Ətefɨ̂aʼ 22:3 - Ŋwàʼlè ə̀ Fèzhə̀ Mkâyn Mə̂ Fèm

³ “M nyi wùə ə Njûs, mə ə tè piə mi endaʼ ə Tasùszè, ə Sìlisyà, pîza m ndəmə kɔʼ fâ Njèlusalɛ̀m kə wâ və ndɛ ə̀ ŋwàʼlè ə̀ Ngàmàlyâ. È və tə tyə̀ynsè saʼ tə ghə̀pɨ̀a ghâsènì ghəshiə sê mi nâʼà tèkɨ̂m. Ghe ə Fezhə̀zè tè tɨ̂mə̀ ə mì ewiyn kè eghɨ kə ze tɨ̂mə̀ sê ghàyn ndâyn.

Ətefɨ̂aʼ 22:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 10:39

Ə̀ tè nyi zâ Maltà e kyi ànyìə vəyn vîvè, zə vəynze e nyi Mèli. Mèli ə pə̀ tsɨsə kə ə Pɛ̂pɛ əshi se zɨtə̂ ezaʼlê ə vəynze.

Tom èchùŋ kè kə Lûk tè nyaʼ 2:46

Ə kyiŋə sə mtuʼ mta ə ndùə fè vəyn ə Ndɛ Ètsə̀mə, è tsɨs yighə̀ tyə̀ynsè, zɨtə̂ ə̀ghɛ ghɛ ə ghənə piə fɨnə pfɨftə̂ ghə mɔ̀ʼɔ̂.

Tom èchùŋ kè kə Lûk tè nyaʼ 8:35

Ə zɨə za ə fɨə ndùə se fe eghɛ zɛ ə ze kyâyn. Ghənə pə̀ fe Njisə̀s ə fɨnə fe wùə vɛ ə pamə̂ tə satàyntè tɛ fè fɨ ə vəyn ewìyn, è tsɨs ə və shi, mə è və maʼ ndzɨse sè nyi ke nâʼà ə vəyn etɔf. Ghɨ təynghe ə fe zâ sè fânə̀.

Ətefɨ̂aʼ 11:25

Pànapàs ə fɨnə ndò ndùə ə endaʼa Tasùszè se kyiŋə Sɔ̂l.

Ətefɨ̂aʼ 15:23

Ə tomə ŋwàʼlè ènyàʼa sê ghənə pîə nə, “Ghàs ghɨətomə, è ghɨə chisəghe ə ndɛ ə̀ Fèzhə̀ mə nyi ə ghɔnyì ghaynghe tomə ètɔŋtê se ghàyn. Ə ghàyn ghɛ ə nyi ə ghɔnyì ghasə mə ghàyn vachi ə̀ghɨə Njûsə̀. Ə ghàyn ghɛ ə ghàyn ndamə endaʼ Antyòkzè, è pâs endaʼa Silyàkè, è Sìlisyà.

Ətefɨ̂aʼ 15:41

Pɔ̂l ə tsɛ tɔynə̂ yî Silàs apàs endaʼ Silyàkè è Sìlisyà nə̂ nə ndɛ sə Fezhə̀ sè ə tɛ.

Ətefɨ̂aʼ 21:20

Ə pə̀ kə ghənə zɨte mɨsè sê vəyn, ghənə əkɨ̂m ə fo àzɔ̀ŋnè se Zhə̀fè. Ghənə ə ke pì nə, “Ànyì vâsvè Pɔ̂l, o fe kə ghɨə Njûsə̀ kamse tsɨəse pomə sê Zhə̀fè è ndom vɛ ə ghənə ndə̂mə̀ lâŋkè ətə?

Ətefɨ̂aʼ 21:39

Pɔ̂l ə pə̀ynsə̀ nə, “M nyi wùə ə Njûs, mə ə tè piə mi ə endaʼ ə Tasùszè ə Sìlisyà. M chyatə̂ nə ò fo mi èndomve ə m wàmne sê ghɨ.”

Ətefɨ̂aʼ 23:34

Tu apàs endaʼ ətəynke ə tɔŋɔ ŋwàʼlè ə̀təyn ə pfɨfə sê Pɔ̂l nə è ndo endaʼ èkè ə? Ə tè nyi kə è zɨ nə Pɔ̂l ndò endaʼ ə Sìlisyàzè,

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 26:5

Ghənə tè kɨte kê ndò mi, mə ə ghənə kɔ̂ŋɔ̀ se tsàyn, ə ghənə tsayn nə sə shi, m tè lote nyi wùə vɛ m tè ndə̀mə ndomtə Fezhə̀tè nâʼà àchûŋ. M ndəmə̀ təynte kə nâʼà pì ndè anɔ̀yn ə ghɨ̀ ə Falàsîkè ndə̀mə̀.

Ətefɨ̂aʼ 26:9

Nâʼà mi è ngɨŋ zɨ̂mè ə tə kwàʼtè nə m kaʼa m nəyn pîghè se pofsê ezə Njisə̀s və Nazalɛ̀tvè.

Ətefɨ̂aʼ 5:34

Pîza wùə ə Falàsî vîvè, zə vəynze e nyi Ngàmàlyâ, ə tyə̀ynsè àlâŋ, ghɨghe əkɨ̂m e kɔʼsə vəyn, ə ndwìə tyəmə̂ ekwùtwəyn. Ə ke kàyn nə ə nji fɨ è ghɨətom nə ghɛ əpɨəyn sə fendîŋə̀ fə ashìŋə̀fè.

Ətefɨ̂aʼ 6:9

Pîza, ghɨ yîghe ə zhə̀tə̀ èsaʼnê yî vəyn. Ghɨ nə ghɨ̂yn tè nyi əghɨ mə ghe ndo pə̂yn anɔ̀yn əghɨ̀ kɛ ə ke tè zàŋsə ndûə ə ndɛ àtsɨ̂ynte. Ə tè tɔŋtə ndɛ ə̀ təyn nə ndɛ àtsɨ̀yn əghɨ̀ ghɛ ə kɛse vachi èkɔ̂s. Ghɨ nə ghɨ̂yn tè nyi əghɨ Njûsə̀ mə ə ndo pə̂yn endaʼa ə Silênzè, è ndaʼa Àlèksandiyàzè. Ghənə è ghɨ Njûs əmɔ̀ʼɔ ghɛ ə tè ndò pə̂yn ə Sìlisyà è kɨsè Esiyà, ə zhə̀tə̀ saʼnə̂ yîghə̀ Shìtifɨ̀yn.

Ətefɨ̂aʼ 9:1

Sɔ̂l tè pa kâyntə̀ kə ètyaʼa nə zhi nə̀ zhwitə̂ sèchùmtè sə Pɛ̂pɛse. È və ndò ndûə sê wùə èkɔʼsə nə èshyə̀ engaŋtə kwəynə,

Ətefɨ̂aʼ 9:11

Pɛ̂pɛ ə pìə sê Ànàniyàs nə, “Ndwi ə ndùə endom vɛ ə tɔŋtə nə Endom e Nanəve ə pfɨfə ndɛ̂ wùə vîvè fu, e tɔŋtə̂ vəyn nə Njondàs. Ə ò ndù zaʼâ fu, o pfɨfə wùə vîvè mə è ndo endaʼ ə Tasùszè, e tɔŋtə̂ nə Sɔ̂l. Nâʼà zôyn nyi, è nyi fu tsə̂mə̀,

Ətefɨ̂aʼ 9:30

Ə pə̀ kə ghɨ pomə zɨ paynse nə ə kyiŋə se zhwiə Sɔ̂l, ghənə ə təsə̂ tsosə̂ vəyn endaʼa kàysalyàzè ə tiynsə̂ vəyn endaʼa Tasùszè.

Ŋwàʼlè ə̀ Pɔ̂l sê ghɨə Lûmghè 11:1

Pfɨf zɨme zôyn nyi nə: Zhə̀fè tè tə ndô ghə vəynghe nə əghɨ mə? E vachi za! Ə mi èngɨŋ zɨ̂mè nyi wùə Isìlây, ə feghâŋ fə Aplàghâmfè, ə wùə ètàŋ ə Penjamə̀ynzè.

2 Kolìŋ 11:22

Ghənə kɔʼsə̂ èwiyn pìə nə ghənə nyi əghɨ Ipilùghè. M nyi kepî wùə Ipilù. Ghənə pìə nə ghənə nyi ə ghɨə Isìlâyghè. M nyi kepî wùə Isìlây. Ghənə ghəmɔ̀ʼɔ pìə kəpi nə ghənə nyi əghɨ esas ə ndɛ Aplàghâmzè. M nyi kepî wùə èsas ə ndɛ ə Aplàghâmzè.

Ngàleshyà 1:14

M tè ke se kɔʼsə Fezhə̀ endom vɛ ə ghɨə Njûsghè kɔʼsə tsɛ̂ ngwàʼ zɨ̂mze tsɨə, mə mə fo təm ghɨmə nâʼà sə ŋaŋ, tsɛ̂ endam endaʼ zɛ ə ghə̀pɨ̀a ə ghasènìghe tè ndamə.

Ngàleshyà 1:21

M tè ndò fu ə ndù ətelùʼ ə Silyà è Sìlisyà.