Ətefɨ̂aʼ 22:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ È və pìə sê mi nə, ‹Zhə̀ fɛ ə pɨa ghasènìə tè kɔʼsə ə chɔʼ ghô nə ò nəyn kwâʼtè ə Veynze, ə ò fe wùə èfɨaʼa ə̀ Vəyn vɛ ə è nyi chichi, ə ò zɨ kə è wàmnə̀ è kyə̀ vəyn zə ngɨŋ.

Ətefɨ̂aʼ 22:14 ပူးပေါင်းရင်းမြစ်များ

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Ətefɨ̂aʼ 13:17

Zhə̀fè ghɨ̀ə Isìlâyfè, ə tə chɔʼ pɨ̀a ə ghâsènì ghəshiə, ə nə̀ ghənə e tsɨ̂ə kə nyi etuʼ vɛ ə ghənə tè ndamə kə kə ghɨ ghɛ ə̀ tè vachi ə̀ghɨ ə Njûsghè endaʼ ə Enjìpzè. Zhə̀fè ə fɨsə̂ ghənə e endaʼ ə Enjìpzè è tyaʼa kwəmnə kɛ ə fe kyi.

Ətefɨ̂aʼ 22:15

Kûmə̀ nə ò tə tyəmə kə tsɛ̀ èsaʼ sê vəyn, ə ò tsayn sê nâʼà pîndè ghɛ zɛ ə ò fe ə fɨnə zɨə.

Ətefɨ̂aʼ 22:18

Mə fe Pɛ̂pɛ, È və ə pìə sê mi nə, ‹Zàŋse ndwi ə ndò fɨə ə Njèlusalɛ̀m kûmə̀ nə ghɨ nə ghɨ̂yn nə̀ pomə̂ va ghɛ zɛ ə ò pìə kûmə̀ Mi.›

Ətefɨ̂aʼ 24:14

Pîza m pomə̂ ndò nə m nyîə ngɨmnə̂ Fèzhə̀ fə ghə̀pɨ̀a əshi fasfe, chumtə̀ èndom nə vɨnə mə, ghənə e pîə nə ə̀ nyi endom akaŋve. Pîza m pomə̂ kəpi ndò nâʼà pi èghɛ èkè zɛ ə nyi mə ə nyàʼ ə Mosîs alàŋ è ŋwàʼlè sə se fɨ̀aʼtèsè.

Ətefɨ̂aʼ 26:16

Pîza, ndwi tyəm è gholə. M fɨ ə ghò ekyàʼ se chɔʼɔ ghô sə wûə èfɨ̀aʼa vɨ̂mè. Ò nə̀ tsâ sê ghɨə mɔ̀ʼɔghe ghɛ ghɛ ə ò fe sè Mi ndâyn è ghɛ ghɛ M tə tyə̂nə̀ sê ghò mtuʼ me pə̂m.

Ətefɨ̂aʼ 5:30

Ghàyn ə tə nə̀yn ə payntə̂ Njisə̀s ə awâmnè, è və kwuə. Pîza Zhə̀ fɛ ə pɨ̀a ghasènìghe tè kɔʼsə Fə zòmsə̀ Vəyn.

Ətefɨ̂aʼ 7:52

Ə̀ nyi fɨ̀aʼtè èkè ə ghə̀pɨ̀a ghayn ghəshiə tè tàʼa fo ngəʼ sê zə̂yn ə? Ghənə ə tə zhwitê ghɨətom ə Fezhə̀ nâʼà ə̀kɨ̂m etuʼ ə shi. Ə̀ nyi ghənə ə tè tsayn pə̂ ə wùə Chichi ə̀ Fèzhə̀zè. Ə̀ nyi Vəyn vɛ ə ghàyn pəʼle ə fɨnə zhwiə.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ətefɨ̂aʼ 9:17

Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

1 Kɔlìŋ 11:23

Ghɛ zɛ m zaʼlə se ghàyn nyi zɛ ə m tè zɨ sê Pɛ̂pɛ, ze nyi nə, ə̀ tè nyi ètuʼve əfetuʼ fɛ ə tè pəʼle Pɛ̂pɛ Njisə̀s ətəyn, È və njìə àpayn ə kwaŋke,

1 Kɔlìŋ 15:3

M tsɛsə̀ fo pə̂ se ghàyn ghɛ zɛ ə tè fo sê mi, mə ə̀ lote nyi kàyntè èghɛ, mə ze nyi nə Klâys tè kwu kûmə̀ sèpi sə ghasènìse kè kə nyi mə ə nyàʼ ə ŋwàʼlè ə̀ Fə̀zhə̀ nə,

1 Kɔlìŋ 15:8

Epàm ətəyn è və ke tyə̀nə kwùŋsə ngɨŋə̂ vəyn sê mi nâʼàpî kə m nyi kə wùə ə tè piə ndɔʼɔ shîŋə̀kè kwəyn.

1 Kɔlìŋ 9:1

M va sə mì ə ngɨŋ ə̀? M va wùətom ə̀? M tè paʼà fe Njisə̀s Pɛ̂pɛ ə̀ ghâsènì ə? Ghàyn va etwɔm efɨ̀aʼ zɨmze ə Pɛ̂pɛ ə̀?

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 1:12

M tè pâʼà zɨ tom nə zɨ̂yn sê wùə m̀sɔŋ, pî nə wùə zaʼle zə̂ynzè se mi. Ə̀ tè tyə̀n paynsê Njisə̀s Klâys è zə̂ynzè se mi.

Ngàleshyà 1:15

Pîza, Zhə̀fè tɔynə̂ ə və afùʼ, ə chɔʼɔ mi tsɔ̀fə kə piə mi, ə tɔŋɔ mi sə wûə èfɨ̀aʼa ə̀ vəyn. Kə è chɔʼne

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

1 Pità 2:22

Ə nyàʼ ə Ŋwàʼlè ə̀ Fèzhə̀ nə, “È tè paʼà nə̀yn ghɛ epi zhîze, ə tàʼa tyəmə wam akaŋ nâʼà səkɔs.”

1 Njɔyn 2:1

M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.