Ətefɨ̂aʼ 23:1 - Ŋwàʼlè ə̀ Fèzhə̀ Mkâyn Mə̂ Fèm

¹ Pɔ̂l ə naynə̂ ndùə ə̀ ghɨ ghɛ ə ghe tè nyì fumə atsɨ̀ynte chichi ə pìə sê ghənə nə, “Ghɔnyì ghɨmə, mə nə̀yn ghɛ zɛ ə m fe kàʼa m nəyn ə Zhə̀fè əshi, è kwaʼtè zɨmze chûŋzè se zaʼâ ndàyn.”

Ətefɨ̂aʼ 23:1 ပူးပေါင်းရင်းမြစ်များ

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Ətefɨ̂aʼ 22:1

“Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Ətefɨ̂aʼ 22:30

Tuʼfe komtəfe, kə tu ə sesokə̀ʼke tè kyiŋə se kote nə ghɨə Njûsə̀ fe ghâmə̀ Pɔ̂l sə ghe ə, è və zà Pɔ̂l, ə tsɛ̀sə̀ àlaŋ nə ghɨ kɔʼsə nə eshyə̀ ə ngaŋtəghe, è chəʼse kɨ̂m Zuŋte. È və njìə pə̂ è Pɔ̂l ə ghənə əshi.

Ətefɨ̂aʼ 22:5

Wùə èkɔʼsə nə èshyə̀ è ngaŋtə kwəynə è chəʼse endaʼ sekɨ̂m kàʼa ə se tɔʼte nə m pîə èghɛ səmɔʼ. Mə tə fi ŋwàʼlèsè mə se ndo sê ghənə, mə ə nyaʼ sê ghɨ ə Njûsə̀ ə Ndàmakùsghè, mə ndùə fu ə ko ə̀ghɨ nə ghɨ̂yn, ə pə̀yn è ghənə ə sechaʼ ə Njèlusalɛ̀m nə ə pɔynse ghənə.

Ətefɨ̂aʼ 23:15

E za tyə̀nə̀ nə ghàyn è ghɨə se saʼa kyi se tiynsê ə tom se tuə se sokə̀ʼke nə ke tso pəyn è Pɔ̂l se ghàyn, ə ghàyn kaŋkaŋə nəyn kəpiə ghàyn kyiŋə se fɛtə kê səmɔʼ kûmə̀ Pɔ̂l. Pîza ghàs nə̀ nə̂ ə nyi ke è pɨaʼtêzè se zhwiə vəyn tsɔ̀fə kə è pəyn fɨ fayn.”

Ətefɨ̂aʼ 23:20

È və pìə nə, “Ghɨ ə ghaʼa Njûs ghə pomə se tə pì sê ghò ezhwisəʼə nə ò nji tso pəyn è Pɔ̂l se ghɨə se saʼa, ə kaŋkaŋə nəyn nə ghɨə se saʼa kyiŋə se kê ə səmɔʼ kûmə̀ vəyn.

Ətefɨ̂aʼ 23:28

M tè kyiŋə se kê eghɛ zɛ ə ghənə tè piə nə è nə̀yn pofsê ndò, mə njìə tso ndûə è vəyn ə ghənə elùʼ ə saʼve.

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 24:16

Kûmə̀ zɨnə mə, m mɔ̂msə̀ se nə̀yn nə təm ghɨmghe ə saʼa va mi ə Zhə̀fè shi è kɨsè ə ghɨghe əshi.

Ətefɨ̂aʼ 6:15

Nâʼà ə̀ghɨ ə̀kɨ̂m ghɛ ə ghe tè nyi elùʼ e saʼ nə vɛ ə naynə̂ ndùə Shìtifɨ̀yn ə fe èkyâʼ ə vəynze ze nyanə̂ kə kə ekyâʼ ə tsìzè.

1 Kɔlìŋ 4:4

Təm ghɨmghe saʼa va mi, pîza ze tyə̂nə̀ va nə m paʼà nə̀yn pofsê. Ə̀ nyì ke Pɛ̂pɛ vɛ è kàʼa è saʼ mi.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.

Ipilù 13:18

Ghàyn e tsə̂mə̀ kə sê ghàs. Ghàs ke ndô nə təm ghasghe saʼa va ghàs, kûmə̀ nə ghàs kyiŋə kə sə̂ nə̂ eghɛ zɛ ə ze tsɔ̂fə̀ shîŋə̀ tekɨ̂m.

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.