Ətefɨ̂aʼ 23:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 23:6 ပူးပေါင်းရင်းမြစ်များ

Ətefɨ̂aʼ 24:21

Ə̀ tsɛ̂ kə va ghɛ zɨ̀nə̀ èmɔ̀ʼ m tè tɔŋte fɨsê kə m tè tyəm ashi ə se saʼa: ghàyn saʼa mi ndâyn kûmə̀ nə m pomə̂ nə ghɨə tə fɨnə zômə̀.”

Ətefɨ̂aʼ 24:15

M kyi kepî èkwaʼtè èghɨ sê Zhə̀fè kə ghɨ ghɨ̀nə kyi, te nyi nə, ghɨ ghəkɨ̂m kɨ̀sə ghe chûŋə̀ kɨ̀sə ghe pighe tə kɛsə̂ zômə̀.

Filìpây 3:5

Ə tè se ə nam ghɨmə mə tuʼ mə tsɛ̀ m̀sɛ̀mbɛ kə piə mi. M nyi wùə ə̀ Isìlây mə m fɨ etàŋ ə Penjamə̀ynzè. Pɨ̀a vɨ̂mvè è nyì vɨ̂mvè tè nyi ndɨŋndɨŋ ə̀ghɨ ə Ipilùghè. M tè nyi wùə anɔ̀yn ə ghɨə Falàsîkè, ndə̀mə̀ elwɔ̂ŋ nâʼà sə ŋaŋ.

Ətefɨ̂aʼ 28:20

Ə̀ za nyi eghɛ zɛ m tɔŋə ghàyn nə ghâsènì kate ghɛghe. Se pì səmɔʼ, m kyiŋə nə ghàyn ke nə ə chaʼse nyi ə mì ekɔyn, ə ze ə nyi kûmə̀ wùə vɛ ə ghɨ Isìlâyghè tè nyi mə ndə̀m ə ghənə ətəm nə è tə pə̂.”

Matyò 22:23

Kèpî fumə fetuʼ, ghɨə Sandùsîə ə pə̀ sê Njisə̀s, ə ghɨ ghɛ ə ghe pomə va nə wùə tə zômə̀ ndò, ə pfɨfə sê vəyn nə,

Ətefɨ̂aʼ 22:5

Wùə èkɔʼsə nə èshyə̀ è ngaŋtə kwəynə è chəʼse endaʼ sekɨ̂m kàʼa ə se tɔʼte nə m pîə èghɛ səmɔʼ. Mə tə fi ŋwàʼlèsè mə se ndo sê ghənə, mə ə nyaʼ sê ghɨ ə Njûsə̀ ə Ndàmakùsghè, mə ndùə fu ə ko ə̀ghɨ nə ghɨ̂yn, ə pə̀yn è ghənə ə sechaʼ ə Njèlusalɛ̀m nə ə pɔynse ghənə.

Matyò 10:16

Ghàyn zɨte! M tomə fɨsə̂ ghàyn nyi, ghàyn e ndûə sə̂ nyi kə sendzè əfètə̂ sènyàm se pɨase. Ghàyn kyi sə̂ tɔfə kə kə sembam, kyi sə̂ kyi èngɨmnê kə ekwɨ̀l.

Matyò 3:7

Ə pə̀ kə Njɔyn fe tsɨ̀tsɨ̂ ə̀ ghɨ̀ə Falàsîə è ghɨə Sandùsîə ghe pə̂ nə è fo môm sê ghənə, è və pìə sè ghənə nə, “Mbam sɨ̂nə̀! Ə̀ tɔfse nde ghàynə, kə ghànə mɔ̂msə̀ se tə epɔynsê zɛ ə Zhə̀fè nyi se tom sê ghàyn ə?

Ətefɨ̂aʼ 22:3

“M nyi wùə ə Njûs, mə ə tè piə mi endaʼ ə Tasùszè, ə Sìlisyà, pîza m ndəmə kɔʼ fâ Njèlusalɛ̀m kə wâ və ndɛ ə̀ ŋwàʼlè ə̀ Ngàmàlyâ. È və tə tyə̀ynsè saʼ tə ghə̀pɨ̀a ghâsènì ghəshiə sê mi nâʼà tèkɨ̂m. Ghe ə Fezhə̀zè tè tɨ̂mə̀ ə mì ewiyn kè eghɨ kə ze tɨ̂mə̀ sê ghàyn ndâyn.

Ətefɨ̂aʼ 22:30

Tuʼfe komtəfe, kə tu ə sesokə̀ʼke tè kyiŋə se kote nə ghɨə Njûsə̀ fe ghâmə̀ Pɔ̂l sə ghe ə, è və zà Pɔ̂l, ə tsɛ̀sə̀ àlaŋ nə ghɨ kɔʼsə nə eshyə̀ ə ngaŋtəghe, è chəʼse kɨ̂m Zuŋte. È və njìə pə̂ è Pɔ̂l ə ghənə əshi.

Ətefɨ̂aʼ 23:1

Pɔ̂l ə naynə̂ ndùə ə̀ ghɨ ghɛ ə ghe tè nyì fumə atsɨ̀ynte chichi ə pìə sê ghənə nə, “Ghɔnyì ghɨmə, mə nə̀yn ghɛ zɛ ə m fe kàʼa m nəyn ə Zhə̀fè əshi, è kwaʼtè zɨmze chûŋzè se zaʼâ ndàyn.”

Ətefɨ̂aʼ 23:7

Kè kə è pì mɨsè zɨnə mə, ghɨə Falàsîə è ghɨə Sandùsîə ə zhə̀tə̀ se saʼnê, nɔ̂yn ətəynke ə chyàtə̀.

Ətefɨ̂aʼ 23:15

E za tyə̀nə̀ nə ghàyn è ghɨə se saʼa kyi se tiynsê ə tom se tuə se sokə̀ʼke nə ke tso pəyn è Pɔ̂l se ghàyn, ə ghàyn kaŋkaŋə nəyn kəpiə ghàyn kyiŋə se fɛtə kê səmɔʼ kûmə̀ Pɔ̂l. Pîza ghàs nə̀ nə̂ ə nyi ke è pɨaʼtêzè se zhwiə vəyn tsɔ̀fə kə è pəyn fɨ fayn.”

Ətefɨ̂aʼ 23:20

È və pìə nə, “Ghɨ ə ghaʼa Njûs ghə pomə se tə pì sê ghò ezhwisəʼə nə ò nji tso pəyn è Pɔ̂l se ghɨə se saʼa, ə kaŋkaŋə nəyn nə ghɨə se saʼa kyiŋə se kê ə səmɔʼ kûmə̀ vəyn.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Ipilù 6:19

Kwaʼtè elɨmtə nə zɨnə̀ ə ghâsènì kyi nə̂ nə ndam ə ghasènìze ə tyəm luʼve emɔ̀ʼ, nəʼlə̀ va, kèpi endom vɛ ə ankɔ̀ kyiə ngwùʼ eghaʼâ əfètə̂ enjwì ə fengwaŋve. Wùə vɛ ə ghâsènì lɨmtə vəyn e təm ə ghasènìghe əkɨ̂m nə è tsamte ghâsènì nyi Njisə̀s, vɛ ə è njiə ndûə ə Zhə̀fè əshi, kèpî endom vɛ ghɨə kɔʼsə nə eshyə̀ engaŋtə kwəynəghe tè njiə ndûə epàm mə̂ àpàŋ ə sendzɨske, njiə ndûə eluʼ eŋwaʼa ngaŋtə kwəynəve.