɨ eshɨ̀ŋghè. Ghɛ zɛ m pîə nyì kepî èghɨ kə fɨ̀aʼtèsè è Mosîs tè pi nə ze tə kyanə̀.

Ətefɨ̂aʼ 24:5

Ghàs ə tè fe nə wùə vɨ̀nə nyi wùə ə̀ ngəʼ, səʼə̀ ngəʼ əghɨə Njûs ghə fètəyn kè mbi èkɨ̂m. Ə̀ nyi vəyn ètuke se nɔ̂yn əghɨ̀ ə Nazalɛ̀tkè

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.

Ətefɨ̂aʼ 26:27

Fɔ̀yn Àngɨ̀lipà, ò vɛ o pomə ghɛ ghɛ ə fɨ̀aʼtèsè tè nyàʼə? M ke ndô nə ò nyiə pomə̂.”

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.

Taytùs 3:10

Ə wùə pə̀yn è chyâsèzè ə ghàyn ə fètəyn, o fo fɨ̀as ə̀shi sê vəyn, ə ndù ke eshike se nə̀yn zamə, o fo kwəynsə̂ fɨ̀as. Epàmə̂ ə̀təyn ə è ndù ke eshike, kə ghàyn fɨyn kyî èghɛ zhîze se nə̀yn è vəyn.

Ngàleshyà 5:20

ngɨmnə̂ èfɨ̂aʼsè, kwɨlə avɨ̂ŋ, pânə̀ əghɨ, nô, kyi àghə̀ʼ, zâŋsə̀ nyɔ̂ʼsə̀ ètɔŋ, kwâʼtə̀ kûmə̀ kə sengɨŋ, pə̂ è nòsèkè è chyâsèzè,

1 Kɔlìŋ 11:19

E kayntə̂ va ndô mi, chyâsè kyi ke sə̂ nyi ə ghàyn əfètəyn, kə ə fɛte fe kê ghàyn ghɛ ə lote nyi ə̀ghɨ ə Fezhə̀ghè.

Ətefɨ̂aʼ 26:6

Zôyn m sè tyəm fayn nə ə saʼ mi kûmə̀ èkwaʼtè elɨmtə zɛ m kyi sê tsɨnè zɛ ə Zhə̀fè tè tsɨ̀ne sê pɨ̀a ə ghâsènì ghəshiə

Ətefɨ̂aʼ 24:22

Felès kə ə̀ tè nyi mə ə fɛtê tsayn sê vəyn kûmə̀ tèndom tə Fezhə̀tè, è və tyəmsə̂ saʼà təyn. “Ə pə̀ kə Lìsiyàs tuə sesokə̀ʼ ke pə̂yn,” È və tsà se ghənə nə, “M nə̀ tsâ kə saʼ zâynzè tsɛ̀.”

Ətefɨ̂aʼ 22:14

È və pìə sê mi nə, ‹Zhə̀ fɛ ə pɨa ghasènìə tè kɔʼsə ə chɔʼ ghô nə ò nəyn kwâʼtè ə Veynze, ə ò fe wùə èfɨaʼa ə̀ Vəyn vɛ ə è nyi chichi, ə ò zɨ kə è wàmnə̀ è kyə̀ vəyn zə ngɨŋ.

Ətefɨ̂aʼ 19:9

Pîza ghɨə mɔ̀ʼɔ tè nyîə tɛ ètuke kɔ̂ŋɔ̀ va se zɨtê, pa piə ə̀ghɛ pighe ə ghɨ ghə shi ə̀kɨ̂m kûmə̀ Pɛ̂pɛ. Pɔ̂l ə ke zà ə ghənə, ə ndò paʼsə̂ kə è ghɨ epoməghe ətəyn, sè kyîə èkatè əghɛze tuʼmè m̀kɨ̂m ə ndɛ asəyle zɛ ə tè zaʼlə ətəyn ə Tìlanùs.

Ətefɨ̂aʼ 13:15

Ghənə ə zɨ kə tɔŋɔ ghɛ andiŋ ə ŋwàʼlè Èsaʼ ə Mosîskè, è ŋwàʼlè sə sèfɨ̀aʼtè. Kə ghənə tɔŋɔ mɨsè, ghɨ ghɛ ə ghe chisə ghɛ ə ndɛ̂ atsɨ̀ynte ə tomə tom sê Pɔ̂l è Pànapàs pîə nə, “Ghɔnyîə, ə ghàyn kyi ghɛze se pì kə ze fo təm ətɛ sê ghɨ ghɨ̀yn, ghàyn ə piə.”

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Ətefɨ̂aʼ 7:32

‹M nyi Fezhə̀ fə pɨ̀a ə pɨ̀a faynfe, ə Fezhə̀ fə Aplàghâmfè, è Azɨ̀k, è Njàkɔ̂p.› Mosîs ə zɨə zâ sè tsɨŋtə̂ fanə̀ ə tàʼa mɔ̀msè se naynê.

Ətefɨ̂aʼ 5:30

Ghàyn ə tə nə̀yn ə payntə̂ Njisə̀s ə awâmnè, è və kwuə. Pîza Zhə̀ fɛ ə pɨ̀a ghasènìghe tè kɔʼsə Fə zòmsə̀ Vəyn.

Njɔyn 1:45

Filìp ə fe Nàtanyèl ə pìə sê vəyn nə, “Ghàs ə fe wùə vɛ Mosîs tè nyaʼ kûmə̀ vəyn ə ŋwàʼlè àlâŋ nə, ə̀ nyi kepî vɛ ə fɨ̀aʼtèsè tè nyaʼ kûmə̀ vəyn. È nyi Njisə̀s vɛ ə è ndò pə̂yn endaʼ ə Nazalɛ̀tzè, mə nyi vâ Njosɛ̀f.”

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Tom èchùŋ kè kə Lûk tè nyaʼ 24:27

È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

Tom èchùŋ kè kə Lûk tè nyaʼ 16:29

Aplàghâm ə piə nə, ‘Za ghənə ə zɨtə̂ əghɛ ghɛ ə Mosîs yî fɨ̀aʼtè seghaʼâsè tè nyâʼ.’

Tom èchùŋ kè kə Lûk tè nyaʼ 16:16

Ə tè kwiə etîə Alàŋ ə Mosîskè fɨnə kwiə əfètə̂ ezaʼlê ə sèfɨ̀aʼtè seghaʼâsè se kɔʼɔ tàyn etuʼ ə Njɔyn Foə M̀mòze. Se zhə̀tə̀ kə etuʼ nə vɛ, e sè ndàʼà tom èchùŋ kûmə̀ èfɔ̂yn ə Fezhə̀e, naʼapi ndè e nô kə ndò se nji elùʼ efɔ̀yn nə vɨ̂yn.

Tom èchùŋ kè kə Lûk tè nyaʼ 1:70

Kè kə fe tè wàmne tɔynê ə sèfɨ̀aʼtè seghaʼâ sə vəynse etuʼ əshi.

Matyò 22:40

Saʼ tə Mosîstè nâʼà tèkɨ̂m è zaʼlê ə sèfɨ̀aʼtè se ghaʼâsè tè nyɨ̀ŋə zaʼnə̂ fa elwɔ̀ŋ èpɨ̀a.”

Matyò 10:32

Ghɨ ghɛ ə pîə ə ndayn nə ə nyi ghɨmə, M tə nə̂ kəpî èghɨ sê ghənə ə pɨ̀a vɨ̂mvè əshi ekwùtwəyn.

Matyò 7:12

Nə̀yn sê wùə mɔ̀ʼɔ kè eghɨ kə ò kyiŋə nə è nəyn sê ghò, ə̀ zɨnə nyi eghɛ zɛ làŋ ə Mosîskè tyə̀nə è zaʼlê ə fɨ̀aʼtè èghaʼâzè. E nyi nə ghàyn ə nə̂ naʼapi ghè sê ghɨ kè kə ghàyn kɔ̀ŋə̀ nə ə nə nə̂ sê ghàyn. Ə̀ zɨnə nyi eghɛ zɛ lâŋ ə Fezhə̀kè è kə Fɨaʼtèkè lotə zaʼlə.

Ətefɨ̂aʼ 19:23

Ə̀ tè nyì famə ashìŋə̀ kə tsôs eghaʼavè tè nyi ə Ɛfesùs kûmə̀ èndom vɛ ə Pɛ̂ tè kyiŋə nə ghɨghe ə ndamə ətəyn.

Ətefɨ̂aʼ 15:5

Pîza ghɨə pomə əmɔ̀ʼɔ̂ ghɛ ə̀ tè nyi əghɨ anɔ̀yn ə Falàsîghè ə ndwìə tyəmə̂ ə pìə nə, “Ə kyi ke se se ənam əghɨ̀ ghɛ ə̀ vachi ə̀ghɨ ə Njûs ghɛ ə nyi mə ə pomə̂ se Njisə̀s, ə tsayn kepî se ghənə nə ghənə kyi se chùmtè alâŋ ə Mosîskè.”

Ətefɨ̂aʼ 25:8

Pîza Pɔ̂l ə pìə nə ghɛ ghɛ ə ghənə pîə ə zhì ə tu nâʼà ə̀kɨ̂m nyi akaŋ. È və pì nə, “M pâʼà nə̀yn pofsê ghɛ zhîze se kyim esaʼ ə ghɨ̀ ə Njûszè, pi se kyim esaʼ ə ndɛ ètsə̀məze, pi zə Kasàzè ə Lûm.”

Ətefɨ̂aʼ 26:4

Ghɨ Njûs ghəkɨ̂m ke ndô tsɨsə̂ zɛ ə m tè kyi mə m pa tətə̂ ndò ə Njèlusalɛ̀m.

Ətefɨ̂aʼ 28:22

Pîza, ghàs nyiə kyiŋə se zɨ ekwâʼtè zɛze kûmə̀ nə ghàs tsɛ̂ nâʼàpî ghayn, zɨə kə ghɨ wàmnə̀ ghɛ ghe tsɔ̂fə̀ va kûmə̀ èkyî anɔ̀yn kɨ̂nə̀ ə ò nyi ətəyn nyi.”

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,