Ətefɨ̂aʼ 23:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Puʼ m̀pɔ̂ŋ ətəynze ə pɨlə kɔʼɔ mɨ̂sə̀ ndûə kə ekwùtwəyn, tyə̀ynsè sə alàŋ shîse ə se tè nyì anɔ̀yn əghɨ Falàsîkè ə ndwìə tyəmə̂ ə zɔ̀ nâʼà sə ŋaŋ pîə nə, “Ghàs paʼà fe ghɛ epi zhîze kûmə̀ wùə vɨnə̀! Zə kaʼa ə zə nyi zàyn ezhoghɛ ə̀ nyi mə ə̀ wàmne sezuʼ sê vəyn kɨ̀sə tsì.”

Ətefɨ̂aʼ 23:9 ပူးပေါင်းရင်းမြစ်များ

Ŋwàʼlè ə̀ Mâk 2:16

Kə tyə̀ynsè sə alàŋ shise mə ə̀ tè nyi əghɨə Falàsîə ə fe kə Njisə̀s zhiə yî ghɨə piə ghɛ, è ghɨ ghɛ ə tənə tâksè ə ke pfɨf sê chùmtè èpàm sə vəynse nə, “Kûmə̀ ghè ə è zhiə yî ghɨ ghɛ ə tənə tâks è ghɨ piə mɔ̀ʼɔghe ə?”

Tom èchùŋ kè kə Lûk tè nyaʼ 23:22

È və fɨnə pfɨfə kùmtə̀, nə ə sè nyi teshìŋə̀ teta nə, “Ə nyi nâʼà kûmə̀ ghè? Ghàyn tsayn ghɛ epi zɛ ə wùə vɨ̂nə nəyn. M pâʼà fe ghɛ epi zɛ ə kaʼa ə zhwi vəyn sè təyn. M nə piə, ə pus kè ndò vəyn, ə za ndu.”

Tom èchùŋ kè kə Lûk tè nyaʼ 23:4

Paylɛ̀t ə ke pì se ghɨkɔʼsə nə eshyə̀ ndɛ ètsə̀mə è nɔ̂yn ə ghɨ vɛ ə ve tè nyi fu nə, “M fe va nâʼà eghɛ epi zhize ə wùə vɨ̂nə nəyn.”

Tom èchùŋ kè kə Lûk tè nyaʼ 5:30

Ghɨə Falàsî əmɔ̀ʼɔ è tyə̀ynsè sə alàŋ sə ghənə̂sè e sè zɔ̂, pfɨfə sê chùmtè èpàm sə Njisə̀sè nə, “Kûmə̀ ghè ə ghàyn zhiə fɨnə mɨə ghayn ghə̀ ghɨ ghɛ ə ghe tənə tâksè è ghɨ piə mɔ̀ʼɔ ghə?”

Njɔyn 12:29

Nɔ̂yn ə ghɨ kɛ ə ke tè tyəm fu ə zɨə kyə̀ ətəyn, yîghe e pîə nə ə̀ pɨa eghol, yîghe e piə nə ə̀ wàmne tsì sê Vəyn.

Ətefɨ̂aʼ 11:17

Mə ke fe səmɔʼ nə Zhə̀fè ə fo foze sê ghɨ ghɛ ə̀ vachi ə̀ghɨ ə Njûsghè kèpi kə fe tè fo sê ghâsènì kə ghâsènì tè pomə sê Pɛ̂pɛ Njisə̀s Klâys. M nyiə tè nyì nâʼà ndè se tàm eghɛ zɛ ə Zhə̀fè tè kyi se nə̀yn ə.”

Ətefɨ̂aʼ 22:6

Ə tè nyi kə m kwi sè paʼsə̂ ndùə ə Ndàmaskùs, payn zhîze ə fɨə ekwùtwəyn, tɛ kə nyi, ə ŋwàŋà elùʼ vɛ ə m tè nyi ətəyn.

Ətefɨ̂aʼ 22:7

Mə pfɨ̀ ə chi ə zɨə kə kyə̀ pì sê mi nə, ‹Sɔ̂l, Sɔ̂l, ò tsə̀fsə̀ Mi kûmə̀ ghè?›

Ətefɨ̂aʼ 23:29

Mə kyiŋə kotə̂ mə è paʼà nə̀yn ghɛ kə kaʼa zhwi vəyn, pi se ndə̀m ə vəyn ə ndɛ ə̀chaʼ; ghɛ zɛ ə tè piə nə è nə̀yn pofsê ndò tè nyi tepfɨf kûmə̀ èlwɔ̂ŋ ə ghənə̂vè.

Ətefɨ̂aʼ 23:8

Kûmə̀ nə ghɨə Sandùsîə tè pomə va nə ghɨ tə zômə̀ ndò, è kɨsè nə ghɛ zhize va kə setsì, pî kə sezuʼ, pîza ghɨə Falàsîə e pomə̂ se ghɛ ətəynghe əkɨ̂m.

Ətefɨ̂aʼ 25:25

Pîza mə tàʼa fe eghɛ zɛ ə è nyi mə è və nə̀yn pofsê kə kaʼa zhwi vəyn, pîza ə pə̀ kə è chyate è ngɨŋə̂ vəyn nə tom zhi sê Kaysà, mə saynə̂ se tom ə vəyn ə Lûm.

Ətefɨ̂aʼ 26:31

Ə ndò fumə kwîə kâtə̀ ndûə ə̀ghɛ ətəynghe endom piə nə, “Wùə vɨ̀nə paʼà nə̀yn pofsê ghɛze kə ə kaʼa zhwi vəyn pî se ndə̀m ə vəyn ə ndɛ ə̀chaʼ.”

Ətefɨ̂aʼ 27:23

M piə nyi kûmə̀ nə ə̀ va nyi ètuʼve ndâyn, tsì ə̀ Fèzhə̀ Fɛ ə Fe kyi mi, m ngɨmnə̂ Fəynfe ə vâ pə̀yn sê mi.

Ətefɨ̂aʼ 5:39

Pîza ə nyi mə ə̀ fo Fèzhə̀ tyaʼke nə ghənə ə nə̂, ə ze ə pɔynə̂ va sê ghàyn se tɛ ghaʼa ghənə, ə ghàyn nə fe mə ze kyaʼà kə ghàyn nò Fèzhə̀!” Ghɨ saʼ nə ghɨ̂yn ə zɨə ètəftê zɛ ə Ngàmàlyâ fo,

Ətefɨ̂aʼ 9:4

È və pfɨə ə chi ə zɨə kə kyə̀ pì sê vəyn nə, “Sɔ̂l, Sɔ̂l, ò tsə̀fsə̀ mi nyi kûmə̀ghè?”

1 Kɔlìŋ 10:22

Mə ghâsènì kyiŋə se nə̀yn nə Zhə̀fè ə nyɔʼsə̀ ètɔŋ sê ghâsènì ə? Ghâsènì kwàʼtə̀ nə ə tɛ tsɛ ndò Və ə?