Ətefɨ̂aʼ 22:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Wùə èkɔʼsə nə èshyə̀ è ngaŋtə kwəynə è chəʼse endaʼ sekɨ̂m kàʼa ə se tɔʼte nə m pîə èghɛ səmɔʼ. Mə tə fi ŋwàʼlèsè mə se ndo sê ghənə, mə ə nyaʼ sê ghɨ ə Njûsə̀ ə Ndàmakùsghè, mə ndùə fu ə ko ə̀ghɨ nə ghɨ̂yn, ə pə̀yn è ghənə ə sechaʼ ə Njèlusalɛ̀m nə ə pɔynse ghənə.

Ətefɨ̂aʼ 22:5 ပူးပေါင်းရင်းမြစ်များ

Tom èchùŋ kè kə Lûk tè nyaʼ 22:66

Tuʼ və zo pə̂, chəʼse endaʼse e ghɨkɔʼsə nə eshyə̀ ndɛ Fèzhə̀ e ghaʼâghè è tyə̀ynsè sə alàŋsè ə kyiə atsɨ̀ynte, ə pə̀ e Njisə̀s fu atsɨ̀ynte,

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 2:29

Pità ə ke fɨnə pì nə, “Ghɔnyì ghɨmə, m kyi se wàmnə̀ sê ghàyn səmɔʼ kûmə̀ Ndàfît, pɨ̀a ghâsènì və shi. È və tə kwu, ə pfɨ̀mə̀, shyə̂ ə vəynze pa nyi ndò fayn se pə tàyn zôyn.

Ətefɨ̂aʼ 22:1

“Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Ətefɨ̂aʼ 23:1

Pɔ̂l ə naynə̂ ndùə ə̀ ghɨ ghɛ ə ghe tè nyì fumə atsɨ̀ynte chichi ə pìə sê ghənə nə, “Ghɔnyì ghɨmə, mə nə̀yn ghɛ zɛ ə m fe kàʼa m nəyn ə Zhə̀fè əshi, è kwaʼtè zɨmze chûŋzè se zaʼâ ndàyn.”

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 26:10

Ə̀ zɨnə̀ e nyi èghɛ zɛ m tè nə̀yn ə Njèlusalɛ̀m. M tè fi atyaʼ sê ghɨə kɔʼsə nə eshyə̀ engaŋtəghe ə ndə̀mə̀ ə̀ghɨ Fezhə̀ ə tsɨəghe ə ndɛ ə̀chaʼ, ə pə̀ kə tsɛsè saʼze nə ə zhwi ghənə, mə pɔŋɔ tɔ̂ʼɔ̀ èghɛ ətəynze.

Ətefɨ̂aʼ 26:11

Mə tə pɔynsê ghənə sə teshìŋə̀ te tsɨəte ə sendɛ sə atsɨ̀yntese, ə mɔ̀msə̀ se nə̀yn nə ghənə pi ghɛ ə pighe kûmə̀ Njisə̀s. M tè nyîə nyɔʼsə̀ ètɔŋ se ghənə nâʼà sə ŋaŋ, fɨə ndûə pîə ə tèndâʼà tə atumte se tsɨfsè ə ghənə.”

Ətefɨ̂aʼ 26:12

“Ə̀ tè nyi kûmə̀ èghɛ zɨ̀yn kə m tè ndù ə Ndàmaskùs è tyaʼke mə ə̀ tsɛ̀se əghɨ kɔʼsə nə eshyə̀ engaŋtəghe,

Ətefɨ̂aʼ 28:17

Tuʼmè ə tsɛ̀ m̀ta, Pɔ̂l ə tɔŋɔ̂ àtsɨ̂ynte yighə̀ tu ə ghɨ̀ ə Njûs vɛ ə ve tè nyi ə Lûm. Kə ghənə ə pə̂yn, Pɔ̂l ə pìə sê ghənə nə, “Ghɔnyì ghɨm ghə Isìlâyghè, m tè paʼà nə̀yn pi zhîzè se ghɨ ghɨ̀nə̀, ə tàʼa nə pofsê eghɛ zhîze kûmə̀ ètsɨsə̂ endaʼ zɛ ə pɨ̀a ə ghâsènì ghəshiə tè zà sè ghâsènì. Pîza kə ghɨ ə ghasènìghe tè ko mi Njèlusalɛ̀m ə fo mi sê tu ə ghɨ̀ ə Lûmvè. Nyiəmə, ze tyə̂nə̀ nə m zo fa nyi kə wùə ndɛ ə̀chaʼ.

Ətefɨ̂aʼ 28:21

Tu nə vɛ mə ə ke pì sè Pɔ̂l nə, “Ghàs pâʼà fe ŋwàʼlè kə è ndò ə Njòndyâ ə pə̀ sê ghàs kûmə̀ ghò. Nâʼàpî ə̀ghɔnyì ghàs ghɛ ə ghe ndô fu ə pə̀ fayn pâʼà pì ghɛ epi zhîze kûmə̀ ghò.

Ətefɨ̂aʼ 3:17

M pîə sê ghàyn ə ghɔnyì ghɨmə nə, nâʼàpî èghɛ èkè zɛ ə ghâynghə̀ ghɨ ghayn ghe chisə tè nəyn sê Njisə̀s, tè kyàyn nyî kûmə̀ nə ghàyn tè keva ghɛ zɛ ə ghàyn tè nə̂.

Ətefɨ̂aʼ 4:5

Tuʼve ə zo, tuə ə ghɨ Njûskè, è tyə̀ynsè sə esaʼse, è chəʼse ə zùŋtə̀ ə Njèlusalɛ̀m.

Ətefɨ̂aʼ 5:21

Ghɨətom ə Njisə̀sghè ə zɨə èghɛ nə zɨ̂nə̀, ə nə̀ kə zamə, ə ndò ə təyn ə̀shi, ə ndùə ə ndɛ̂ ètsə̀mə ə zhə̀tə̀ sə̂ zaʼlə ə̀ghɨ. Wùə èkɔʼsə nə èshyə̀ è ngaŋtə kwəynə è pamə̂ tə vəyn tîte ə tɔŋnə̂ sechəʼ sə ghɨ Njûsghè ghəkɨ̂m, nə ghənə pəyn kyi atsɨ̀ynte, ə fɨnə tiynsə̂ nə ə ndu nji pə̀yn ə̀ ghɨətom ə Njisə̀s ghɛ ə ndɛ chaʼ.

Ətefɨ̂aʼ 9:14

È ve pə̀yn zôyn ə Ndàmaskùs è tyaʼa mə ke ndo sê wùə kɔʼsə nə̂ èshyə̀ è ngaŋtə nə è kyite nâʼà ə̀ghɨ ə̀kɨ̂m ghɛ ə ngɨmnə zə zɛze.”

Ngàleshyà 1:13

Ə tsàyn se ghàyn kə ndam zɨme tè nyi kə m tè kɔʼsə Zhə̀fè endom vɛ ə ghɨə Njûsə̀ kɔʼsə, kə m tè tsə̀fsə ndɛ, mə nyi zə Fèzhə̀ mə m kyi va kosê esəynze, ə mɔ̀msə̀ tèndom tèkɨ̂m se sàʼtə zə̂ynzè.

Filìpây 3:6

M tè nyîə tɨ̂mə̀ tsɛsə̀ èwiynve, endom nə m tè nyîə tsə̀fsə̀ ə̀ghɨ poməghe. Wùə vîvè tè vayn kàʼa è pi nə m kyi ndô pi zhizè ə mì ewìyn kûmə̀ nə m tè nyîə ndə̂mə̀ èlwɔ̂ŋ əghɨ̀ ə Njûsvè ekɨ̂m.

1 Timotì 4:14

Kə ò lɛse fo zɛ ə Zuʼse Ŋwaʼase tè fo sê ghò za kə fɨ̀aʼtèsè wàmnè ghɛ kûmə̀ ghò, nɔ̂yn ə sechəʼ sə ndɛ̂ Fèzhə̀sè ə ndə̀mə̀ əgho ə ghò tu.