Ətefɨ̂aʼ 22:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ə̀ tè nyi kə ə zhwi Shìtifɨ̀yn kə̂ è tè tyəm kə tsɛ̀ èsaʼ nâʼà mi è ngɨŋ zɨ̂mè tè nyîə nyi fumə, pîə nə ə zhwi vəyn.›

Ətefɨ̂aʼ 22:20 ပူးပေါင်းရင်းမြစ်များ

Tom èchùŋ kè kə Lûk tè nyaʼ 11:48

E tyə̂nə̀ kə nâʼà nə ghàyn tɔ̀ʼɔ̀ eghɛ zɛ ə pɨ̀a ghanə tè nə̀yn kûmə̀ nə ghənə ə tə zhwite fɨ̀aʼtè nə sɛmə, ghàyn e pomə teshyə̂ teghaʼâ tə ghənə̂tè.

Ətefɨ̂aʼ 26:10

Ə̀ zɨnə̀ e nyi èghɛ zɛ m tè nə̀yn ə Njèlusalɛ̀m. M tè fi atyaʼ sê ghɨə kɔʼsə nə eshyə̀ engaŋtəghe ə ndə̀mə̀ ə̀ghɨ Fezhə̀ ə tsɨəghe ə ndɛ ə̀chaʼ, ə pə̀ kə tsɛsè saʼze nə ə zhwi ghənə, mə pɔŋɔ tɔ̂ʼɔ̀ èghɛ ətəynze.

Ətefɨ̂aʼ 6:5

Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 7:58

Ghənə ə shinə̀ fɨə è vəyn fu ə tə̀ʼ ə zhə̀tə̀ se tɨmnə̂ vəyn è chighe. Ə̀ tè nyi za mə ghɨ ghɛ ə ghe tè tyəm kə setsɛ̀ èsaʼ ə chɔʼte ndzɨsə ghənə̂sè ə ndə̀mə̀ sê kwuŋ vîve, zə vəynze e nyi Sɔ̂l.

Ətefɨ̂aʼ 8:1

Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.

Ŋwàʼlè ə̀ Pɔ̂l sê ghɨə Lûmghè 1:32

Ghənə ke ndô nə lâŋ ə Fezhə̀kè nyîə pîə nə ghɨ ghɛ ghe ndamə famə endom kyi se kwu. Pîza ghənə paʼà faŋ ke sə̂ nə̂ ə̀ghɛ nə ghɨ̀yn, pîza pɨlə tɔ̂ʼɔ̀ kəpî ə̀ghɨ ghɛ ə nə̂ ghɛ ətəynghe.

Etyə̂yn ə paynsêzè 17:6

Mə fe mə wùzhɔyn ətəyn ə mɨ ndə̂mè, m̀ mə ko vəyn sə mlɨ̂. Ə mɨ̂nə̀ tè nyi mndəm mə ghɨ Fezhə̀ghè è kɨsè ghɨ ghɛ ə tè zhwi kûmə̀ nə ghənə tè tyəm è təm ə ghənə̂ghè əkɨ̂m sê Njisə̀s. Ə pə̀ kə m fe wùzhɔyn ə̀təyn, nyi èkaynze nâʼà sə ŋaŋ.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.