Ətefɨ̂aʼ 22:22 - Ŋwàʼlè ə̀ Fèzhə̀ Mkâyn Mə̂ Fèm

²² Nɔ̂yn ətəynke ə zɨtə̂ se Pɔ̂l se kɔʼɔ zaʼâ andiŋ kyîke, ghənə e puʼə m̀pɔ̂ŋ è kyə̀ se tɛse pîə nə, “Ghàyn ndo è vəyn! Ghàyn zhwi vəyn! È kwəynə̂ va se ndam.”

Ətefɨ̂aʼ 22:22 ပူးပေါင်းရင်းမြစ်များ

Tom èchùŋ kè kə Lûk tè nyaʼ 23:18

Kə e pìə pə̂ nyi, ghənə pɨa kə sə kyə̀ emɔ̀ʼ nə, “E nə fe eghɛ! ghàs kyiŋə nə ə za fɨse ke Pàlapàs.”

Njɔyn 19:15

Pîza ghənə ə pɨa pîə kə nə, “Zhwi Vəyn! Zhwi Vəyn! Paynte Vəyn awâmnè!” Paylɛ̀t ə pfɨfə sê ghənə nə, “Ghàyn kyiŋə nə m paynte fɔ̀yn vâyn və awâmnè ə?” Ghɨkɔʼsə nə eshyə̀ ə ngaŋtəghe ə pìə nə, “Ghàs kyi va fɔ̀yn vîvè, ə̀ tsɛ̂ kə va Kaysà.”

Ətefɨ̂aʼ 21:36

Ghənə əkɨ̂m tè pə̂ ə vəyn pàm pɨa piə nə, “Ə zhwi vəyn!”

Ətefɨ̂aʼ 25:24

Festùs ə piə nə, “Fɔ̀yn Àngɨ̀lipà, è ghɨghe əkɨ̂m ghɛ ə ghe nyi fâyn, ghàyn ə fe wùə vɨnə! Ə̀ vɨ̀nə nyi wùə vɛ ə ghɨ Njûsghè əkɨ̂m ghɛ ə ghe nyi ə Njèlusalɛ̀m è ghɛ ə ghe nyi ə Kàsalyà tè pi nə è və nə̀yn pofsê, puʼə m̀pɔ̂ŋ pîə nə è kyi va se fɨnə ndam.

1 Tèsàlonikà 2:16

Endom nə vɨ̂yn ghənə tè mɔ̀msə se tàsè nə kə ghàs wamne sê ghɨ ghɛ ə tè vachi ə̀ghɨ ə Njûsghè kə Zhə̀fè sɔza ghənə. Kûmə̀ zɨnə mə, ghənə ə nə̀yn ke pise nyiə se sɛ se kɔʼ kwəyn. Zhə̀fè nyîə nyɔʼsə̀ ètɔŋ sê ghənə zôyn, shîŋə̀kè kɛ ke kwəyn se fo etsôs sê ghənə!