Ətefɨ̂aʼ 24:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Tu apàs endaʼ nə kɛ ə fo èndom nə Pɔ̂l wamne, è və pìə nə, “M ke ndo nə ò saʼ ndaʼ zɨ̂nə̀ zôyn sə sepìŋ setsɨəse, m nyîə saŋnə̂ kə m tyəm əghò shi zôyn se wàmnè se tsàmtè ə ngɨŋ zɨ̂mè.

Ətefɨ̂aʼ 24:10 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:11

Ə tə kyiə ndù è ghàyn ə ghɨ saʼaghe əshi ə ndɛ̂ atsɨ̀ynte, kə ghàyn nə kayn mbi nə ghàyn nə̀ piə nə ghe, kə ghàyn nə kayn naʼapi nə ghàyn nə̀ piə zayn zə,

Tom èchùŋ kè kə Lûk tè nyaʼ 12:14

Pîza Njisə̀s ə piə sê vəyn nə, “Nə mbɛ̀ ə vɨ̀yn, ə tè pâʼà chɔʼ mi nə m tyəm ə ghàyn ə fètəyn sə wùə èchyàtə,”

Tom èchùŋ kè kə Lûk tè nyaʼ 18:2

È və pi nə, “Tuə sesaʼ kyîke tè nyi ə tɔ̂ŋ zhizè, fànə̀ va Zhə̀fè, njiə va nə wùə nyi afɨa.

Ətefɨ̂aʼ 12:17

È və kɨmsə̂ ghənə è ghoke ə fɛte tsâ sê ghənə kə Pɛ̂pɛ fè pə̀yn nji fɨ è vəyn ə ndɛ̂ chaʼ. È və tsà se ghənə nə, “Ghàyn tsayn ghɛ nə zɨ̂nə̀ sê Njə̂m è ghɨə mɔ̀ʼɔ ghɛ ə ghe pomə Njisə̀s ghɛ nə zɨ̂yn.” È və wàmnə̀ mɨ̂sə̀ zâ, ə ndò ndûə elùʼ ə ndôvè.

Ətefɨ̂aʼ 13:16

Pɔ̂l ə ndwìə ə nə̀ʼsə̀ àgho se nə̀yn nə ghənə kɨmə̂ mɔŋ ə zhə̀tə̀ se wàmnè. È və pìə nə, “Ghɔnyì ghɨm ghə Isìlâyghè, è ghɨə mɔ̀ʼɔ ghɛ ə ghe nyi fâyn, ə ghàyn ghɛ ə ghàyn ngɨmnə Zhə̀fè, ghàyn zɨte ghɛ zɛ ə m kyiŋə se pì.

Ətefɨ̂aʼ 18:15

Pîza kə ə̀ se nyi nə ghàyn saʼnə̂ kûmə̀ èzaʼlê zhîze kɨ̀sə ghàyn saʼnə̂ kûmə̀ kə ə̀zə ə ghɨ kɨ̀sə ə̀ nyi èghɛ zhîze əfètəyn èsaʼ zaynze, ə̂ kyi ke ghàyn se fɛtê. M vayn kàʼa m tyəm sə̂ saʼa tèkyì tə ghɛte nyi.”

Ətefɨ̂aʼ 19:33

Ghɨ yîghe ə kwùŋsə̀ kə nə ə̀ nəyn Àlɛ̀ksandà kə ghɨə Njûsə̀ tè nəyn nə è ndu əshi. Àlɛ̀ksandà ə ndwisə̀ àgho se nə̀yn nə ghɨ kɨme ə zhə̀tə̀ se wàmnè se tyə̀yn nə ə̀ pâʼà nə̀yn chi zhi.

Ətefɨ̂aʼ 21:40

Tuə sesôkə̀ʼ ətəynke ə fo vəyn èndomve, Pɔ̂l ə tyəmə̂ ə sembaŋə fumə ə ndɛ, ə nə̀ʼsə̀ àgho nə ghɨ kɨm tso mɔŋ. Ə pə̀ kə ghənə kɨme, Pɔ̂l ə wàmnə̀ se ghənə ewàmnè ə Ipilòzè ə pìə nə:

Ətefɨ̂aʼ 23:24

Ghàyn fo nyam shîse sê Pɔ̂l, ə è kwi etuə ətəyn, ə nyəʼle ndu è vəyn àchuŋ sê tu apàs endaʼke Felès.”

Ətefɨ̂aʼ 26:1

Àngɨ̀lipà ə pìə sê Pɔ̂l nə, “Ə fo zhəmke nə ò wàmne ghɛze kûmə̀ ngɨŋ zɛ.” Pɔ̂l ə kyî kɔʼsə̂ kɔʼɔ àgho ekwùtwəyn ə zhə̀tə̀ se saʼ.

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.